ಬೆಂಗಳೂರು: ರಿಯಲ್ ಸ್ಟಾರ್ ಉಪೇಂದ್ರ ಅವರ 54ನೇ ಜನ್ಮದಿನ ಪ್ರಯುಕ್ತ ಅವರ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ‘ಕಬ್ಜ’ದ ಟೀಸರ್ ಬಿಡುಗಡೆ ಮಾಡಲಾಗಿದೆ. ಈ ಟೀಸರ್ಗೆ ಭರ್ಜರಿ ಪ್ರತಿಕ್ರಿಯೆ ಸಿಕ್ಕಿದ್ದು, ಅದು ಬಿಡುಗಡೆ ಆಗಿ ಎರಡು ದಿನ ಕಳೆದರೂ ಯೂಟ್ಯೂಬ್ನಲ್ಲಿ ಇನ್ನೂ ನಂ. 1 ಟ್ರೆಂಡಿಂಗ್ನಲ್ಲಿದೆ. ಮತ್ತೊಂದೆಡೆ ಉಪ್ಪಿಗೆ ಜನ್ಮದಿನದ ಶುಭಾಶಯ ಕೋರುವ ಸಲುವಾಗಿ ಅವರ ನಿರ್ದೇಶನದ ‘ಯುಐ’ ಚಿತ್ರತಂಡ ಬಿಡುಗಡೆ ಮಾಡಿದ್ದ ಟೀಸರ್ ಯೂಟ್ಯೂಬ್ನಲ್ಲಿ ಇನ್ನೂ ಟ್ರೆಂಡಿಂಗ್ನಲ್ಲಿದ್ದು, ನಂ. 5 ಸ್ಥಾನದಲ್ಲಿದೆ.
ಆರ್.ಚಂದ್ರು ನಿರ್ದೇಶನ, ಉಪೇಂದ್ರ-ಸುದೀಪ್-ಶ್ರೀಯಾ ಶರನ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿರುವ ‘ಕಬ್ಜ’ ಚಿತ್ರದ ಟೀಸರ್ ಸೆ. 18ರಂದು ಬಿಡುಗಡೆಯಾಗಿದ್ದು, ಒಂದೇ ದಿನದಲ್ಲಿ ಅಂದರೆ 24 ಗಂಟೆಗಳ ಒಳಗೆ 1 ಕೋಟಿಗೂ ಅಧಿಕ ವೀಕ್ಷಣೆ ಕಂಡಿದ್ದಲ್ಲದೆ, ಯೂಟ್ಯೂಬ್ನಲ್ಲಿ ಟ್ರೆಂಡಿಂಗ್ನಲ್ಲಿ ನಂ. 1 ಸ್ಥಾನ ತಲುಪಿತ್ತು. ಮಾತ್ರವಲ್ಲ, ಬಿಡುಗಡೆ ಆಗಿ ಎರಡು ದಿನ ಕಳೆದರೂ ಅದು ಯೂಟ್ಯೂಬ್ನಲ್ಲಿ ಇನ್ನೂ ನಂ. 1 ಸ್ಥಾನ ಕಾಯ್ದುಕೊಂಡಿದ್ದು, 2 ಕೋಟಿಗೂ ಅಧಿಕ ವೀಕ್ಷಣೆ ಕಂಡಿದೆ.
ಇನ್ನೊಂದೆಡೆ ಜಿ.ಮನೋಹರನ್ ಮತ್ತು ಕೆ.ಪಿ.ಶ್ರೀಕಾಂತ್ ನಿರ್ಮಾಣದ ‘ಯುಐ’ ಚಿತ್ರತಂಡ ಉಪ್ಪಿ ಜನ್ಮದಿನ ಪ್ರಯುಕ್ತ ಸೆ.18ರ ಬೆಳಗ್ಗೆ ಟೀಸರ್ವೊಂದನ್ನು ಬಿಡುಗಡೆ ಮಾಡಿದ್ದು, ಅದು ಕೂಡ ಯೂ-ಟ್ಯೂಬ್ನಲ್ಲಿ ಭರ್ಜರಿ ಪ್ರತಿಕ್ರಿಯೆ ಪಡೆದು ಟ್ರೆಂಡಿಂಗ್ನಲ್ಲಿ ನಂ. 2 ಸ್ಥಾನ ತಲುಪಿತ್ತು. ಇದೀಗ ಜನ್ಮದಿನ ಎರಡು ದಿನ ಕಳೆದರೂ ಅದು ನಂ.5 ಟ್ರೆಂಡಿಂಗ್ನಲ್ಲಿದೆ.
ಅಂಗಿ-ಬನಿಯನ್ ತೆಗೆಯಲು ತಕರಾರು: ದೇವಸ್ಥಾನಗಳಲ್ಲಿನ ಫಲಕ ತೆಗೆಸುವಂತೆ ಕೋರಿ ಅರ್ಜಿ
‘ಸಾಫ್ಟ್ವೇರ್ ಹುಡುಗ ಬೇಡ’ ಎಂದು ಮದ್ವೆ ಜಾಹೀರಾತು; ಐಟಿ ಇಂಡಸ್ಟ್ರಿಗೆ ಭವಿಷ್ಯ ಇಲ್ವಾ?