ಬೆಂಗಳೂರು: ನಿನ್ನೆ (ಏಪ್ರಿಲ್ 21) ಕೋಲ್ಕತ್ತಾದ ಈಡೆನ್ ಗಾರ್ಡನ್ ಸ್ಟೇಡಿಯಂನಲ್ಲಿ ನಡೆದ ಕೊಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡಗಳ ನಡುವಿನ ಪಂದ್ಯವು ಬಹಳ ರೋಚಕವಾಗಿ ಮೂಡಿಬಂದಿತು. ಕಡೆಯ ಓವರ್ವರೆಗೂ ಹೋದ ಭಾರೀ ಹಣಾಹಣಿಯಲ್ಲಿ ಒಂದೇ ಒಂದು ರನ್ನಿಂದ ಆರ್ಸಿಬಿ ಗೆಲುವಿನ ಪತಾಕೆ ಹಾರಿಸುವಲ್ಲಿ ಮುಗ್ಗರಿಸಿತು. ಈ ಮೂಲಕ ಕೆಕೆಆರ್ ತಮ್ಮ ಸ್ಥಾನವನ್ನು ಭದ್ರವಾಗಿ ಉಳಿಸಿಕೊಳ್ಳುವಲ್ಲಿ ಮತ್ತೊಮ್ಮೆ ಯಶಸ್ವಿಯಾಯಿತು.
ಇದನ್ನೂ ಓದಿ: ಮತಚಲಾಯಿಸುವುದನ್ನು ವಿಡಿಯೋ ಮಾಡಿದ ಕಾಂಗ್ರೆಸ್ ಕಾರ್ಯಕರ್ತ! ಯುವಕನಿಗೆ ಶಾಕ್ ಕೊಟ್ಟ ಅಧಿಕಾರಿಗಳು
ಆದರೆ, ಈ ಪಂದ್ಯದಲ್ಲಿ ಕೆಕೆಆರ್ ನೀಡಿದ 223 ರನ್ ಗುರಿಯನ್ನು ಬೆನ್ನಟ್ಟಿದ ಆರಂಭಿಕ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ಬಹಳ ಬೇಗನೇ ಕ್ಯಾಚ್ ಔಟ್ ಆದರು. ಆದರೆ, ಕೊಹ್ಲಿಯ ಪ್ರಕಾರ ಇದು ಔಟ್ ಆಗಿರಲಿಲ್ಲ, ಬದಲಿಗೆ ನೋ ಬಾಲ್ ಆಗಿತ್ತು ಎಂಬುದು ವಾದವಾಗಿತ್ತು. ಇದನ್ನು ಮೈದಾನದಲ್ಲೇ ಅಂಪೈರ್ಗೆ ತಿಳಿಸಿದ ವಿರಾಟ್, ಇದು ಹೇಗೆ ಔಟ್ ಆಗಲು ಸಾಧ್ಯ ಎಂದು ಸಿಟ್ಟಿನಿಂದ ಪ್ರಶ್ನಿಸಿದರು. ಈ ಪಂದ್ಯದಲ್ಲಿ ಅಂಪೈರ್ಗಳು ಮಾಡಿದ ತಪ್ಪಿನಿಂದಾಗಿ ಕ್ರಿಕೆಟ್ ಜಗತ್ತೇ ಸದ್ಯ ತಲ್ಲಣಗೊಂಡಿದ್ದು, ಐಪಿಎಲ್ ಲೀಗ್ ಇತಿಹಾಸದಲ್ಲೇ ಮೊದಲ ಬಾರಿಗೆ ಇಂತಹ ಘೋರ ಪ್ರಮಾದ ನಡೆದಿದೆ ಎಂಬ ಆರೋಪಗಳು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸುತ್ತುವರೆದಿದೆ.
