ನವದೆಹಲಿ: ಟಿವಿ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುವ ಸೆಲೆಬ್ರಿಟಿ ದಂಪತಿಗಳಲ್ಲಿ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ನಟಿ ಅನುಷ್ಕಾ ಶರ್ಮ ಜೋಡಿ ನಂ. 1 ಸ್ಥಾನ ಪಡೆದಿದೆ. ಟಿಎಎಂ ಆಡ್ಎಕ್ಸ್ ವರದಿಯ ಪ್ರಕಾರ, 2020ರಲ್ಲಿ ಕರೊನಾ ಹಾವಳಿಯ ನಡುವೆ ಏಪ್ರಿಲ್ನಿಂದ ಜೂನ್ವರೆಗಿನ ಅವಧಿಯಲ್ಲಿ ವಿರೂಷ್ಕಾ ಖ್ಯಾತಿಯ ಕೊಹ್ಲಿ-ಅನುಷ್ಕಾ ದಂಪತಿಯೇ ಅತಿಹೆಚ್ಚು ಸಮಯ ಟಿವಿ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದೆ. ಬಾಲಿವುಡ್ನ ಹಲವು ಸ್ಟಾರ್ ದಂಪತಿಗಳನ್ನು ಅವರು ಹಿಂದಿಕ್ಕಿದ್ದಾರೆ.
ಟಿಎಎಂ ಆಡ್ಎಕ್ಸ್ನ ತ್ರೈಮಾಸಿಕ ವರದಿಯ ಪ್ರಕಾರ, ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮ ಒಟ್ಟಾರೆ 16 ಬ್ರಾಂಡ್ಗಳ ಪ್ರಚಾರಕ್ಕಾಗಿ ಶೇ. 26ರಷ್ಟು ಸಮಯ ಟಿವಿ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದೆ. ಬಾಲಿವುಡ್ ನಟ-ನಟಿಯರಾದ ಅಕ್ಷಯ್ ಕುಮಾರ್ ಮತ್ತು ಟ್ವಿಂಕಲ್ ಖನ್ನಾ ದಂಪತಿ 22 ಬ್ರಾಂಡ್ಗಳ ಪ್ರಚಾರ ಮಾಡುತ್ತಿದ್ದರೂ, 2ನೇ ಸ್ಥಾನದಲ್ಲಿದೆ. ಇವರು ಶೇ. 19ರಷ್ಟು ಪಾಲು ಹೊಂದಿದ್ದಾರೆ. 11 ಬ್ರಾಂಡ್ಗಳ ಪ್ರಚಾರ ಮಾಡುವ ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ (ಶೇ. 11)ದಂಪತಿ 3ನೇ ಸ್ಥಾನದಲ್ಲಿದೆ. 18 ಬ್ರಾಂಡ್ಗಳ ಪ್ರಚಾರ ಮಾಡುವ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ (ಶೇ. 12)ದಂಪತಿ 4ನೇ ಸ್ಥಾನದಲ್ಲಿದೆ. ಅಮಿತಾಭ್ ಬಚ್ಚನ್-ಜಯ ಬಚ್ಚನ್ (ಶೇ. 9), ಅಮೀರ್ ಅಲಿ-ಸಂಜೀದ ಶೇಕ್ (ಶೇ. 3), ರಿತೇಶ್ ದೇಶ್ಮುಖ್-ಜೆನಿಲಿಯಾ ಡಿಸೋಜ (ಶೇ. 3), ನೇಹಾ ದೂಪಿಯಾ-ಅಂಗದ್ ಬೇಡಿ (ಶೇ. 2), ಧರ್ಮೇಂದ್ರ-ಹೇಮಾ ಮಾಲಿನಿ (ಶೇ. 2) ಮತ್ತು ಅಜಯ್ ದೇವಗನ್-ಕಾಜೋಲ್ (ಶೇ. 1) ಅನಂತರದ ಸ್ಥಾನದಲ್ಲಿದೆ.
ಇದನ್ನೂ ಓದಿ: ಪಾಕಿಸ್ತಾನ ಪರ ಆಡಲು ಬಯಸಿದ್ದ ಇಮ್ರಾನ್ ತಾಹಿರ್ ಪತ್ನಿ ಮಾತು ಕೇಳಿ ದಕ್ಷಿಣ ಆಫ್ರಿಕಾವನ್ನು ಪ್ರತಿನಿಧಿಸಿದರು!
ಈ ವರದಿಯ ಪ್ರಕಾರ 2020ರ ಏಪ್ರಿಲ್ನಿಂದ ಜೂನ್ವರೆಗೆ ಕರೊನಾ ಹಾವಳಿಯಿಂದಾಗಿ ಟಿವಿ ಜಾಹೀರಾತುಗಳಲ್ಲಿ ಸೆಲೆಬ್ರಿಟಿಗಳು ಕಾಣಿಸಿಕೊಳ್ಳುವುದು ಜನವರಿ-ಮಾರ್ಚ್ಗಿಂತ ಶೇ. 39ರಷ್ಟು ಕಡಿಮೆಯಾಗಿದೆ. ಅಲ್ಲದೆ ಏಪ್ರಿಲ್ನಿಂದ ಜೂನ್ವರೆಗೆ ನಾನ್-ಸೆಲೆಬ್ರಿಟಿ ಜಾಹೀರಾತುಗಳೇ ಹೆಚ್ಚಾಗಿ ಪ್ರಸಾರವಾಗಿವೆ ಎಂದು ವರದಿ ತಿಳಿಸಿದೆ. 2020ರ ಜನವರಿಯಿಂದ ಮಾರ್ಚ್ವರೆಗೆ ಜಾಹೀರಾತುಗಳಲ್ಲಿ ಒಟ್ಟಾರೆ 200 ಸೆಲೆಬ್ರಿಟಿಗಳು ಕಾಣಿಸಿಕೊಂಡಿದ್ದರೆ, ಏಪ್ರಿಲ್ನಿಂದ ಜೂನ್ವರೆಗೆ ಇದು 180ಕ್ಕೆ ಕುಸಿತ ಕಂಡಿದೆ.