ಚೀನಾ: ಗೋಲ್ಡನ್ ರಿಟ್ರೈವರ್‌ ನಾಯಿಯ ಧೈರ್ಯದ ವಿಡಿಯೋ ಒಂದು ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ. ವೀಡಿಯೋದಲ್ಲಿ ನಾಯಿ, ಹುಲಿಗಳ ನಡುವೆ ನಿರ್ಭಯವಾಗಿ ತಿರುಗಾಡುತ್ತಿರುವುದನ್ನು ಕಾಣಬಹುದು. ವಿಚಿತ್ರ ಎಂದರೆ ಈ ಹುಲಿಗಳೂ ನಾಯಿ ಜೊತೆ ಆರಾಮವಾಗಿ ಇವೆ. ನಾಯಿಗೆ ಯಾವ ರೀತಿಯಲ್ಲೂ ಹಾನಿ ಮಾಡುತ್ತಿಲ್ಲ.
ಈ ವೀಡಿಯೊವನ್ನು ಟೈಗರ್ ಬಿಗ್‌ಫಾನ್ ಎನ್ನುವ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಮೇ 26 ರಂದು ಪೋಸ್ಟ್ ಮಾಡಲಾಗಿದೆ. ಇದಕ್ಕೆ 1.2 ಮಿಲಿಯನ್ ವೀವ್ಸ್ ಬಂದಿದ್ದು 52,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಪಡೆದುಕೊಂಡಿದೆ.
ಪೋಸ್ಟ್ ಪ್ರಕಾರ, ಈ ನಾಯಿಯು ಹುಲಿಗಳು ಮರಿಗಳಾಗಿದ್ದಾಗ ತನ್ನ ಹಾಲನ್ನು ಕುಡಿಸುತ್ತಿತ್ತು. ಹೀಗಾಗಿ ಅವು ಗೋಲ್ಡನ್ ರಿಟ್ರೀವರ್ ನಾಯಿಯನ್ನು ತಮ್ಮ ತಾಯಿ ಎಂದು ಭಾವಿಸುತ್ತಿವೆ.
ಅಂತರ್ಜಾಲದಲ್ಲಿ ಈ ವಿಡಿಯೋ ನೋಡಿದ ವೀಕ್ಷಕರು ಒಮ್ಮೆಗೆ ಬೆಚ್ಚಿಬಿದ್ದರು. ಆದರೆ ಹುಲಿಗಳು ಏಕೆ ಈ ರೀತಿ ವರ್ತಿಸಿವೆ ಎನ್ನುವುದು ಕೆಲವರಿಗೆ ಮಾತ್ರ ಅರ್ಥವಾಗಿದೆ. ಕಾಮೆಂಟ್ ವಿಭಾಗದಲ್ಲಿ ಜನರು ಬೇರೆ ಬೇರೆ ರೀತಿ ಪ್ರತಿಕ್ರಿಯಿಸಿದ್ದು ‘ಆ ನಾಯಿಯು ಹುಲಿಗಳನ್ನು ಸಾಕಲು ಸಹಾಯ ಮಾಡಿದ್ದರಿಂದ ಅವು ನಾಯಿಯನ್ನು ನೋಯಿಸುವುದಿಲ್ಲ’ ಎಂದು ಒಬ್ಬರು ಬರೆದಿದ್ದಾರೆ.
View this post on Instagram