ಅಂಪೈರ್ಗಳು ಮಾಡಿದ ತಪ್ಪಿಗೆ ಆರ್ಸಿಬಿ ಬಲಿಯಾಗಿದ್ದು, ಈ ಸೀಸನ್ನಲ್ಲಿ ಪ್ಲೇ ಆಫ್ಗೆ ಏರುವ ಅವಕಾಶಗಳನ್ನು ಜೀವಂತವಾಗಿರಿಸಿಕೊಳ್ಳಲು, ಗೆಲ್ಲಲೇಬೇಕು ಎಂಬ ಗುರಿಯೊಂದಿಗೆ ನಿನ್ನೆ ಕೆಕೆಆರ್ ವಿರುದ್ಧ ಸೆಣಸಾಡಿದ ಆರ್ಸಿಬಿ, ಗೆಲುವಿಗೆ ಇನ್ನು ಒಂದು ಹೆಜ್ಜೆ ಬಾಕಿ ಇರುವಾಗ ವಿರೋಚಿತ ಸೋಲನ್ನು ಅನುಭವಿಸಿತು. ವಿವಾದಗಳ ನಡುವೆಯೂ ವಿರಾಟ್ ಪಂದ್ಯ ಮುಗಿದ ಮೇಲೂ ತಮ್ಮ ಅಸಮಾಧಾನ ಮುಂದುವರೆಸಿದರು. ಪಂದ್ಯದ ನಂತರವೂ ಅಂಪೈರ್ ಜತೆಗೆ ಮಾತನಾಡಿದ ಕೊಹ್ಲಿ ತನ್ನದು ಔಟ್ ಅಲ್ಲ ಎಂಬುದನ್ನು ವಿವರಿಸಿದರು. ಇದಕ್ಕೆ ಅಂಪೈರ್ ಸಹ ಔಟ್ ಕೊಡಲು ಕಾರಣವೇನು ಎಂಬುದನ್ನು ಮನವರಿಕೆ ಮಾಡಿದರು. ಇಷ್ಟಾದರೂ ಕೊಹ್ಲಿಯ ಮಾತ್ರ ಕೋಪ ತಣ್ಣಗಾಗಲಿಲ್ಲ.
ಇದನ್ನೂ ಓದಿ: ಷೇರು ಬೆಲೆ ಒಂದು ವಾರದಲ್ಲಿ 25%; ಒಂದೇ ದಿನದಲ್ಲಿ 10% ಏರಿಕೆ: ಮುಖೇಶ್ ಅಂಬಾನಿಯಿಂದಲೂ ಈ ಕಂಪನಿಯಲ್ಲಿ ಬೆಟ್
ಈಡನ್ ಗಾರ್ಡನ್ಸ್‌ನಲ್ಲಿ ಭಾನುವಾರ ನಡೆದ ಐಪಿಎಲ್ 2024ರ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ನೀತಿ ಸಂಹಿತೆ ಉಲ್ಲಂಘಿಸಿದ್ದಕ್ಕಾಗಿ ಹಾಗೂ ಫೀಲ್ಡ್ ಅಂಪೈರ್ಗಳೊಂದಿಗೆ ತೀವ್ರ ವಾಗ್ವಾದ ನಡೆಸಿದ್ದಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡದ ಓಪನರ್ ಆದ ಸ್ಟಾರ್ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿಗೆ ಇದೀಗ ಭಾರೀ ದಂಡವನ್ನು ವಿಧಿಸಲಾಗಿದ್ದು, ತಮ್ಮ ಪಂದ್ಯ ಶುಲ್ಕದ ಶೇಕಡಾ 50 ರಷ್ಟು ಮೊತ್ತವನ್ನು ಫೈನ್ ಆಗಿ ಸ್ವೀಕರಿಸಲಾಗಿದೆ,(ಏಜೆನ್ಸೀಸ್).
4 ಗಂಟೆಗಳ ಕಾಲ ಅವರಿಬ್ಬರು ಹೀಗೆ ಇದ್ರು! ಅದನ್ನು ನೋಡಿ… ಪ್ರಯಾಣಿಕ ಹರಿಬಿಟ್ಟ ದೃಶ್ಯ ನೋಡಿ ದಂಗಾದ ನೆಟ್ಟಿಗರು