ನವದೆಹಲಿ: ಹಮಾಸ್ ಉಗ್ರರು ಇಸ್ರೇಲ್ ಮೇಲೆ ರಾಕೆಟ್ ದಾಳಿ ನಡೆಸಿ 300ಕ್ಕೂ ಹೆಚ್ಚು ಜನರನ್ನು ಬಲಿ ಪಡೆಯುವ ಮೂಲಕ ಯುದ್ಧದ ಪರಿಸ್ಥಿತಿಯನ್ನು ನಿರ್ಮಾಣ ಮಾಡಿದ್ದಾರೆ. ಇದಲ್ಲದೆ ಹಲವರನ್ನು ಅಪಹರಿಸಿರುವ ಹಮಾಸ್ ಉಗ್ರರು ಅವರುನ್ನು ಒತ್ತೆಯಾಳುಗಳನ್ನಾಗಿ ಇರಿಸಿಕೊಂಡಿದ್ದಾರೆ.
ಇದೀಗ ಘಟನೆಯೊಂದರಲ್ಲಿ ಪೀಸ್ ಫೆಸ್ಟಿವಲ್ನಲ್ಲಿ ಭಾಗಿಯಾಗಿದ್ದ ಯುವತಿಯನ್ನು ಅಪಹರಿಸಿರುವ ಘಟನೆ ಬೆಳಕಿಗೆ ಬಂದಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ನೋಹ್ ಅರ್ಗಮಣಿ (25) ಅಪಹರಣಕ್ಕೊಳಗಾದ ಯುವತಿ ಎಂದು ವರದಿಯಾಗಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಹಮಾಸ್ ಉಗ್ರರು ನೋಹ್ರನ್ನು ಬಲವಂತವಾಗಿ ಎಳೆದೊಯ್ಯುತ್ತಿರುವುದು ಕಂಡು ಬರುತ್ತದೆ. ಆಕೆ ತನ್ನನ್ನು ಕೊಲ್ಲದಂತೆ ಉಗ್ರರ ಬಳಿ ಬೇಡಿಕೊಳ್ಳುತ್ತಿರುವುದನ್ನುನೋಡಬಹುದಾಗಿದೆ. ಆಕೆಯ ಜೊತೆ ಇರುವ ಗೆಳೆಯ ಅವಿ ನಾಥನ್ ಮೇಲೆ ಉಗ್ರರಯು ಅಮಾನುಷವಾಗಿ ಹಲ್ಲೆ ನಡೆಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.
ಇತ್ತ ನೋಹ್ ಅರ್ಗಮಣಿ ಹಾಗೂ ಅವರ ಪ್ರಿಯಕರ ಅವಿ ನಾಥನ್ ಕಾಣೆಯಾಗಿರುವ ಬಗ್ಗೆ ಕುಟುಂಬಸ್ಥರು ದೂರು ದಾಖಲಿಸಿದ ಕೆಲವೇ ಘಂಟೆಗಳ ಬಳಿಕ ಅವರಿಬ್ಬರನ್ನು ಹಮಾಸ್ ಉಗ್ರರು ಅಪಹರಣ ಮಾಡಿರುವ ಸುದ್ದಿ ಬೆಳಕಿಗೆ ಬಂದಿದೆ. ರಕ್ಷಣಾ ಪಡೆಗಳು ಅವರ ಹುಡುಕಾಟದಲ್ಲಿದ್ದು, ನಿರತರಾಗಿದ್ದು, ಶೀಘ್ರದಲ್ಲೇ ಹುಡುಕಿಕೊಡುವುದಾಗಿ ಕುಟುಂಬಸ್ಥರಿಗೆ ಧೈರ್ಯ ತುಂಬಿದ್ದಾರೆ.
ಇದನ್ನೂ ಓದಿ: VIDEO| ಇಸ್ರೇಲ್-ಪ್ಯಾಲೆಸ್ಟೈನ್ ಯುದ್ಧ; ಲಂಡನ್ನಲ್ಲಿ ಹಮಾಸ್ ಬೆಂಬಲಿಗರ ಸಂಭ್ರಮಾಚರಣೆ
ಈ ಕುರಿತು ಪ್ರತಿಕ್ರಿಯಿಸಿರುವ ಅವಿ ನಾಥನ್ ಸಹೋದರ ಮೋಶೆ ಓರ್ ಮೊದಲಿಗೆ ಅವರ ಫೋನ್ ಸ್ವಿಚ್ ಆಫ್ ಬಂದ ಕಾರಣ ಹತ್ತಿರದ ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಲಾಯಿತು. ದೂರು ದಾಖಲಿಸಿಕೊಂಡ ಅಧಿಕಾರಿಗಳು ಕೆಲ ಘಂಟೆಗಳ ಬಳಿಕ ಅವರಿಬ್ಬರನ್ನು ಹಮಾಸ್ ಉಗ್ರರು ಅಪಹರಣ ಮಾಡಿರುವುದಾಗಿ ತಿಳಿಸಿದ್ದರು. ಈಗಾಗಲೇ ಅವರನ್ನು ಅಪಹರಣ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅವರಿ್ಬ್ರಿಗೆ ಏನೂ ಆಗದೇ ಇದ್ದರೆ ಸಾಕು ಎಂದು ಅವಿ ನಾಥನ್ ಸಹೋದರ ಮೋಶೆ ಓರ್ ತಿಳಿಸಿದ್ದಾರೆ.
ಅವಿ ನಾಥನ್ ಹಾಗೂ ನೋಹ್ ಅರ್ಗಮಣಿ ಭಾಗವಹಿಸಿದ್ದ ಪೀಸ್ ಫೆಸ್ಟಿವಲ್ ಮೇಲೆ ಹಮಾಸ್ ಉಗ್ರಗಾಮಿಗಳ ದಾಳಿ ಮಾಡಿದ್ದು, ನುರಕ್ಕೂ ಹೆಚ್ಚು ಜನರನ್ನು ತಮ್ಮ ಒತ್ತೆಯಾಳುಗಳಾಗಿ ಇರಿಸಿಕೊಂಡಿದ್ದಾರೆ.
ಸದ್ಯದ ಮಾಹಿತಿ ಮೇರೆಗೆ ಇಸ್ರೇಲ್ನಲ್ಲಿ 300ಕ್ಕೂ ಅಧಿಕ ಮಂದಿ ಮೃತಪಟ್ಟಿದ್ದರೆ, ಗಾಜಾ ಮೇಲಿನ ಇಸ್ರೇಲ್ ಪ್ರತಿದಾಳಿಗೆ 230ಕ್ಕೂ ಅಧಿಕ ಮಂದಿ ಅಸುನೀಗಿದ್ದಾರೆ. ಸ್ಥಳೀಯ ಜನರು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಬೇಸ್ಮೆಂಟ್ಗಳಲ್ಲಿ ಅಡಗಿಕೊಂಡಿದ್ದಾರೆ. ಎರಡೂ ಕಡೆಗಳಿಂದ ಒಟ್ಟು 500ಕ್ಕೂ ಹೆಚ್ಚು ಸಾವಾಗಿದ್ದು, 1000ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.