ಮೈಸೂರು: ಸರ ಕಳ್ಳರಿಗೆ ಪಾದಚಾರಿ ಮಹಿಳೆಯರೇ ಟಾರ್ಗೆಟ್. ಹಾದಿ-ಬೀದೀಲಿ ಹೊಂಚು ಹಾಕುವ ದುಷ್ಕರ್ಮಿಗಳು ಒಂಟಿ ಮಹಿಳೆಯನ್ನು ಕಂಡ ಕೂಡಲೇ ತಾವೂ ದಾರಿಹೋಕರಂತೆ ಅವರನ್ನೇ ಹಿಂಬಾಲಿಸುತ್ತಾರೆ. ಅತ್ತಿರ ಬರುತ್ತಿದ್ದಂತೆ ಮಹಿಳೆಯ ಕುತ್ತಿಗೆಗೆ ಕೈ ಹಾಕಿ ಕ್ಷಣಾರ್ಧದಲ್ಲೇ ಸರ ಕಸಿದುಕೊಂಡು ಪರಾರಿಯಾಗ್ತಾರೆ.
ಇದೀಗ 70 ವರ್ಷದ ವೃದ್ಧೆಯ ಚಿನ್ನದ ಸರವನ್ನು ಕಳ್ಳರು ಕಸಿದುಕೊಂಡಿದ್ದು, ಆ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮೈಸೂರಿನ ಸೋಮನಾಥಪುರದಲ್ಲಿ 70 ವರ್ಷದ ವೃದ್ಧೆ ಶಾಂತಮ್ಮ ವಾಕಿಂಗ್ ಮಾಡುತ್ತಿದ್ದ ವೇಳೆ ಯುವಕನೊಬ್ಬ ಅವರನ್ನೇ ಹಿಂಬಾಲಿಸಿಕೊಂಡು ಬಂದು ಸರ ಕಸಿದುಕೊಂಡು ಎಸ್ಕೇಪ್ ಆಗಿದ್ದಾನೆ.
ಇದನ್ನೂ ಓದಿರಿಲೇಡಿ ತಹಸೀಲ್ದಾರ್ಗೆ ಯುವಕರ ಅವಾಜ್! ವಿಡಿಯೋ ವೈರಲ್
ತನ್ನ ಕೊರಳಿಗೆ ಕೈ ಹಾಕಿ ಸರ ಕಸಿದುಕೊಂಡ ದುಷ್ಕರ್ಮಿಯನ್ನು ಹಿಡಿಯಲು ವೃದ್ಧೆ ಶಾಂತಮ್ಮ ಯತ್ನಿಸಿದರೂ ಸಾಧ್ಯವಾಗಿಲ್ಲ. ಕ್ಷಣಾರ್ಧದಲ್ಲೇ ಅಲ್ಲಿಗೆ ಮತ್ತೊಬ್ಬ ಬೈಕ್‌ನಲ್ಲಿ ಬಂದಿದ್ದಾನೆ. ಸರಗಳ್ಳ ಬೈಕ್ ಹತ್ತಿ ಪರಾರಿಯಾಗಿದ್ದಾನೆ. ಈ ಎಲ್ಲ ದೃಶ್ಯವೂ ಘಟನೆ ನಡೆದ ಸ್ಥಳದಲ್ಲಿ ಮನೆಯೊಂದರ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ಸಂಬಂಧ ಜಯಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ವೃದ್ಧೆಯ ಚಿನ್ನದ ಸರ ಕಸಿದುಕೊಂಡ ಕಳ್ಳ ಎಸ್ಕೇಪ್ !
ವೃದ್ಧೆಯ ಚಿನ್ನದ ಸರ ಕಸಿದುಕೊಂಡ ಕಳ್ಳ ಎಸ್ಕೇಪ್ ! ವಾಕಿಂಗ್ ಮಾಡುತ್ತಿದ್ದ ವೃದ್ಧೆ ಶಾಂತಮ್ಮರನ್ನು ಹಿಂಬಾಲಿಸಿಕೊಂಡು ಬಂದ ದುಷ್ಕರ್ಮಿಯೊಬ್ಬ ಅವರ ಕತ್ತಿನಲ್ಲಿದ್ದ 50 ಗ್ರಾಂ ಚಿನ್ನದ ಸರವನ್ನು ಕಸಿದುಕೊಂಡು ಪರಾರಿಯಾಗುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮೈಸೂರಿನ ಸೋಮನಾಥಪುರದಲ್ಲಿ ಈ ಘಟನೆ ಸಂಭವಿಸಿದೆ. #GoldChainThief #CCCamera #Mysore
Posted by Vijayavani on Monday, August 24, 2020
ದೇವರಿಗೆ ಕೈಮುಗಿಯುತ್ತಿದ್ದಾಗಲೇ ವ್ಯಕ್ತಿಯ ಕುತ್ತಿಗೆ ಕೊಯ್ದು ಬರ್ಬರ ಹತ್ಯೆ!