ಗಯಾ (ಬಿಹಾರ): ಯುದ್ಧದಲ್ಲಿ ಮಡಿದ ರಷ್ಯಾ ಮತ್ತು ಯೂಕ್ರೇನ್ ಯೋಧರು ಶಾಂತಿಗಾಗಿ ಯೂಕ್ರೇನ್ ಮಹಿಳೆಯೊಬ್ಬರು ಇಲ್ಲಿನ ದೇವಸ್ಥಾನದಲ್ಲಿ ಶನಿವಾರ ಪಿಂಡ ಪ್ರದಾನ ಮಾಡಿದರು. ಹಿಂದುಗಳು ತಮ್ಮ ಪೂರ್ವಜರಿಗೆ ಗೌರವ ಅರ್ಪಿಸಲು ಪಿತೃ ಪಕ್ಷದಲ್ಲಿ ಪಿಂಡ ದಾನದ ಆಚರಣೆ ನೆರವೇರಿಸುತ್ತಾರೆ.
ಸೆಪ್ಟೆಂಬರ್ 29ರಂದು ಈ ವರ್ಷದ ಪಿತೃ ಪಕ್ಷ ಆರಂಭವಾಗಿದೆ. ಪಿಂಡ ದಾನಕ್ಕಾಗಿ ಗಯಾಕ್ಕೆ ಬರುತ್ತಿರುವುದು ಇದು ಎರಡನೇ ಸಲ ಎಂದು ಯುಲಿಯಾ ಎಂಬ ಈ ಯೂಕ್ರೇನಿ ಮಹಿಳೆ ಹೇಳಿದ್ದಾಳೆ. ಕಳೆದ ವರ್ಷ ತನ್ನ ಪೋಷಕರಿಗೆ ಪಿಂಡ ಪ್ರದಾನ ಮಾಡಲು ಬಂದಿದ್ದಾಗಿ ಹೇಳಿದ್ದಾಳೆ.
ಜೆರುಸಲೇಂ: ಗಾಜಾ ಪಟ್ಟಿಯಲ್ಲಿರುವ ಆಡಳಿತಾರೂಢ ಹಮಾಸ್ ಉಗ್ರಗಾಮಿ ಗುಂಪು ಶನಿವಾರ ಬೆಳಗಿನ ಜಾವ ಇಸ್ರೇಲ್ ಮೇಲೆ ಭಾರಿ ಪ್ರಮಾಣದ ದಾಳಿ ನಡೆಸಿದೆ. 5 ಸಾವಿರಕ್ಕೂ ಹೆಚ್ಚು ರಾಕೆಟ್ಗಳ ಮೂಲಕ ಬೆಂಕಿಯ ಮಳೆಯನ್ನೇ ಸುರಿಸಿದೆ. ಇದರ ಜತೆಗೆ ಹಮಾಸ್ ಉಗ್ರರು ಇಸ್ರೇಲ್ನ ಹಲವಾರು ಗಡಿ ಪ್ರದೇಶಗಳಲ್ಲಿ ನುಸುಳಿದ್ದು, ಹಿಂಸಾಚಾರ ಸೃಷ್ಟಿಸಿದ್ದಾರೆ. ಇಸ್ರೇಲ್ನ ರಾಷ್ಟ್ರೀಯ ರಣಾ ಸೇವೆ ಪ್ರಕಾರ ಕನಿಷ್ಠ 40 ಜನರು ಸಾವನ್ನಪ್ಪಿದ್ದಾರೆ. 500ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಇತ್ತೀಚಿನ ವರ್ಷಗಳಲ್ಲಿ ಇಸ್ರೇಲ್ನಲ್ಲಿ ನಡೆದ ಅತ್ಯಂತ ಭೀಕರ ದಾಳಿ ಇದಾಗಿದೆ.
ಪ್ರಮುಖ ರಜಾ ದಿನವಾದ ಶನಿವಾರವೇ ಉಗ್ರರು ದಾಳಿ ನಡೆಸಿದ್ದಾರೆ. ದೇಶದ ಹಲವಾರು ಪ್ರದೇಶಗಳಲ್ಲಿ ಇಸ್ರೇಲಿ ಭದ್ರತಾ ಪಡೆ, ಹಮಾಸ್ ಉಗ್ರರ ಜತೆ ಗುಂಡಿನ ಚಕಮಕಿ ನಡೆಸುತ್ತಿದೆ. ಈ ಟನೆ ವಿಶ್ವವನ್ನೇ ಬೆಚ್ಚೀಬಿಳಿಸಿದೆ. ಕನಿಷ್ಠ 561 ಗಾಯಾಳುಗಳು ಇಸ್ರೇಲಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇವರಲ್ಲಿ ಕನಿಷ್ಠ 77 ಮಂದಿ ಗಂಭೀರ ಸ್ಥಿತಿಯಲ್ಲಿದ್ದಾರೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. ಹಮಾಸ್ ಹೋರಾಟಗಾರರು ಇಸ್ರೇಲಿ ಮಿಲಿಟರಿ ವಾಹನಗಳನ್ನು ವಶಕ್ಕೆ ಪಡೆದು, ಬೀದಿಗಳಲ್ಲಿ ಮೆರವಣಿಗೆ ಮಾಡುವ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.
