ಬೆಂಗಳೂರು: ಸದ್ಯ ನೀವು ಸೋಶಿಯಲ್ ಮೀಡಿಯಾ ಸರ್ಚ್ ಮಾಡಿದರೆ ಮೊದಲು ಕೇಳ ಸಿಗುವ ಸಾಂಗ್ “ಕರಿ ಮಣಿ ಮಾಲೀಕ ನೀನಲ್ಲ…”. ಉಪೇಂದ್ರ ಸಿನಿಮಾದ ಈ ಹಾಡು ಸೋಷಿಯಲ್‌ ಮೀಡಿಯಾದಲ್ಲಿ ಇತ್ತೀಚಿನ ದಿನಗಳಲ್ಲಿ ಭಾರೀ ಹವಾ ಕ್ರಿಯೇಟ್ ಮಾಡಿದೆ. ಈ ಹಾಡಿಗೆ ಸಾಮಾನ್ಯ ಜನರು ಮಾತ್ರವಲ್ಲ, ಸೆಲೆಬ್ರಿಟಿಗಳೂ ಸಹ ಈಗಾಗಲೇ ಸಖತ್ ಆಗಿಯೇ ಸ್ಟೆಪ್ಸ್ ಹಾಕಿದ್ದಾರೆ.
ಜನರು ಈ ಹಾಡಿಗೆ ಎಷ್ಟರಮಟ್ಟಿಗೆ ಅಡಿಕ್ಟ್ ಆಗಿದ್ದಾರೆ ಎಂದರೆ ಎಲ್ಲೆಂದರಲ್ಲಿ ದೊಡ್ಡವರು, ಚಿಕ್ಕವರು ಎನ್ನದೆ ರೀಲ್ಸ್ ಮಾಡುತ್ತಿದ್ದಾರೆ. ನಟ-ನಟಿಯರು ಕೂಡ ಹೆಜ್ಜೆ ಹಾಕಿರುವುದನ್ನು ಈಗಾಗಲೇ ನೀವು ನೋಡಿರುತ್ತೀರಿ. ಅಂದಹಾಗೆ ಕೆಲವು ದಿನಗಳಿಂದ ಮುದ್ದು ಬಾಲಕಿಯೊಬ್ಬಳು ಮಾಡುವ ಕೆಲವು ರೀಲ್ಸ್ಗಳು ಇನ್ಸ್ಟಾದಲ್ಲಿ ಸಖತ್ ಸದ್ದು ಮಾಡುತ್ತಿವೆ.
ಹೌದು, ಈ ಬಾಲಕಿಗೆ ಸಿಕ್ಕಾಪಟ್ಟೆ ಫ್ಯಾನ್ಸ್ ಕೂಡ ಇದ್ದಾರೆ. ಬಾಲಕಿಯ ಹೆಸರು ಶಮಿಕಾ ಗೌಡ, ಇತ್ತೀಚೆಗೆ ಬಾಲಕಿ “ಕರಿ ಮಣಿ ಮಾಲೀಕ ನೀನಲ್ಲ…”ಗೆ ರೀಲ್ಸ್ ಮಾಡಿದ್ದು, ಇದು ಸಿಕ್ಕಾ ಪಟ್ಟೆ ವೈರಲ್ ಆಗಿದೆ. ಅಷ್ಟೇ ಅಲ್ಲ, ಸಾಕಷ್ಟು ಲೆಕ್ಸ್, ಕಾಮೆಂಟ್ಸ್ ಪಡೆದುಕೊಂಡಿದೆ.
ಸದ್ಯ ಈ ಸುದ್ದಿ ಬರೆಯುವವರೆಗೂ ರೀಲ್ಸ್ 13.6 ಮಿಲಿಯನ್ ವೀಕ್ಷಣೆ ಹಾಗೂ 778,127 ಲೈಕ್ಸ್ ಪಡೆದುಕೊಂಡಿದೆ. ವೀಕ್ಷರು ರೀಲ್ಸ್ ಸಾಕಷ್ಟು ಇಷ್ಟಪಟ್ಟಿದ್ದು, “ನೆಟ್ಟಿಗರು ನಾಯಕಿಯಾಗುವ ಎಲ್ಲಾ ಲಕ್ಷಣಗಳಿವೆ, ಆಲ್ ದಿ ಬೆಸ್ಟ್” ಎಂದೆಲ್ಲಾ ವಿಶ್ ಮಾಡಿದ್ದಾರೆ.
ಶಮಿಕಾ ಅವರ “ಕರಿ ಮಣಿ ಮಾಲೀಕ ನೀನಲ್ಲ ” ರೀಲ್ಸ್ ಮಾತ್ರವಲ್ಲದೆ, ಇನ್ನು ಅನೇಕ ರೀಲ್ಸ್ಗಳು ವೈರಲ್ ಆಗಿದ್ದು, ಬಾಲಕಿಯ ಮುದ್ದು ಡ್ಯಾನ್ಸ್ಗೆ ದೊಡ್ಡ ಅಭಿಮಾನಿಗಳ ಬಳಗವೇ ಇದೆ.