ನವದೆಹಲಿ: ನಾಯಿ ಎಂದರೆ ಸಾಮಾನ್ಯವಾಗಿ ಮನೆ ಕಾಯೋಕಂತಲೇ ಇರುತ್ತದೆ. ಆದರೆ ಇಲ್ಲೊಂದು ನಾಯಿ ಮನೆಯಾತ ಆಸ್ಪತ್ರೆಯಲ್ಲಿದ್ದಾಗಲೂ ಅಲ್ಲಿಯೂ ಆತ ಡಿಸ್ಚಾರ್ಜ್ ಆಗುವವರೆಗೂ ಬಾಗಿಲು ಕಾದಿದ್ದಲ್ಲದೆ, ಎಲ್ಲರ ಗಮನ ಸೆಳೆದು ಮೆಚ್ಚುಗೆಗೂ ಪಾತ್ರವಾಗಿದೆ.
ಮನೆ ಯಜಮಾನ ಮೆದುಳು ಸಂಬಂಧಿತ ಸಮಸ್ಯೆಯಿಂದಾಗಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಗೆ ಒಳಗಾಗಬೇಕಿತ್ತು. ಆಗ ಆ್ಯಂಬುಲೆನ್ಸ್ ಹಿಂದೆಯೇ ಬಂದಿದ್ದ ಸಾಕುನಾಯಿ ನಂತರ ಡಿಸ್ಚಾರ್ಜ್ ಆಗುವವರೆಗೂ ಪ್ರತಿದಿನ ಆಸ್ಪತ್ರೆಗೆ ಬಂದು ಯಜಮಾನನ ವಾರ್ಡ್ ಮುಂದೆ ಕಾಯುವ ಕೆಲಸವನ್ನು ಮಾಡಿತ್ತು.
ಅಂದಹಾಗೆ ಇಂಥದ್ದೊಂದು ಘಟನೆ ಟರ್ಕಿಯ ಟ್ರಬ್ಜನ್ ನಗರದಲ್ಲಿ ನಡೆದಿದೆ. 68 ವರ್ಷದ ಸೆಮೆಲ್ ಸೆಂಟರ್ಕ್ ಎಂಬಾತ ಇಲ್ಲಿನ ಆಸ್ಪತ್ರೆಯೊಂದಕ್ಕೆ ಜ. 14ರಂದು ದಾಖಲಾಗಿದ್ದರು. ಅವರ ನೆಚ್ಚಿನ ನಾಯಿ ಬೊನಕ್ ಅಂದು ಆ್ಯಂಬುಲೆನ್ಸನ್ನು ಹಿಂಬಾಲಿಸಿ ಆಸ್ಪತ್ರೆಯಲ್ಲಿ ಕಾವಲು ಆರಂಭಿಸಿತ್ತು. ಬಳಿಕ ದಿನಾ ಮುಂಜಾನೆ ಆಸ್ಪತ್ರೆಗೆ ಬಂದು ಅಲ್ಲೇ ಇರುತ್ತಿತ್ತು. ಈ ಮಧ್ಯೆ ಸೆಂಟರ್ಕ್ನ ಪುತ್ರಿ ಕೆಲವು ಸಲ ನಾಯಿಯನ್ನು ಮನೆಗೆ ಕರೆದುಕೊಂಡು ಬಂದಿದ್ದರೂ ಅದು ಮತ್ತೆ ತಪ್ಪಿಸಿಕೊಂಡು ಆಸ್ಪತ್ರೆಗೆ ಬಂದುಬಿಡುತ್ತಿತ್ತು.
ಇದನ್ನೂ ಓದಿ: ಮರ್ಡರ್ ಆದ ವೆಲ್ಡರ್: ರಾತ್ರಿ ಮನೆಯಲ್ಲೇ ಇದ್ದ, ಬೆಳಗ್ಗೆ ತೋಟದಲ್ಲಿ ಹೆಣವಾಗಿ ಬಿದ್ದಿದ್ದ..!
ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿ ಈ ವಾರದಲ್ಲಿ ಸೆಂಟರ್ಕ್ ಬಿಡುಗಡೆ ಆಗಿದ್ದು, ಆ ದಿನ ಮನೆಯಾತನೊಂದಿಗೆ ನಾಯಿ ಪ್ರೀತಿಯಿಂದ ವರ್ತಿಸಿದ್ದು ಅಲ್ಲಿದ್ದ ಜನರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಬಳಿಕ ಅವರ ವ್ಹೀಲ್ ಚೇರ್ ಜೊತೆಗೇ ಕುಪ್ಪಳಿಸುತ್ತ ಖುಷಿಯಿಂದ ಮನೆಗೆ ತೆರಳಿದೆ. ಈ ಕುರಿತ ವಿಡಿಯೋ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು ಹಲವರ ಗಮನ ಸೆಳೆಯಲಾರಂಭಿಸಿದೆ. (ಏಜೆನ್ಸೀಸ್)
ನೋಡಿ ಈ ನಾಯಿಯ ಪ್ರೀತಿ…
ವಿವರಗಳಿಗೆ https://t.co/YaFZZbZDD9 ನೋಡಿ pic.twitter.com/f2uW1XwCso— Vijayavani (@VVani4U) January 23, 2021
VIDEO| ಸೋರಿಕೆಯಾದ ಹಾಟ್ ವಿಡಿಯೋ ಬಗ್ಗೆ ಅನಿಕಾ ಸುರೇಂದ್ರನ್ ಬೇಸರ: ನಟಿಯ ಸ್ಪಷ್ಟನೆ ಹೀಗಿದೆ…