ಮುಂಬೈ: ಕಳೆದ ವರ್ಷ ಬಹುತೇಕ ಚಿತ್ರಮಂದಿರಗಳಲ್ಲಿ ಸದ್ದಿಲ್ಲದೇ ಪ್ರೇಕ್ಷಕರ ಮುಂದೆ ಬಂದ ವಿಧು ವಿನೋದ್ ಚೋಪ್ರಾ ನಿರ್ದೇಶನದ ’12 ಫೇಲ್’ ಚಿತ್ರ ಇಂದು ಅತ್ಯಂತ ಯಶಸ್ವಿ ಸಿನಿಮಾಗಳಲ್ಲಿ ಒಂದಾಗಿದ್ದು, ಐಪಿಎಸ್ ಮನೋಜ್ ಶರ್ಮಾ ಅವರ ಜೀವನಾಧಾರಿತ ಚಿತ್ರಕ್ಕೆ ಅಭೂತಪೂರ್ವ ಬೆಂಬಲ ದೊರಕಿತು. ಈ ಫಿಲಂನ ಯಶಸ್ಸಿಗೆ ಪಾತ್ರರಾದ ನಟ ವಿಕ್ರಾಂತ್ ಮಾಸ್ಸೆ, ಇದೀಗ ಅನೇಕ ಸ್ಟಾರ್ ನಿರ್ದೇಶಕರ ಕಥೆಗೆ ನಾಯಕರಾಗಿ ಆಯ್ಕೆಯಾಗುತ್ತಿದ್ದಾರೆ. ಇಲ್ಲಿಯವರೆಗೆ ಸಿಕ್ಕಿರುವ ಪ್ರಾಜೆಕ್ಟ್ಗಳ ಪೈಕಿ ವಿಕ್ರಾಂತ್ ‘ಡಂಕಿ’ ನಿರ್ದೇಶಕರೊಂದಿಗೆ ಕೈಜೋಡಿಸಿದ್ದಾರೆ ಎಂಬ ಸುದ್ದಿ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ಅಸಲಿಗೆ ಇದು ನಿಜವೇ? ಇಲ್ಲಿದೆ ವಿವರ.
ಇದನ್ನೂ ಓದಿ: ಪ್ಯಾನ್ ಇಲ್ಲದೆಯೇ 5 ಲಕ್ಷದವರೆಗೆ ಚಿನ್ನವನ್ನು ಖರೀದಿಸಲು ಸಾಧ್ಯವೇ?, ಸರ್ಕಾರ ಈ ಘೋಷಣೆ ಮಾಡಬಹುದು!
ಅದ್ಭುತ ಅಭಿನಯದ ಮೂಲಕ ಸಿನಿಪ್ರೇಕ್ಷಕರ ಹಾಗೂ ಯುಪಿಎಸ್ಸಿ ಪರೀಕ್ಷಾ ಆಕಾಂಕ್ಷಿಗಳ ಮನಗೆದ್ದ ನಟ ವಿಕ್ರಾಂತ್ ಮಾಸ್ಸೆ ಈ ಒಂದು ಚಿತ್ರದಿಂದ ಅಪಾರ ಜನಮನ್ನಣೆ ಸ್ವೀಕರಿಸಿ, ಸ್ಟಾರ್ ಪಟ್ಟವನ್ನು ಮತ್ತಷ್ಟು ಹೆಚ್ಚಿಸಿಕೊಂಡಿದ್ದಾರೆ. ಐಪಿಎಸ್ ಮನೋಜ್ ಕುಮಾರ್ ಶರ್ಮಾ ಅವರ ಪಾತ್ರದಲ್ಲಿ ಕಾಣಿಸಿಕೊಂಡ ಮಾಸ್ಸೆಗೆ ನಾಯಕಿಯಾಗಿ ಮೇಧಾ ಶಂಕರ್ ಸಾಥ್ ನೀಡಿದರು.
ಇದೀಗ ಬಾಲಿವುಡ್ನ ಸ್ಟಾರ್ ನಿರ್ದೇಶಕ, ಡಂಕಿ ಖ್ಯಾತಿಯ ರಾಜ್ಕುಮಾರ್ ಹಿರಾನಿ ಅವರ ಚಿತ್ರದಲ್ಲಿ ವಿಕ್ರಾಂತ್ ಮುಖ್ಯಭೂಮಿಕೆಯಲ್ಲಿ ನಟಿಸಲಿದ್ದು, ಇವರಿಬ್ಬರ ಕಾಂಬಿನೇಷನ್ನಲ್ಲಿ ಚಿತ್ರ ಮೂಡಿಬಂದರೆ ನಿಜಕ್ಕೂ ಅದ್ಭುತವಾಗಿರುತ್ತದೆ ಎಂದು ನೆಟ್ಟಿಗರು ಅಭಿಪ್ರಾಯಿಸಿದ್ದಾರೆ. ಅಸಲಿಗೆ ಇದು ಸಿನಿಮಾನಾ ಅಥವಾ ವೆಬ್ ಸಿರೀಸ್? ಇಲ್ಲಿದೆ ಮಾಹಿತಿ.
ಇದನ್ನೂ ಓದಿ: 92 ವರ್ಷಗಳ ಹಿಂದಿನ ಸಂಪ್ರದಾಯಕ್ಕೆ ಪೂರ್ಣವಿರಾಮ…ಬಜೆಟ್ ಮಂಡಿಸುವ ವಿಧಾನ ಎಷ್ಟು ಬದಲಾಗಿದೆ?
ಸಿನಿ ವರದಿಗಳ ಪ್ರಕಾರ, ರಾಜ್ಕುಮಾರ್ ಹಿರಾನಿ ತಮ್ಮ ಮುಂದಿನ ಚಿತ್ರಕ್ಕೆ ರಣಬೀರ್ ಕಪೂರ್ ಅವರೊಂದಿಗೆ ಮಾತುಕತೆ ನಡೆಸಿದ್ದು, ವೆಬ್ ಸಿರೀಸ್ಗೆ ವಿಕ್ರಾಂತ್ ಜತೆ ಕೈಜೋಡಿಸಿದ್ದಾರೆ ಎನ್ನಲಾಗಿದೆ. ಈ ವೆಬ್ ಸರಣಿಯಲ್ಲಿ ಮಾಸ್ಸೆ ನಾಯಕನಾಗಿ ಅಭಿನಯಿಸಲಿದ್ದು, ಅಮೀರ್ ಸತ್ಯವೀರ್ ಸಿಂಗ್ ನಿರ್ದೇಶಿಸಲಿದ್ದಾರೆ. ಇದು ಸೈಬರ್ ಅಪರಾಧವನ್ನು ಆಧರಿಸಿದ್ದು, ಸೈಬರ್ ಕ್ರೈಮ್ ಭದ್ರತಾ ತಜ್ಞರ ಪಾತ್ರದಲ್ಲಿ ನಟ ಕಾಣಿಸಿಕೊಳ್ಳಲಿದ್ದಾರೆ. ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನಿರೀಕ್ಷಿಸಲಾಗಿದೆ,(ಏಜೆನ್ಸೀಸ್).