ವಾಷಿಂಗ್ಟನ್: ಅಮೆರಿಕದ ಉಪಾಧ್ಯಕ್ಷ ಸ್ಥಾನಕ್ಕೆ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿಯಾಗಿರುವ ಕಮಲಾ ಹ್ಯಾರಿಸ್ ವಿರುದ್ಧ ವಾಗ್ದಾಳಿಯನ್ನು ಟ್ರಂಪ್ ಮುಂದುವರಿಸಿದ್ದಾರೆ. ಕಮಲಾರಿಗಿಂತ ಅರ್ಹ ಭಾರತೀಯರನ್ನು ಡೆಮಾಕ್ರಟಿಕ್ ಪಕ್ಷ ಆಯ್ಕೆ ಮಾಡಬಹುದ್ದಿತ್ತು. ಆ ಪಕ್ಷ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬಿಡೆನ್ಗಿಂತ ಕಮಲಾ ಹೆಚ್ಚು ಕೆಟ್ಟವರು. ಆಕೆಗಿಂತಲೂ ಹೆಚ್ಚು ಭಾರತೀಯರ ಬೆಂಬಲ ನನಗಿದೆ’ ಎಂದು ಟ್ರಂಪ್ ಹೇಳಿದ್ದಾರೆ.
ಜೋ ಬಿಡೆನ್ ಒಬ್ಬ ಚೆಲ್ಲಾಟದ ಚೆಲುವೆಯನ್ನು (ಪೊಕಾಹೊಂಟಾಸ್) ಆಯ್ಕೆ ಮಾಡಿರಬಹುದೆಂದು ಭಾವಿಸುತ್ತೇನೆ ಎಂದೂ ಪ್ರತಿಕ್ರಿಯಿಸಿದ್ದಾರೆ. ಆಕೆ ಬಿಡೆನ್ರನ್ನು ತುಂಬಾ ಕೆಟ್ಟದಾಗಿ ನಡೆಸಿಕೊಂಡಿದ್ದಾರೆ ಎಂದೂ ಹಲವು ಚರ್ಚೆಗಳನ್ನು ಉಲ್ಲೇಖಿಸಿ ಟ್ರಂಪ್ ಟೀಕಿಸಿದ್ದಾರೆ.
ಇದನ್ನೂ ಓದಿ: ಮನೆಯ ನಾಲ್ಕು ಕಡೆ ನಾಲ್ಕು ಶವಗಳು; ನಿಧಿಗಾಗಿ ಹಿತ್ತಲಿನಲ್ಲಿ ನಡೆಸಿದ್ದರಾ ಕ್ಷುದ್ರಪೂಜೆ?
ತಮಿಳುನಾಡು ಗ್ರಾಮಕ್ಕೆ ಜಾಗತಿಕ ಪ್ರಚಾರ: ಕಮಲಾ ಹ್ಯಾರಿಸ್ ಅಮೆರಿಕದ ಉಪಾಧ್ಯಕ್ಷ ಹುದ್ದೆಯ ಅಭ್ಯರ್ಥಿಯಾಗಿ ಆಯ್ಕೆಯಾಗಿರುವುದರಿಂದ ಅವರ ಪೂರ್ವಜರ ವಾಸವಿದ್ದ ತಮಿಳುನಾಡಿನ ಕುಗ್ರಾಮ ಈಗ ಜಾಗತಿಕವಾಗಿ ಪ್ರಚಾರವಾಗುತ್ತಿದೆ.
ತಿರುವರೂರ್ ಜಿಲ್ಲೆಯ ಮನ್ನಾರ್ಗುಡಿ ಸಮೀಪದ ಪೈಂಗನಾಡು ಕಮಲಾರ ಅಜ್ಜನ ಊರು. ಕಾವೇರಿ ನದಿ ಮುಖಜ ಭೂಮಿಯಲ್ಲಿರುವ ಇದು ಕೃಷಿ ಪ್ರಧಾನ ಹಳ್ಳಿ, ಕಮಲಾರ ತಾಯಿ ಶ್ಯಾಮಲಾರ ತಂದೆ ಪಿ.ವಿ.ಗೋಪಾಲನ್ರ ಹಿರಿಯ ಅಧಿಕಾರಿಯಾಗಿದ್ದರು. ಭ್ರಷ್ಟಾಚಾರ ವಿರೋಧಿ ಆಂದೋಲನದ ನಾಯಕರಾಗಿ ಗುರುತಿಸಿಕೊಂಡಿದ್ದರು. ಕಮಲಾರ ಪೂರ್ವಜರು ಈ ಗ್ರಾಮವನ್ನು ತೊರೆದರೂ ಗ್ರಾಮದ ದೇವಸ್ಥಾನದೊಂದಿಗೆ ಸಂಪರ್ಕವನ್ನು ಉಳಿಸಿಕೊಂಡಿದ್ದರು.
ಕಮಲಾರ ಹೆಸರಿನಲ್ಲಿ ದೇವಾಲಯಕ್ಕೆ 2014ರಲ್ಲಿ ದೇಣಿಗೆ ಕೂಡ ನೀಡಿದ್ದರು. ತಮ್ಮ ಊರಿನ ಹೆಮ್ಮೆಯ ಪುತ್ರಿಯ ವಿಜಯ ಹಾರೈಸಿ ಗ್ರಾಮಸ್ಥರು ಡಿಜಿಟಲ್ ಪೋಸ್ಟರ್ಗಳನ್ನು ಪ್ರದರ್ಶಿಸಿದ್ದಾರೆ. (ಏಜೆನ್ಸೀಸ್)