ನವದೆಹಲಿ: ಸಮಾಜವಾದಿ ಪಕ್ಷದ ಮಾಜಿ ಮುಖಂಡ ಅಮರ್ ಸಿಂಗ್ ಮೃತಪಟ್ಟಿದ್ದಾರೆ ಎಂದು ಸುಳ್ಳು ಸುದ್ದಿ ಹಬ್ಬಿತ್ತು. ಆದರೆ ಸ್ವತಃ ಅಮರ್ಸಿಂಗ್ ಅವರೇ “ನಾನಿನ್ನು ಬುದುಕಿದ್ದೇನೆ” ಎಂದು ಟ್ವೀಟ್ ಮಾಡಿದ್ದಾರೆ.
“ನಾನು ಸಿಂಗಾಪುರದಲ್ಲಿದ್ದು, ಕಿಡ್ನಿ ಸಮಸ್ಯೆಗೆ ಚಿಕಿತ್ಸೆ ಪಡೆಯಲು ಬಂದಿದ್ದೇನೆ. ಚಿಕಿತ್ಸೆಯ ರಿವಾಜುಗಳನ್ನೆಲ್ಲ ಮುಗಿಸಿ ಭಾರತಕ್ಕೆ ವಾಪಸ್ ಆಗುತ್ತೇನೆ” ಎಂದು ವಿಡಿಯೋ ಮಾಡಿ ಟ್ವೀಟರ್ನಲ್ಲಿ ಹಂಚಿಕೊಂಡಿದ್ದಾರೆ.
ಇದಕ್ಕೆ “ಟೈಗರ್ ಜಿಂದಾ ಹೈ” ಎಂಬ ಶೀರ್ಷಿಕೆ ನೀಡಲಾಗಿದ್ದು ನನ್ನ ಹಿತೈಷಿಗಳಿಗೆ ಮತ್ತು ನಾನು ಸಾಯ ಬಯಸುವವರಿಗೆ ತಿಳಿಸುವುದೇನೆಂದರೆ ನಾನು ಚಿಕಿತ್ಸೆ ಪಡೆಯುತ್ತಿದ್ದೇನೆ. ನಾನು ಹಿಂದಿರುಗುತ್ತೇನೆ ಎಂದಿದ್ದಾರೆ.
64 ವರ್ಷದ ಅಮರ್ ಸಿಂಗ್ ಅವರು ಮೃತಪಟ್ಟಿದ್ದಾರೆ ಎಂಬ ವದಂತಿ ಹಬ್ಬಿದ ಮರು ದಿನ ಈ ವಿಡಿಯೋವನ್ನು ಅವರು ಹಂಚಿಕೊಂಡಿದ್ದಾರೆ.
“ನನ್ನ ಕೆಲ ಸ್ನೇಹಿತರು ನಾನು ಯಮರಾಜನ ಬಳಿ ಹೋಗಿದ್ದೇನೆಂದು ಸುದ್ದಿ ಹಬ್ಬಿಸುತ್ತಿದ್ದಾರೆ. ಅದು ಸುಳ್ಳು. ನನ್ನಲ್ಲಿ ಇನ್ನೂ ಧೈರ್ಯ, ಉತ್ಸಾಹಗಳಿವೆ. ನನ್ನ ಚಿಕಿತ್ಸೆ ಮುಗಿದ ನಂತರ ಭವಾನಿದೇವಿಯ ಆಶೀರ್ವಾದದಿಂದ ಡಬಲ್ ಉತ್ಸಾಹದಲ್ಲಿ ವಾಪಸ್ ಬರುತ್ತೇನೆ” ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ. (ಏಜೆನ್ಸೀಸ್)
Tiger Zinda Hai!! pic.twitter.com/YWm3Sb0Yuw
— Amar Singh (@AmarSinghTweets) March 2, 2020