ಈ ಬೆನ್ನಲ್ಲೇ, ದೇಶವನ್ನು ಉದ್ದೇಶಿಸಿ ಇಸ್ರೇಲಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ದೂರದರ್ಶನ ಮೂಲಕ ಭಾಷಣ ಮಾಡಿದ್ದಾರೆ. ನಾವು ಯುದ್ಧದ ಸ್ಥಿತಿಯಲ್ಲಿದ್ದೇವೆ. ಸಾಮೂಹಿಕ ಸೇನಾ ಸಜ್ಜುಗೊಳಿಸುವಿಕೆ ಪ್ರಕ್ರಿಯೆ ನಡೆಯುತ್ತಿದೆ. ಶತ್ರುಗಳು ದೊಡ್ಡ ಬೆಲೆಯನ್ನು ತೆರಲಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಕನಿಷ್ಠ ಏಳು ಸ್ಥಳಗಳ ಮೂಲಕ ಇಸ್ರೇಲ್ಗೆ ಹಮಾಸ್ ಉಗ್ರರು ನುಗ್ಗಿದ್ದಾರೆ. ತಂತಿ ಬೇಲಿಗಳನ್ನು ಜಿಗಿದು ದೇಶದ ಒಳಗೆ ಪ್ರವೇಶಿಸುತ್ತಿರುವುದು, ಪ್ಯಾರಾಗ್ಲೆಡರ್ ಮೂಲಕ ಇಸ್ರೇಲ್ ನೆಲದಲ್ಲಿ ಇಳಿಯುತ್ತಿರುವ ವಿಡಿಯೋ ಬೆಳಕಿಗೆ ಬಂದಿದೆ. ಬಂದೂಕುಧಾರಿಗಳು ಮೋಟಾರು ಸೈಕಲ್ಗಳಲ್ಲಿ, ಪಿಕಪ್ ಟ್ರಕ್ಗಳಲ್ಲಿ ಇಸ್ರೇಲ್ ಪ್ರವೇಶಿಸುತ್ತಿದ್ದಾರೆ ಎಂದು ವರದಿಯಾಗಿದೆ. ಹಮಾಸ್ ದಾಳಿಗೆ ಕಾರಣ ಏನು ಎಂಬುದು ತಣವೇ ಸ್ಪಷ್ಟವಾಗಿಲ್ಲ.
ಹಮಾಸ್ ಆಪರೇಷನ್ ಅಲ್&ಅಕ್ಸಾ ಫ್ಲಡ್ ಹೆಸರಿನಲ್ಲಿ ಹಮಾಸ್ ದಾಳಿ ಆರಂಭಿಸಿದೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಇಸ್ರೇಲ್ ತಾನು ಯುದ್ಧಕ್ಕೆ ಸನ್ನದ್ಧವಾಗಿದ್ದಾಗಿ ಹೇಳಿದೆ. ಇದು ಕೇವಲ ಮೊದಲ ದಾಳಿ. ಮುಂದೆ ಇನ್ನಷ್ಟು ದಾಳಿಗಳು ನಡೆಯಲಿದೆ ಎಂದು ಹಮಾಸ್ ಉಗ್ರರು ಹೇಳಿದ್ದಾರೆ. ಹೀಗಾಗಿ ಉದ್ವಿಗ್ನತೆ ಮತ್ತು ರ್ಷಣೆಗಳು ಮತ್ತಷ್ಟು ಉಲ್ಬಣಗೊಳ್ಳುವ ನಿರೀಕ್ಷೆಯಿದೆ.
ರಸ್ತೆಗಳಲ್ಲಿ ಸಂಚರಿಸುತ್ತಿದ್ದ ವಾಹನಗಳ ಮೇಲೆ ಉಗ್ರರು ಗುಂಡಿನ ದಾಳಿ ನಡೆಸಿದ್ದಾರೆ. ಜನರು ಬಂಕರ್ಗಳಲ್ಲಿ ಆಶ್ರಯ ಪಡೆಯುವಂತೆ ಇಸ್ರೇಲ್ ಸರ್ಕಾರ ತಿಳಿಸಿದೆ. ಭಯೋತ್ಪಾದಕರು ಇಸ್ರೇಲ್ ಯೋಧರ ಮೃತದೇಹಗಳನ್ನು ರಸ್ತೆಯಲ್ಲಿ ಎಳೆದುಕೊಂಡು ಹೋಗಿ ಸಂಭ್ರಮಾಚರಣೆ ನಡೆಸುತ್ತಿರುವುದು ಕಂಡುಬಂದಿದೆ.