ಅಹಮದಾಬಾದ್: ಐಪಿಎಲ್ 14ನೇ ಆವೃತ್ತಿಯಲ್ಲಿ ಕನಸಿನ ಆರಂಭ ಕಂಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ಕಳೆದ ವರ್ಷದಂತೆ ನೀರಸ ಆರಂಭದಿಂದ ಕಂಗೆಟ್ಟಿರುವ ಪಂಜಾಬ್ ಕಿಂಗ್ಸ್ ತಂಡವನ್ನು ಶುಕ್ರವಾರ ಎದುರಿಸಲಿದೆ. ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಕಾದಾಟದಲ್ಲಿ ಗೆಲುವಿನ ಓಟವನ್ನು ವಿಸ್ತರಿಸುವತ್ತ ವಿರಾಟ್ ಕೊಹ್ಲಿ ಬಳಗ ಗಮನಹರಿಸಿದ್ದರೆ, ಕೆಎಲ್ ರಾಹುಲ್ ಪಡೆ ಗೆಲುವಿನ ಹಾದಿಗೆ ಮರಳುವ ಹಂಬಲದಲ್ಲಿದೆ. ಸಿಎಸ್ಕೆ ವಿರುದ್ಧದ ಪಂದ್ಯವನ್ನು ಹೊರತಾಗಿ ಆರ್ಸಿಬಿ ತಂಡ ಉಳಿದ 5 ಪಂದ್ಯಗಳಲ್ಲೂ ಸರ್ವಾಂಗೀಣ ನಿರ್ವಹಣೆಯೊಂದಿಗೆ ಗೆಲುವು ಕಂಡಿದೆ. ಕಳೆದ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ 1 ರನ್ನಿಂದ ದಾಖಲಿಸಿದ ರೋಚಕ ಗೆಲುವು ಆರ್ಸಿಬಿ ತಂಡವನ್ನು ಮತ್ತೆ ಗೆಲುವಿನ ಹಾದಿಗೆ ಮರಳಿ ತಂದಿದೆ. ಹೀಗಾಗಿ ಅಸ್ಥಿರ ನಿರ್ವಹಣೆಯಿಂದ ಪರದಾಡುತ್ತಿರುವ ಪಂಜಾಬ್ ಕಿಂಗ್ಸ್ ವಿರುದ್ಧ ಆರ್ಸಿಬಿ ಆರನೇ ಗೆಲುವು ಒಲಿಸಿಕೊಳ್ಳುವ ನಿರೀೆ ಹೆಚ್ಚಿದೆ.
ವಿಶ್ವಾಸದಲ್ಲಿ ಆರ್ಸಿಬಿ
ನಾಯಕ ವಿರಾಟ್ ಕೊಹ್ಲಿ ಲೆಕ್ಕಾಚಾರಗಳೆಲ್ಲ ಈ ಬಾರಿ ಕೈಗೂಡುತ್ತಿವೆ. ಪ್ರಮುಖವಾಗಿ ಬ್ಯಾಟಿಂಗ್ ವಿಭಾಗದಲ್ಲಿ ದೇವದತ್ ಪಡಿಕಲ್, ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಎಬಿ ಡಿವಿಲಿಯರ್ಸ್ ಆಟ ಸಾಕಷ್ಟು ಬಲ ತುಂಬಿದೆ. ಕೊಹ್ಲಿ ಕೂಡ ಆರಂಭಿಕರಾಗಿ ಉತ್ತಮ ಲಯದಲ್ಲಿದ್ದಾರೆ. ವನ್ಡೌನ್ ಆಟಗಾರರಾಗಿ ರಜತ್ ಪಟಿದಾರ್ ಕಳೆದ ಪಂದ್ಯದಲ್ಲಿ ಉತ್ತಮ ಕೊಡುಗೆ ನೀಡಿದ್ದಾರೆ. ಡೇನಿಯಲ್ ಸ್ಯಾಮ್ಸ್ ಕರೊನಾದಿಂದ ಗುಣಮುಖರಾಗಿ ಮರಳಿದ ಬಳಿಕ ತಂಡ ಸಂಯೋಜನೆಗೆ ಬಲ ತುಂಬಿದ್ದಾರೆ. ಬೌಲಿಂಗ್ನಲ್ಲಿ ಹರ್ಷಲ್ ಪಟೇಲ್ ಟೂನಿರ್ಯಲ್ಲಿ ಇದುವರೆಗೆ ಗರಿಷ್ಠ ವಿಕೆಟ್ ಸಾಧಕರೆನಿಸಿದ್ದರೆ, ಮೊಹಮದ್ ಸಿರಾಜ್ ಕಳೆದ ಪಂದ್ಯದಲ್ಲಿ ಪಂತ್-ಹೆಟ್ಮೆಯರ್ರಂಥ ಸ್ಫೋಟಕ ಬ್ಯಾಟ್ಸ್ಮನ್ಗಳ ಎದುರು 14 ರನ್ ರಸುವಲ್ಲಿ ಸಲರಾಗಿದ್ದರು. ಆದರೆ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಈ ಬಾರಿ ವಿಕೆಟ್ ಕಬಳಿಸುವ ಕಲೆಯನ್ನು ಮರೆತಂತಿರುವುದು ಮಾತ್ರ ಆರ್ಸಿಬಿಗೆ ತುಸು ಹಿನ್ನಡೆಯಾಗಿದೆ.
