ಮದುವೆಯಲ್ಲಿ ಹಲ್ಲೆ ನಡೆಸಿ ವೇಟರ್​ ಕೊಲೆ: ಹೀಗೂ ಇರಬಹುದೇ ಕಾರಣ?

ನವದೆಹಲಿ: ಕೊಲೆ ಮಾಡಲು ಸಾಮಾನ್ಯವಾಗಿ ಯಾವುದಾದರೂ ದೊಡ್ಡ ಕಾರಣ ಇರುತ್ತದೆ ಎಂದೇ ಭಾವಿಸಲಾಗುತ್ತದೆ. ಆದರೆ, ಕೆಲವೊಮ್ಮೆ ಕುಲ್ಲಕ ಕಾರಣಕ್ಕಾಗಿ ಕೊಲೆಗಳು ನಡೆದುಹೋಗುತ್ತವೆ. ಅಂತಹುದೇ ಒಂದು ಘಟನೆ ಉತ್ತರ ಪ್ರದೇಶದ ಗಾಜಿಯಾಬಾದ್​ನಲ್ಲಿ ನಡೆದಿದೆ.

ಮದುವೆಯೊಂದರಲ್ಲಿ ಅತಿಥಿಗಳಿಗೆ ತಟ್ಟೆ (ಟ್ರೇ) ತಗುಲಿದ ಹಿನ್ನೆಲೆಯಲ್ಲಿ ಉದ್ಭವಿಸಿದ ವಾದ- ವಿವಾದವು ವೇಟರ್​ ಕೊಲೆಯಲ್ಲಿ ಪರ್ಯಾವಸನವಾಗಿದೆ..

ನವೆಂಬರ್ 17ರ ಸಂಜೆ ಗಾಜಿಯಾಬಾದ್‌ನ ಪುಸ್ತಾ ರಸ್ತೆಯಲ್ಲಿರುವ ಸಿಜಿಎಸ್ ವಾಟಿಕಾ ಅತಿಥಿ ಗೃಹದಲ್ಲಿ ಈ ಘಟನೆ ನಡೆದಿದ್ದು, 26 ವರ್ಷದ ವೇಟರ್​ (ಮಾಣಿ) ಸಾವಿಗೆ ಕಾರಣವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಾಣಿ ಒಯ್ಯುತ್ತಿದ್ದ ಪ್ಲೇಟ್‌ಗಳ ತಟ್ಟೆಯು ಸ್ಥಳದಲ್ಲಿ ಅತಿಥಿಗಳಿಗೆ ತಗುಲಿದಾಗ ಹೊಡೆದಾಟ ನಡೆದಿದೆ. ಜಗಳದ ಸಮಯದಲ್ಲಿ ಮಾಣಿ ಪಂಕಜ್ ಎಂಬಾತನನ್ನು ಕೆಲವು ವ್ಯಕ್ತಿಗಳು ಕ್ರೂರವಾಗಿ ಥಳಿಸಿದ್ದಾರೆ. ಬಳಿಕ ಆತ ಸತ್ತಿದ್ದಾನೆ ಎಂದು ಹೆದರಿದ ಆರೋಪಿಗಳು ಆತನ ಶವವನ್ನು ಕಾಡಿಗೆ ಎಸೆದಿದ್ದಾರೆ.

ಮರುದಿನ ಪಂಕಜನ ಶವವನ್ನು ಪತ್ತೆಹಚ್ಚಿದ ನಂತರ ಪೊಲೀಸರು ತನಿಖೆ ಪ್ರಾರಂಭಿಸಿದರು. ಮರಣೋತ್ತರ ಪರೀಕ್ಷೆಯಲ್ಲಿ ಪಂಕಜನ ತಲೆಯ ಮೇಲೆ ಆಳವಾದ ಗಾಯದ ಗುರುತು ಕಂಡುಬಂದಿದೆ.

ಮದುವೆ ಸ್ಥಳಕ್ಕೆ ಕೆಲಸಕ್ಕೆ ಹೋಗಿದ್ದ ಆತ ಮನೆಗೆ ವಾಪಸ್ಸಾಗಿರಲಿಲ್ಲ ಎಂದು ವಿಚಾರಣೆ ವೇಳೆ ಸಂತ್ರಸ್ತೆಯ ತಾಯಿ ಪೊಲೀಸರಿಗೆ ತಿಳಿಸಿದ್ದಾರೆ. ಆಗ ಪೊಲೀಸರು ವಿಚಾರಣೆ ಮುಂದುವರಿಸಿದ್ದಾರೆ. ಪಂಕಜನು ಅತಿಥಿಗೃಹದಲ್ಲಿ ವೇಟರ್ ಆಗಿ ಪಾಲುದಾರನಾಗಿದ್ದ ಮನೋಜ್ ಗುಪ್ತಾ ಎಂಬ ಗುತ್ತಿಗೆದಾರನ ಮೂಲಕ ಕೆಲಸ ಮಾಡುತ್ತಿದ್ದ ಎಂಬುದು ತಿಳಿದುಬಂದಿದೆ.

ಜಗಳದ ವೇಳೆ ಪಂಕಜ್ ಮೇಲೂ ಹಲ್ಲೆ ಮನೋಜ್ ನಡೆಸಿರುವುದು ತನಿಖೆಯಿಂದ ತಿಳಿದುಬಂದಿದೆ. ಆರೋಪಿಗಳು ಪಂಕಜನನ್ನು ನೆಲದ ಮೇಲೆ ಎಸೆದಾಗ ಆತನ ತಲೆಗೆ ಗಂಭೀರ ಗಾಯಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮನೋಜ್ ಜತೆಗೆ ಅಮಿತ್ ಕುಮಾರ್ ಮತ್ತು ಇನ್ನೊಬ್ಬ ವ್ಯಕ್ತಿಯನ್ನು ಈಗ ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ.