ನವದೆಹಲಿ: ಇತ್ತೀಚೆಗೆ ಟಿಕ್ಟಾಕ್ ಬಳಕೆ ಹೆಚ್ಚಾಗಿದೆ. ಮನೋರಂಜನಾ ಆ್ಯಪ್ ಆಗಿರುವ ಟಿಕ್ಟಾಕ್ ಪ್ರತಿಭೆಗಳಿಗೆ ಅವಕಾಶ ಕೊಡುವುದರ ಜತೆ ಅನೇಕ ಜೀವಗಳಿಗೂ ಮುಳ್ಳಾಗಿದೆ. ಟಿಕ್ಟಾಕ್ ವಿಡಿಯೋ ಮಾಡಲು ಹೋಗಿ ಯುವಕನೊಬ್ಬ ಪ್ರಾಣ ಕೊಂಚದರಲ್ಲಿ ಉಳಿದಿರುವ ಘಟನೆಯೊಂದು ನಡೆದಿದ್ದು ಆ ವಿಡಿಯೋ ಇದೀಗ ವೈರಲ್ ಆಗಿದೆ.
ಯುವಕನೊಬ್ಬ ರೈಲಿನ ಬಾಗಿಲಲ್ಲಿ ನೇತಾಡುತ್ತಿರುತ್ತಾನೆ. ಕಿಟಕಿಯಿಂದ ನನ್ನನ್ನು ವಿಡಿಯೋ ಮಾಡು ಎಂದು ತನ್ನ ಗೆಳೆಯನಿಗೆ ಆತ ಮೊಬೈಲ್ ಕೊಟ್ಟು ಹೋಗಿರುತ್ತಾನೆ. ವೇಗವಾಗಿ ಚಲಿಸುತ್ತಿದ್ದ ರೈಲಿನ ಬಾಗಿಲಿನಲ್ಲಿ ನೇತಾಡುವ ಸ್ಟಂಟ್ ಮಾಡಲು ಹೊರಟ ಯುವಕ ಕೈ ಜಾರಿ ಕೆಳಗೆ ಬೀಳುತ್ತಾನೆ. ಬಿದ್ದ ಹೊಡೆತಕ್ಕೆ ಯುವಕನ ದೇಹ ಇನ್ನೇನು ರೈಲಿನ ಅಡಿಗೆ ಸಿಲುಕೇ ಬಿಟ್ಟಿತು ಎನ್ನುವಷ್ಟರಲ್ಲಿ ಅದೃಷ್ಟವಶಾತ್ ಯುವಕ ಹಳಿಯಿಂದ ಸ್ವಲ್ಪ ಸರಿದು ಜೀವ ಉಳಿಸಿಕೊಳ್ಳುತ್ತಾನೆ.
ಇಂತದ್ದೊಂದು ವಿಡಿಯೋ ಟಿಕ್ಟಾಕ್, ಫೇಸ್ಬುಕ್ ಸೇರಿದಂತೆ ಅನೇಕ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ಆ ವಿಡಿಯೋವನ್ನು ರೈಲ್ವೆ ಸಚಿವ ಪಿಯೂಷ್ ಗೋಯಲ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. “ಚಲಿಸುವ ರೈಲಿನಲ್ಲಿ ಸಾಹಸವನ್ನು ತೋರಿಸುವುದು ಹೇಡಿತನವೇ ಹೊರತು ಧೈರ್ಯವಲ್ಲ. ನಿಮ್ಮ ಜೀವನವು ಅಮೂಲ್ಯವಾದುದು. ಅದನ್ನು ಅಪಾಯಕ್ಕೆ ಒಳಪಡಿಸಬೇಡಿ. ನಿಯಮಗಳನ್ನು ಅನುಸರಿಸಿ, ಮತ್ತು ಸುರಕ್ಷಿತ ಪ್ರಯಾಣವನ್ನು ಆನಂದಿಸಿ “ಎಂದು ಟ್ವೀಟ್ ಮಾಡಿದ್ದಾರೆ.
ರೈಲ್ವೆ ಸಚಿವರ ಈ ಟ್ವೀಟ್ಗೆ ಭಾರೀ ಪ್ರಮಾಣದ ಸ್ಪಂದನೆ ವ್ಯಕ್ತವಾಗುತ್ತಿದೆ. (ಏಜೆನ್ಸೀಸ್)
चलती ट्रेन में स्टंट दिखाना बहादुरी नही, मूर्खता की निशानी है। आपका जीवन अमूल्य है, इसे खतरे में ना डालें।
नियमों का पालन करें, और सुरक्षित यात्रा का आनंद लें। pic.twitter.com/tauidfOqRj
— Piyush Goyal Office (@PiyushGoyalOffc) February 18, 2020