ಬಾಲಿವುಡ್ ನಟ ಟೈಗರ್ ಶ್ರಾಫ್ ಮತ್ತು ದಿಶಾ ಪಟಾನಿ ಮತ್ತೆ ಒಂದಾಗಿದ್ದಾರೆ. ಹಾಗಂತ ಬ್ರೇಕಪ್ ಮಾಡಿಕೊಂಡು ದೂರವಾಗಿದ್ದ ಮಾಜಿ ಪ್ರೇಮಿಗಳು ಮತ್ತೆ ಒಂದಾಗಿದ್ದಾರೆ ಅಂತಲ್ಲ. ಬದಲಾಗಿ ತೆರೆಯ ಮೇಲೆ ಒಂದಾಗಲಿದ್ದಾರೆ. ‘ಬಾಘಿ 2’ ಚಿತ್ರದಲ್ಲಿ ಟೈಗರ್ ಮತ್ತು ದಿಶಾ ಒಟ್ಟಿಗೆ ನಟಿಸಿದ್ದರು. ಆದರೆ, ಈ ಜೋಡಿ ಸಿನಿಮಾಗಿಂತ ಹೆಚ್ಚು ಸದ್ದು ಮಾಡಿದ್ದು, ತಮ್ಮ ಲವ್‌ಸ್ಟೋರಿಯಿಂದ.
ಇದನ್ನೂ ಓದಿ : ‘ಬಾಹುಬಲಿ 2’ ಕಥೆಯೊಳಗೆ ನಟ ನಿತಿನ್?; ‘ಎಕ್ಸ್ಟ್ರಾ ಆರ್ಡಿನರಿ ಮ್ಯಾನ್’ ಟೀಸರ್ನಲ್ಲಿ ಮಿಂಚಿದ ಶ್ರೀಲೀಲಾ
ಕೆಲ ವರ್ಷಗಳ ಕಾಲ ಪ್ರೀತಿಯಲ್ಲಿದ್ದ ಟೈಗರ್ ಮತ್ತು ದಿಶಾ, ಕಳೆದ ವರ್ಷ ದೂರವಾಗಿದ್ದರು. ಆದರೆ, ಆ ಬಗ್ಗೆ ಈ ಜೋಡಿ ಎಲ್ಲೂ ತುಟಿ ಪಿಟಕ್ ಅಂದಿರಲಿಲ್ಲ. ಇದೀಗ ‘ಮಿಷನ್ ಮಂಗಳ್’ ಖ್ಯಾತಿಯ ನಿರ್ದೇಶಕ ಜಗನ್ ಶಕ್ತಿ, ಆ್ಯಕ್ಷನ್-ಕಟ್ ಹೇಳುತ್ತಿರುವ ‘ಹೀರೋ ನಂಬರ್ 1’ ಸಿನಿಮಾದಲ್ಲಿ ಮತ್ತೆ ಒಂದಾಗಲಿದ್ದಾರೆ. ಈ ಚಿತ್ರದಲ್ಲಿ ಟೈಗರ್‌ಗೆ ಇಬ್ಬರು ನಾಯಕಿಯರಿದ್ದು, ಸಾರಾ ಅಲಿ ಖಾನ್ ಒಂದು ಪಾತ್ರಕ್ಕೆ ಆಯ್ಕೆಯಾಗಿದ್ದರು. ಆದರೆ, ಡೇಟ್ಸ್ ಹೊಂದಾಣಿಕೆಯಾಗದ ಕಾರಣ ಅವರು ಚಿತ್ರದಿಂದ ಹೊರನಡೆದಿದ್ದು, ಅವರ ಜಾಗಕ್ಕೆ ದಿಶಾ ಬಂದಿದ್ದಾರೆ. ಮತ್ತೊಬ್ಬ ನಾಯಕಿಯಾಗಿ ಪಶ್ಮೀನಾ ರೋಷನ್ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ : BBKS10: ಕಡೆಗೂ ಬಿಗ್‌ಬಾಸ್ ಮನೆಗೆ ಹಿಂತಿರುಗಿದ ವರ್ತೂರ್ ಸಂತೋಷ್‌!
ಗೋವಿಂದ ನಾಯಕನಾಗಿದ್ದ 1997ರ ಚಿತ್ರ ‘ಹೀರೋ ನಂಬರ್ 1’ಗೂ ಈ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ ಎನ್ನಲಾಗಿದೆ. 20204ರ ಜನವರಿಯಲ್ಲಿ ಈ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದೆ.
-ಏಜೆನ್ಸೀಸ್
