ಮೆಲ್ಬೋರ್ನ್: ಆಸ್ಟ್ರೇಲಿಯಾದ ಬ್ಯಾಟ್ಸ್ಮನ್ ಉಸ್ಮಾನ್ ಖವಾಜ ತಂದೆಯಾಗಿದ್ದಾರೆ. ಪತ್ನಿ ರಾಚೆಲ್ ಶುಕ್ರವಾರ ಹೆಣ್ಣು ಮಗುವಿಗೆ ಜನ್ಮ ನೀಡಿರುವ ವಿಷಯವನ್ನು ಖವಾಜ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಮಗುವಿಗೆ ಅವರು ಐಶಾ ಎಂದು ಹೆಸರಿಟ್ಟಿದ್ದಾರೆ.
ಬಿಗ್ ಬಾಷ್ ಲೀಗ್ನಲ್ಲಿ ಸಿಡ್ನಿ ಥಂಡರ್ ಪರ ಆಡುವ 33 ವರ್ಷದ ಉಸ್ಮಾನ್ ಖವಾಜ, 2018ರ ಏಪ್ರಿಲ್ನಲ್ಲಿ ರಾಚೆಲ್ರನ್ನು ವಿವಾಹವಾಗಿದ್ದರು. ಮಾರ್ಕೆಟಿಂಗ್ ವಿದ್ಯಾಭ್ಯಾಸ ಮಾಡಿರುವ ರಾಚೆಲ್ ಇವೆಂಟ್ ಮ್ಯಾನೇಜ್ಮೆಂಟ್ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಖವಾಜರನ್ನು ಮದುವರೆಯಾಗುವ ಸಲುವಾಗಿ ಅವರು ಇಸ್ಲಾಂಗೆ ಮತಾಂತರಗೊಂಡಿದ್ದರು.
ಇದನ್ನೂ ಓದಿ: ಐಪಿಎಲ್ ದಿನಾಂಕ ಫಿಕ್ಸ್, ಧೋನಿ ಅಭಿಮಾನಿಗಳಲ್ಲಿ ಸಂತಸ
ಆಸೀಸ್ ದೇಶೀಯ ಕ್ರಿಕೆಟ್ನಲ್ಲಿ ಕ್ವೀನ್ಸ್ಲ್ಯಾಂಡ್ ತಂಡವನ್ನು ಮುನ್ನಡೆಸುವ ಪಾಕಿಸ್ತಾನ ಮೂಲದ ಖವಾಜ, ಆಸೀಸ್ ಪರ 44 ಟೆಸ್ಟ್ ಆಡಿದ್ದು, 8 ಶತಕಗಳ ಸಹಿತ 2,887 ರನ್ ಬಾರಿಸಿದ್ದಾರೆ. 40 ಏಕದಿನ ಪಂದ್ಯಗಳಲ್ಲಿ 2 ಶತಕಗಳ ಸಹಿತ 1,554 ರನ್ ಬಾರಿಸಿದ್ದಾರೆ. ಐಪಿಎಲ್ನಲ್ಲಿ ಅವರು ಈ ಹಿಂದೆ ಪುಣೆ ಸೂಪರ್ಜೈಂಟ್ಸ್ ತಂಡದ ಪರ ಆಡಿದ್ದರು.