ಸೊಮಾಲಿಯಾ: ಹೋಟೆಲ್ವೊಂದರಲ್ಲಿ ನಡೆದ ಗುಂಡಿನ ದಾಳಿಯಿಂದಾಗಿ ಕನಿಷ್ಠ 20 ಮಂದಿ ಸಾವಿಗೀಡಾಗಿದ್ದು, ಸುಮಾರು 40 ಜನರು ಗಾಯಗೊಂಡಿದ್ದಾರೆ. ಸೊಮಾಲಿಯಾದ ರಾಜಧಾನಿ ಮೊಗಡಿಶುವಲ್ಲಿನ ಹಯಾತ್ ಹೋಟೆಲ್ನಲ್ಲಿ ಈ ಗುಂಡಿನ ಚಕಮಕಿ ನಡೆದಿದೆ.
ಶುಕ್ರವಾರ ತಡರಾತ್ರಿ ಈ ಗುಂಡಿನ ದಾಳಿ ನಡೆದಿದೆ. ಶಸ್ತ್ರಧಾರಿಗಳು ಹೋಟೆಲ್ಗೆ ಪ್ರವೇಶಿಸುವ ಮೊದಲು ಹೋಟೆಲ್ ಮುಂಭಾಗದಲ್ಲಿ ಸ್ಫೋಟ ಕೂಡ ಸಂಭವಿಸಿತ್ತು. ನಿನ್ನೆ ರಾತ್ರಿಯೇ ಈ ದಾಳಿ ನಡೆದಿದ್ದರೂ ಅಲ್ಲಿನ ಭದ್ರತಾ ಪಡೆ ಹೋಟೆಲನ್ನು ಸಂಪೂರ್ಣ ಸುಪರ್ದಿಗೆ ಪಡೆಯಲು ಇನ್ನೂ ಪೂರ್ತಿಯಾಗಿ ಯಶಸ್ವಿಯಾಗಿಲ್ಲ. ಶಸ್ತ್ರಸಜ್ಜಿತ ವ್ಯಕ್ತಿಯೊಬ್ಬ ಹೋಟೆಲ್ನ ಕೊನೆಯ ಮಹಡಿಯಲ್ಲಿ ಇದ್ದಿದ್ದರಿಂದ ಇಂದು ಕೂಡ ಗುಂಡಿನ ಮೊರೆತ ಕೇಳಿಸಿದೆ.
ತೀವ್ರಗಾಮಿ ಸಂಘಟನೆ ಅಲ್-ಶಬಾಬ್ ಈ ದಾಳಿಗೆ ಕಾರಣವೆಂದು ಘೋಷಿಸಿಕೊಂಡಿದೆ. ಈ ಸಂಘಟನೆ ಅಲ್-ಖೈದ ಜತೆ ಸಂಪರ್ಕವನ್ನು ಹೊಂದಿದೆ. ಮೇ ತಿಂಗಳಲ್ಲಿ ಇಲ್ಲಿ ಹಸನ್ ಶೇಖ್ ಮೊಹಮದ್ ಅಧಿಕಾರಕ್ಕೆ ಬಂದ ಬಳಿಕ ನಡೆದ ಅತಿದೊಡ್ಡ ಭಯೋತ್ಪಾದಕ ದಾಳಿ ಇದಾಗಿದೆ.
ವಿಚಾರಣೆಗಾಗಿ ಕೋರ್ಟ್ಗೆಂದು ಬಂದಿದ್ದ ಪಾತಕಿ ಪ್ರೇಯಸಿ ಜತೆ ಸರಸಕ್ಕಿಳಿದ!; ಲಾಡ್ಜ್ ಮೇಲೆ ಪೊಲೀಸರ ದಾಳಿ..
ಮದ್ಯಪಾನ-ಧೂಮಪಾನ ಪ್ರಿಯರಿಗಿದು ಆಘಾತಕಾರಿ ಸುದ್ದಿ; ಸಮೀಕ್ಷೆಯೊಂದು ಹೊರಗೆಡಹಿದೆ ಭೀಕರ ಸಂಗತಿ..