ನವದೆಹಲಿ: ಈ ಬಾಲಕಿ ಚಿಕ್ಕವಯಸ್ಸಿನಲ್ಲೇ ಬಹಳ ಎತ್ತರಕ್ಕೇರಿದ್ದಾಳೆ. ಹಾಗೆ ಎತ್ತರಕ್ಕೇರುವ ಮೂಲಕ ಏಷ್ಯಾದಲ್ಲಷ್ಟೇ ಅಲ್ಲ, ವಿಶ್ವದಲ್ಲೇ ದಾಖಲೆ ಮಾಡಿದ್ದಾಳೆ. ಹೀಗೊಂದು ಸಾಧನೆ ಮಾಡಿರುವ ಈ ಬಾಲಕಿಯ ಹೆಸರು ರಿತ್ವಿಕಾ ಶ್ರೀ.
ಒಂಬತ್ತು ವರ್ಷದ ಬಾಲಕಿ ಅದೆಂಥ ಸಾಧನೆಯ ಶಿಖರವನ್ನು ಏರಬಹುದು ಎಂದು ಯಾರಾದರೂ ಮೂಗು ಮುರಿಯಬಹುದು. ಆದರೆ ದೊಡ್ಡ ಶಿಖರವೊಂದನ್ನು ಏರಿರುವುದೇ ಈಗ ಈ ಬಾಲಕಿಯ ಸಾಧನೆ. ಆಫ್ರಿಕದಲ್ಲಿನ ಅತ್ಯಂತ ಎತ್ತರದ ಶಿಖರವೆಂದೇ ಪ್ರಖ್ಯಾತವಾಗಿರುವ, ತಾಂಜೇನಿಯಾದಲ್ಲಿನ ಮೌಂಟ್ ಕಿಲಿಮಂಜರೋವನ್ನು ಏರಿರುವ ಈ ಬಾಲಕಿ, ಆ ಮೂಲಕ ಜಾಗತಿಕವಾಗಿ ಗಮನ ಸೆಳೆದಿದ್ದಾಳೆ. ಏಕೆಂದರೆ ಹೀಗೆ ಈ ಶಿಖರವನ್ನು ಏರುವ ಮೂಲಕ ಮೌಂಟ್ ಕಿಲಿಮಂಜರೋವನ್ನು ಏರಿದ ಏಷ್ಯಾದ ಅತಿ ಕಿರಿಯ ಬಾಲಕಿ ಹಾಗೂ ಜಗತ್ತಿನ ಅತಿ ಕಿರಿಯ ಸಾಧಕಿ ಎಂಬ ಖ್ಯಾತಿಗೆ ಪಾತ್ರಳಾಗಿದ್ದಾಳೆ.
ಇದನ್ನೂ ಓದಿ: ಬೈಕ್ನಲ್ಲಿ ಹೋಗುವಾಗ ಪ್ರಿಯಕರನ ಬೆನ್ನಿಗೆ ಇರಿದ ಪ್ರೇಯಸಿ; ಬಿದ್ದರೂ ಬಿಡದೆ ಮತ್ತೆ ಮತ್ತೆ ಇರಿದು ಸಾಯಿಸಿದಳು!
ಆಂಧ್ರಪ್ರದೇಶದ ಈ ಬಾಲಕಿಗೆ ಇಂಥದ್ದೊಂದು ಸಾಧನೆ ಮಾಡಲು ಗೈಡ್ ಆಗಿದ್ದಿದ್ದು ಬೇರಾರೂ ಅಲ್ಲ, ಈಕೆಯ ತಂದೆ. ಮಗಳೊಂದಿಗೆ ತಂದೆ ಕೂಡ ಸಮುದ್ರ ಮಟ್ಟದಿಂದ 5,681 ಮೀಟರ್ ಎತ್ತರದಲ್ಲಿರುವ ಈ ಪರ್ವತವನ್ನು ಏರಿದ್ದಾರೆ. ರಿತ್ವಿಕಾಳ ತಂದೆ ಕ್ರಿಕೆಟ್ ಕೋಚ್ ಹಾಗೂ ಸ್ಪೋರ್ಟ್ಸ್ ಕೋ-ಆರ್ಡಿನೇಟರ್ ಆಗಿರುತ್ತಾರೆ. ಈಕೆ ತೆಲಂಗಾಣದ ಭೋಂಗಿರ್ನ ರಾಕ್ ಕ್ಲೈಂಬಿಂಗ್ ಸ್ಕೂಲ್ನಲ್ಲಿ ತರಬೇತಿ ಪಡೆದಿದ್ದು, ಲಡಾಖ್ನ ತರಬೇತಿಯಲ್ಲಿ ಲೆವೆಲ್ 2 ಸಾಧಿಸಿದ್ದಾಳೆ. ಕಿಲಿಮಂಜರೋವನ್ನು ಏರಿದ ಈಕೆಯ ಸಾಧನೆಯನ್ನು ಅನಂತಪುರದ ಡಿಸ್ಟ್ರಿಕ್ಟ್ ಮ್ಯಾಜಿಸ್ಟ್ರೇಟ್ ಗಂಧಮ್ ಚಂದ್ರುಡು ಟ್ವೀಟ್ ಮೂಲಕ ಅಭಿನಂದಿಸಿದ್ದಾರೆ. (ಏಜೆನ್ಸೀಸ್)
Congratulations to Ritwika Sree of Ananthapur for becoming the world’s second youngest& Asia’s youngest girl to scale Mt Kilimanjaro. You have grabbed the opportunities despite many odds.Keep inspiring@ysjagan #APGovtSupports#AndhraPradeshCM#PowerofGirlChild pic.twitter.com/Xu8LZw8OVz
— Gandham Chandrudu IAS (@ChandruduIAS) February 28, 2021
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಬೆತ್ತಲೆ ಪೂಜೆ ಮಾಡಿದ್ರೆ 50 ಕೋಟಿ ರೂ. ಮಳೆಯಂತೆ ಸುರಿಯುತ್ತೆ: ಅಪ್ರಾಪ್ತೆ ಬೆನ್ನು ಬಿದ್ದವರ ಕತೆ ಏನಾಯ್ತು?
ಕರೊನಾ ಲಸಿಕೆ ನನಗೇಕ್ರಿ? ಎಂದ ಮಲ್ಲಿಕಾರ್ಜುನ ಖರ್ಗೆ, ಬೇಡ ಎನ್ನಲು ಅವರು ನೀಡಿದ ಕಾರಣ!