ಕೊಲ್ಕತಾ: ನಿಲ್ದಾಣದಿಂದ ರೈಲು ಹೊರಟು ವೇಗ ಪಡೆದ ಮೇಲೆ ಜಿಗಿದು ಇಳಿಯಲು ಪ್ರಯತ್ನಿಸಿದ ಇಬ್ಬರು ಮಹಿಳೆಯರ ವಿಡಿಯೋ ತುಣುಕೊಂದು ಜಾಲತಾಣದಲ್ಲಿ ವೈರಲ್ ಆಗಿದೆ. ಇವರಲ್ಲಿ ಒಬ್ಬ ಮಹಿಳೆ ರೈಲು ಮತ್ತು ಪ್ಲಾಟ್ಫಾರಂನ ನಡುವೆ ಬಿದ್ದು, ಸಾವಿನ ಕದ ತಟ್ಟುವ ಭಯಾನಕ ದೃಶ್ಯವನ್ನು ಕಾಣಬಹುದು.
ಬಂಗಾಳದ ಪುರುಲಿಯ ರೈಲು ನಿಲ್ದಾಣದ ಸಿಸಿಟಿವಿ ಫೂಟೇಜಿನಲ್ಲಿ ಪ್ರಯಾಣಿಕರ ರೈಲೊಂದು, ನಿಲ್ದಾಣದಿಂದ ಹೊರಡುತ್ತಿರುವ ವೇಳೆಯ ದೃಶ್ಯ ದಾಖಲಾಗಿದೆ. ಒಬ್ಬ ಗಂಡಸು ಚಲಿಸುತ್ತಿರುವ ರೈಲನ್ನು ಏರುವ ಸಾಹಸ ಮಾಡಿ ಯಶಸ್ವಿಯಾಗುತ್ತಾನೆ. ಅದಾದ ನಂತರ ಲಗೇಜ್ ಹಿಡಿದ ಮಹಿಳೆಯೊಬ್ಬರು ಹೊರಕ್ಕೆ ಜಿಗಿದು ಪ್ಲಾಟ್ಫಾರಂ ಮೇಲೆ ಬೀಳುತ್ತಾರೆ. ಅವರ ಹಿಂದೆಯೇ ಹೊರಕ್ಕೆ ಜಿಗಿಯುವ ಮತ್ತೊಬ್ಬ ಮಹಿಳೆ, ಪ್ಲಾಟಫಾರಂನ ಅಂಚಿಗೆ ಬೀಳುತ್ತಾರೆ. ರೈಲಿನ ಕೆಳಕ್ಕೆ ಬೀಳುವ ಅಪಾಯದಲ್ಲಿರುವುದನ್ನು ಗಮನಿಸಿದ ರೈಲ್ವೇ ಪೊಲೀಸ್ ಸಿಬ್ಬಂದಿಯೊಬ್ಬರು ಓಡಿ ಹೋಗಿ ಆಕೆಯನ್ನು ರೈಲಿನಿಂದ ದೂರಕ್ಕೆ ಎಳೆದುಕೊಳ್ಳುತ್ತಾರೆ.
On 29.11.21 SI/Bablu Kumar of RPF Post Purulia saved the life of a lady passenger while she was trying to de-board & almost come in the gap between train & platform in running train no 22857 at Purulia station.@RPF_INDIA @sanjay_chander @zscrrpfser@ADRARAIL pic.twitter.com/qC5eHeDu45
— RPF Adra Division (@rpfserada) November 30, 2021
ನ.29 ರಂದು ನಡೆದ ಈ ಘಟನೆಯಲ್ಲಿ ಆರ್ಪಿಎಫ್ ಸಬ್ಇನ್ಸ್ಪೆಕ್ಟರ್ ಬಬ್ಲು ಕುಮಾರ್ ಅವರ ಸಮಯಪ್ರಜ್ಞೆಯಿಂದ ಮಹಿಳೆಯ ಜೀವ ಉಳಿದಿದೆ ಎಂದು ಆರ್ಪಿಎಫ್ನ ಆಡ್ರಾ ವಿಭಾಗವು ಟ್ವಿಟರ್ನಲ್ಲಿ ತಿಳಿಸಿದೆ. ಸಾವಿರಾರು ವೀಕ್ಷಣೆಗಳನ್ನು ಗಳಿಸಿರುವ ಈ ಟ್ವೀಟ್ಗೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು, ಇಂಥ ಅವಗಡಗಳನ್ನು ತಪ್ಪಿಸಲು ರೈಲುಗಳಿಗೆ ಆಟೊಮೆಟಿಕ್ ಡೋರ್ಗಳನ್ನು ಅಳವಡಿಸಬೇಕು ಎಂದು ಸಲಹೆ ನೀಡಿದ್ದಾರೆ. ಮತ್ತೊಬ್ಬರು, ಇಂಥ ಅವಗಡಗಳಿಗೆ ಜನರೇ ಕಾರಣ. ರೈಲಿನ ಬಾಗಿಲಲ್ಲಿ ನಿಂತು ಇಳಿಯುವವರಿಗೆ ತೊಂದರೆ ಕೊಡುವುದರಿಂದ ಹೀಗಾಗುತ್ತದೆ. ಆಯಾ ನಿಲ್ದಾಣಗಳಲ್ಲಿ ಇಳಿಯಬೇಕಾದ ಜನರಿಗೆ ಅವಕಾಶ ಕೊಡುವುದನ್ನು ರೂಢಿಸಿಕೊಳ್ಳಬೇಕು ಎಂದಿದ್ದಾರೆ.
ಏನೇ ಆಗಲಿ, ಚಲನೆ ಆರಂಭಿಸಿದ ರೈಲನ್ನು ಹತ್ತುವುದು ಅಥವಾ ಇಳಿಯುವುದು ಎಷ್ಟು ಅಪಾಯಕಾರಿ ಎಂಬುದು ಈ ದೃಶ್ಯದಿಂದ ಮನದಟ್ಟಾಗುತ್ತದೆ. ಎಷ್ಟೇ ಧಾವಂತವಿರಲಿ, ಇಂಥ ಆತ್ಮಘಾತಕ ಪ್ರಯತ್ನಗಳಿಗೆ ಯಾರೂ ಮುಂದಾಗಬಾರದು. (ಏಜೆನ್ಸೀಸ್)
ಟೆಸ್ಟಿಂಗ್ ಸೌಲಭ್ಯ ಚೆನ್ನಾಗಿರೋದ್ರಿಂದ ಇಲ್ಲಿ ಮೊದಲು ಪತ್ತೆಯಾಗಿದೆ: ಸಚಿವ ಸುಧಾಕರ್
ವಿರಾಟ್ ಕೊಹ್ಲಿ ಪುತ್ರಿಗೆ ರೇಪ್ ಬೆದರಿಕೆ ಹಾಕಿದ್ದವ ಪೊಲೀಸ್ ವಶಕ್ಕೆ