ತಲೆ ಸುತ್ತು, ನೆನಪಿನ ಶಕ್ತಿ ಕಡಿಮೆ ಅಗುವುದು, ಸುಸ್ತಾಗುವಂಥದ್ದು, ಮೆಟ್ಟಿಲು ಹತ್ತುವಾಗ ತುಂಬಾ ಹೆಚ್ಚು ಎದೆ ಬಡ್ಕೊಳ್ಳುವಂಥದ್ದು ಅಥವಾ ಕೆಲಸ ಮಾಡುವುದಕ್ಕೇ ಮೂಡ್ ಇಲ್ಲದೇ ಇರುವಂಥದ್ದು ಈ ರೀತಿಯಾದ ಹಲವಾರು ಸಮಸ್ಯೆಗಳನ್ನು ತಂದೊಡ್ಡುವ ಕಾಯಿಲೆ ಇದು! ಇದನ್ನು ಕಾಣದಂತ ಕಾಯಿಲೆ ಎಂದೂ ಹೇಳುತ್ತಾರೆ. ಮಹಿಳೆಯರಲ್ಲೇ ಇದು ಹೆಚ್ಚು ಕಂಡುಬರುತ್ತದೆ.
ಈ ಕಾಯಿಲೆಯನ್ನು ರಕ್ತ ಹೀನತೆ ಎಂದು ಹೇಳುತ್ತಾರೆ. ಮೇಲೆ ಉಲ್ಲೇಖಿಸಿದ ಲಕ್ಷಣಗಳು ಅಥವಾ ತೊಂದರೆಗಳೇ ಈ ಕಾಯಿಲೆಯ ಗುಣಲಕ್ಷಣ. ಹೀಮೋಗ್ಲೋಬಿನ್ ಚೆಕ್ ಮಾಡಿ ಅದು ಸರಿ ಇದೆ ಎಂದ ತತ್ಕ್ಷಣ ರಕ್ತಹೀನತೆ ಗುಣಮುಖವಾಯಿತು ಅಂತ ಅಂದ್ಕೋಬಾರದು. ಕೇವಲ ಹಿಮೋಗ್ಲೋಬಿನ್ ಒಂದರಿಂದ ರಕ್ತ ಹೀನತೆಯನ್ನು ನಾವು ಹೇಳೋದಕ್ಕೆ ಆಗುವುದಿಲ್ಲ ಎನ್ನುತ್ತ ಬಸವನಗುಡಿ ಆಯುರ್ವೇದ ಭವನದ ಡಾ.ಚಂದ್ರಕಲಾ ಎಸ್ ಪುತ್ರನ್ ಇದಕ್ಕೆ ಸಂಬಂಧಿಸಿ ಮೂರು ಟಿಪ್ಸ್ ಕೊಟ್ಟಿದ್ದಾರೆ. ಅದನ್ನು ನೋಡಲು ಮತ್ತು ಕೇಳಲು ಮೇಲಿನ ವಿಡಿಯೋ ವೀಕ್ಷಿಸಿ..