VIDEO| ಪಾಕ್​ ನಾಯಕನಿಗೆ ಜೆರ್ಸಿ ಗಿಫ್ಟ್​ ಮಾಡಿದ ವಿರಾಟ್; ಬಾಬರ್​ಗೆ ತೀಕ್ಷ್ಣ ಮಾತುಗಳಿಂದ ಕುಟುಕಿದ ವಾಸಿಂ ಅಕ್ರಮ್

ನವದೆಹಲಿ: ಅಹಮದಬಾದಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಶನಿವಾರ (ಅಕ್ಟೋಬರ್ 14) ನಡೆದ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ಭಾರತ ತನ್ನ ಸಾಂಪ್ರಾದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ 7 ವಿಕೆಟ್​ಗಳ ಭರ್ಜರಿ ಜಯಗಳಿಸಿದೆ. ಈ ಮೂಲಕ ವಿಶ್ವಕಪ್​ನಲ್ಲಿ ಪಾಕಿಸ್ತಾನದ ವಿರುದ್ಧ ತನ್ನ ಪ್ರಾಬಲ್ಯವನ್ನು ಭಾರತ ಮುಂದುವರೆಸಿದೆ.

ಪಂದ್ಯದ ಬಳಿಕ ಪಾಕಿಸ್ತಾನದ ನಾಯಕ ಬಾಬರ್​ ಅಜಂ ಭಾರತದ ಬ್ಯಾಟ್ಸ್​ಮನ್​ ವಿರಾಟ್​ ಕೊಹ್ಲಿ ಅವರನ್ನು ಭೇಟಿ ಮಾಡಿದ್ದು, ಅವರು ಸಹಿ ಮಾಡಿರುವ ಜೆರ್ಸಿಯನ್ನು ಉಡುಗೊರೆಯನ್ನಾಗಿ ಪಡೆದುಕೊಂಡಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧದ ಚರ್ಚೆ ವ್ಯಾಪಕವಾಗಿ ನಡೆಯುತ್ತಿದೆ.

ಇದನ್ನೂ ಓದಿ: ಭಾರತದ ಗೆಲುವಿಗೆ ದೇಶಾದ್ಯಂತ ಮುಗಿಲುಮುಟ್ಟಿದ ಸಂಭ್ರಮಾಚರಣೆ; ಪ್ರಧಾನಿ ಮೋದಿ ಸೇರಿ ಹಲವು ಗಣ್ಯರಿಂದ ಶುಭ ಹಾರೈಕೆ

ಪಂದ್ಯ ಮುಗಿದ ನಂತರ ಕ್ರೀಡಾಂಗಣದಲ್ಲೇ ಎರಡು ತಂಡಗಳ ಆಟಗಾರರು ಪರಸ್ಪರ ಭೇಟಿಯಾಗಿ ಮಾತುಕತೆ ನಡೆಸಿದರು. ಈ ನಡುವೆ ಪಾಕಿಸ್ತಾನ ತಂಡದ ನಾಯಕ ಬಾಬರ್ ಆಝಮ್ ರ ಜೊತೆ ಟೀಮ್ ಇಂಡಿಯಾದ ರನ್ ಮಷೀನ್ ವಿರಾಟ್ ಕೊಹ್ಲಿ ಕೂಡ ಸ್ನೇಹಯುತವಾಗಿ ಕೆಲ ಸಮಯ ಮಾತುಕತೆ ನಡೆಸಿದರು. ಈ ವೇಳೆ ವಿರಾಟ್, 3 ಪಟ್ಟಿಯ ಬಿಳಿ ಜೆರ್ಸಿ (ಟೆಸ್ಟ್) ಹಾಗೂ ಮೂರು ಬಣ್ಣದ ಪಟ್ಟಿಯ ಜೆರ್ಸಿ ಮೇಲೆ ತಮ್ಮ ಹಸ್ತಾಕ್ಷರವುಳ್ಳ ಭಾರತ ತಂಡದ ಜೆರ್ಸಿಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ ಹೃದಯ ವೈಶಾಲ್ಯತೆ ಮೆರೆದಿದ್ದಾರೆ.

ಇತ್ತ ವಿರಾಟ್​ ಕೊಹ್ಲಿಯಿಂದ ಬಾಬರ್​ ಅಜಂ ಜೆರ್ಸಿಯನ್ನು ಉಡಗೊರೆಯಾಗಿ ಪಡೆದಿರುವ ಕ್ರಮವನ್ನು ಖಂಡಿಸಿರುವ ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ನಾಯಕ ವಾಸಿಂ ಅಕ್ರಮ್​ ಇದನ್ನು ಬೇರೊಂದು ದಿನ ಮಾಡಬಹುದಿತ್ತು. ನಿಮ್ಮ ಮಾವನ ಮಗ ನಿಜವಾಗಿಯೂ ಕೊಹ್ಲಿಯ ಜೆರ್ಸಿ ಕೇಳಿದ್ದರೆ ನೀವು ಅದನ್ನು ಡ್ರೆಸ್ಸಿಂಗ್​ ರೂಮಿಗೆ ತೆಋಳಿ ಪಡೆದುಕೊಳ್ಲಬಹುದಿತ್ತು. ಈ ರೀತಿ ಸ್ವೀಕರಿಸಿದ್ದು, ಸರಿ ಕಾಣುತ್ತಿಲ್ಲ ಎಂದು ವಾಸಿಂ ಅಕ್ರಮ್​ ಕಿಡಿಕಾರಿದ್ದಾರೆ.

https://www.vijayavani.net/congress-fields-ramayana-actor-to-face-madhya-pradesh-chief-minister-in-polls

https://www.vijayavani.net/magnitude-6-5-earthquake-strikes-western-afghanistan