ಒಂದು ಮನೆಗೆ ನುಗ್ಗಿದ ಕಳ್ಳರು, ಅಲ್ಲಿ ಮಟನ್ ಮತ್ತು ಅನ್ನ ತಯಾರಿಸಿ ಭರ್ಜರಿಯಾಗಿ ಊಟ ಮಾಡಿ, ನಂತರ ಮನೆಯಲ್ಲಿದ್ದ 50,000 ರೂ.ನಗದು ಮತ್ತು ಅಪಾರ ಪ್ರಮಾಣದ ಚಿನ್ನಾಭರಣವನ್ನು ಕದ್ದಿದ್ದಾರೆ.
ಇಂಥದ್ದೊಂದು ವಿಚಿತ್ರ ಘಟನೆ ನಡೆದಿದ್ದು ಜಾರ್ಖಂಡದ ಜೆಮ್ಶೆಡ್ಪುರದಲ್ಲಿ. ಹಲುದ್ಬೋನಿ ಏರಿಯಾದಲ್ಲಿರುವ ಕೊವಿಡ್-19 ರೋಗಿಯೊಬ್ಬರ ಮನೆಗೆ ನುಗ್ಗಿದ ಕಳ್ಳರು ಈ ಕೃತ್ಯ ಎಸಗಿದ್ದಾರೆ. ಬಾಗಿಲನ್ನು ಒಡೆದು ಮನೆಯೊಳಗೆ ಹೋಗಿ, ಮಟನ್, ಚಪಾತಿ, ಅನ್ನ ತಯಾರಿಸಿಕೊಂಡು, ಹೊಟ್ಟೆತುಂಬ ತಿಂದಿದ್ದಾರೆ. ಬಳಿಕ ಮನೆಯಲ್ಲಿದ್ದ ಹಣ, ಚಿನ್ನಾಭರಣಗಳನ್ನೆಲ್ಲ ದೋಚಿ ಪರಾರಿಯಾಗಿದ್ದಾರೆ. ಇದನ್ನೂ ಓದಿ: ಸೆಪ್ಟಂಬರ್ನಲ್ಲಿ ಶುರುವಾಗುತ್ತಾ ಶಾಲೆ; ಸಚಿವ ಸುರೇಶ್ಕುಮಾರ್ ಹೇಳಿದ್ದೇನು?
ಕೊವಿಡ್-19 ಸೋಂಕಿಗೆ ಒಳಗಾಗಿದ್ದ ಮನೆಯ ಮಾಲೀಕ ಚಿಕಿತ್ಸೆಗಾಗಿ ಟಾಟಾ ಮೇನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಅಡ್ಮಿಟ್ ಆಗಿದ್ದರು. ಆ ಮನೆ ಸುತ್ತಲೂ ಸೀಲ್ಡೌನ್ ಆಗಿದ್ದರಿಂದ ಪೊಲೀಸ್ ಪೇದೆಗಳನ್ನು ನಿಯೋಜಿಸಲಾಗಿತ್ತು. ಇಡೀ ಏರಿಯಾವನ್ನು ಕಂಟೇನ್ಮೆಂಟ್ ಝೋನ್ ಎಂದು ಘೋಷಿಸಲಾಗಿತ್ತು. ಅದೆಲ್ಲವನ್ನೂ ಮೀರಿ ಮನೆಗೆ ನುಗ್ಗಿದ ಕಳ್ಳರು, ಹರಿತ ಆಯುಧಗಳನ್ನು ಉಪಯೋಗಿಸಿ ಮನೆಯ ಬೀಗ ಒಡೆದಿದ್ದಾರೆ ಎಂದು ಸ್ಥಳೀಯ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ಪ್ರಕರಣ ದಾಖಲು ಮಾಡಿಕೊಂಡಿರುವ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. (ಏಜೆನ್ಸೀಸ್)
ಗೋವಾದ ಖಾಸಗಿ ಆಸ್ಪತ್ರೆಯಲ್ಲಿ ನಾಳೆಯಿಂದ ‘ಕೊವಾಕ್ಸಿನ್’ ಲಸಿಕೆ ಮಾನವರ ಮೇಲಿನ ಪ್ರಯೋಗ ಪ್ರಾರಂಭ