ಪಂಜಾಬ್ ಪರದಾಟ
ಇದುವರೆಗೆ ಆಡಿದ ಆರು ಪಂದ್ಯಗಳಲ್ಲಿ ಎರಡಲ್ಲಷ್ಟೇ ಗೆದ್ದು, 4ರಲ್ಲಿ ಸೋತಿರುವ ಪಂಜಾಬ್ ತಂಡ, ಕಾಗದದ ಮೇಲೆ ಬಲಿಷ್ಠವಾಗಿ ಕಂಡುಬಂದರೂ, ಮೈದಾನದಲ್ಲಿ ಗೆಲುವಿನ ನಿರ್ವಹಣೆ ಬರುತ್ತಿಲ್ಲ. ಕನ್ನಡಿಗರಾದ ಕೆಎಲ್ ರಾಹುಲ್&ಮಯಾಂಕ್ ಅಗರ್ವಾಲ್ ಆರಂಭಿಕ ಜೋಡಿಯಾಗಿ ಮಿಂಚುತ್ತಿದ್ದರೆ, ಕ್ರಿಸ್ ಗೇಲ್ ಇದುವರೆಗಿನ 6 ಇನಿಂಗ್ಸ್ಗಳಲ್ಲಿ 2ರಲ್ಲಿ ಮಾತ್ರ ಉತ್ತಮ ಸ್ಕೋರ್ ಮಾಡಿದ್ದಾರೆ. ನಿಕೋಲಸ್ ಪೂರನ್ ವೈಲ್ಯ ತಂಡಕ್ಕೆ ದೊಡ್ಡ ಹಿನ್ನಡೆಯಾಗಿದೆ. 3 ಶೂನ್ಯ ಸಹಿತ 5 ಇನಿಂಗ್ಸ್ಗಳಲ್ಲಿ 28 ರನ್ ಮಾತ್ರ ಗಳಿಸಿರುವ ಪೂರನ್ ಈ ಬಾರಿ ಮತ್ತೊಂದು ಅವಕಾಶ ಪಡೆಯುವುದು ಅನುಮಾನ. ಆರಂಭಿಕರು ಬೇಗನೆ ಔಟಾದಾಗ ಮಧ್ಯಮ ಕ್ರಮಾಂಕದಲ್ಲಿ ಇನಿಂಗ್ಸ್ ಬೆಳೆಸುವ ಆಟಗಾರರ ಕೊರತೆ ಕಾಡುತ್ತಿದೆ. ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಈ ವೈಲ್ಯದಿಂದಾಗಿಯೇ ಪಂಜಾಬ್ ತಂಡ ಉತ್ತಮ ಮೊತ್ತ ಪೇರಿಸಲು ಸಾಧ್ಯವಾಗಿರಲಿಲ್ಲ. ಇನ್ನು ಬೌಲರ್ಗಳೂ ಡೆಲ್ಲಿ ವಿರುದ್ಧ 195 ರನ್ ಮೊತ್ತ ರಸಿಕೊಳ್ಳಲು ವಿಲರಾಗಿದ್ದರೆ, ರಾಜಸ್ಥಾನ ವಿರುದ್ಧ 221 ರನ್ ರಸಿಕೊಳ್ಳಲು ಪರದಾಡಿದ್ದರು. ಕ್ರಿಸ್ ಜೋರ್ಡನ್ ಸೇರ್ಪಡೆಯಿಂದ ಕೆಕೆಆರ್ ವಿರುದ್ಧ ತಂಡದ ಬೌಲಿಂಗ್ ಸ್ವಲ್ಪ ಸುಧಾರಣೆ ಕಂಡಿತ್ತು.
ಆರ್ಸಿಬಿ: ಟೂನಿರ್ಯಲ್ಲಿ ಇದುವರೆಗೆ ಬಹುತೇಕ ಅಂದುಕೊಂಡಂತೆಯೇ ನಡೆಯುತ್ತಿದೆ. ಎಲ್ಲ ಆಟಗಾರರು ಸಿಕ್ಕ ಅವಕಾಶವನ್ನು ಸಮರ್ಥವಾಗಿ ಬಳಸಿಕೊಂಡಿದ್ದಾರೆ. ಹೀಗಾಗಿ ಬದಲಾವಣೆಯ ಅಗತ್ಯ ಕಾಣಿಸುತ್ತಿಲ್ಲ.
ಕಳೆದ ಪಂದ್ಯ: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 1 ರನ್ ಜಯ.
ಪಂಜಾಬ್ ಕಿಂಗ್ಸ್: ಜಯದ ಹಾದಿಗೆ ಮರಳಲು ಕೆಲ ಬದಲಾವಣೆ ಅಗತ್ಯವಾಗಿದ್ದು, ಕೆಟ್ಟ ಾಮ್ರ್ನಲ್ಲಿರುವ ನಿಕೋಲಸ್ ಪೂರನ್ ಬದಲಿಗೆ ಇಂಗ್ಲೆಂಡ್ನ ಡೇವಿಡ್ ಮಲಾನ್ ಈ ಸಲವಾದರೂ ಅವಕಾಶ ಪಡೆಯುವ ಸಾಧ್ಯತೆ ಇದೆ.
ಕಳೆದ ಪಂದ್ಯ: ಕೆಕೆಆರ್ ವಿರುದ್ಧ 5 ವಿಕೆಟ್ ಸೋಲು.
ಮುಖಾಮುಖಿ: 26
ಆರ್ಸಿಬಿ: 12
ಪಂಜಾಬ್ ಕಿಂಗ್ಸ್: 14
ಪಂದ್ಯ ಆರಂಭ: ರಾತ್ರಿ 7.30
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಪಂಜಾಬ್-ಮ್ಯಾಕ್ಸ್ವೆಲ್ ಮುಖಾಮುಖಿ ಕುತೂಹಲ!
ಕಳೆದ ವರ್ಷ ಪಂಜಾಬ್ ತಂಡದಲ್ಲಿದ್ದ ಆಸೀಸ್ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್, ಈ ಸಲ ಆರ್ಸಿಬಿ ಬಳಗದಲ್ಲಿದ್ದಾರೆ. ಕಳೆದ ವರ್ಷ ಪಂಜಾಬ್ ತಂಡದಲ್ಲಿ ಸತತ ಅವಕಾಶ ಪಡೆದರೂ, ಒಂದೂ ಸಿಕ್ಸರ್ ಸಿಡಿಸದೆ ಮಧ್ಯಮ ಕ್ರಮಾಂಕದಲ್ಲಿ ನಿರಾಸೆ ಮೂಡಿಸಿದ್ದ ಮ್ಯಾಕ್ಸ್ವೆಲ್ ಈ ಬಾರಿ ಆರ್ಸಿಬಿ ಪರ ರನ್ಪ್ರವಾಹವನ್ನೇ ಹರಿಸುತ್ತಿದ್ದಾರೆ ಮತ್ತು ತಂಡದ ಗೆಲುವಿಗೆ ಉಪಯುಕ್ತ ಕಾಣಿಕೆಗಳನ್ನು ನೀಡುತ್ತಿದ್ದಾರೆ. ಹೀಗಾಗಿ ಈ ಬಾರಿ ತಮ್ಮ ಮಾಜಿ ತಂಡದ ವಿರುದ್ಧವೂ ಮ್ಯಾಕ್ಸ್ವೆಲ್ ಅಂಥದ್ದೇ ಆರ್ಭಟ ಪ್ರದಶಿರ್ಸುವರೇ ಮತ್ತು ಪಂಜಾಬ್ ಪಾಳಯ ಅವರನ್ನು ಕೈಬಿಟ್ಟ ಬಗ್ಗೆ ಪಶ್ಚಾತ್ತಾಪ ಪಡುವಂತೆ ಮಾಡುವರೇ ಎಂಬುದು ಕುತೂಹಲ ಕೆರಳಿಸಿದೆ.
ಗೆಲುವಿನ ಹಳಿಗೇರಿದ ಮುಂಬೈ ಇಂಡಿಯನ್ಸ್; ರಾಜಸ್ಥಾನ ರಾಯಲ್ಸ್ ಎದುರು 7 ವಿಕೆಟ್ ಜಯ