ವಾಷಿಂಗ್ಟನ್: ಅಮೆರಿಕದ ವಾಷಿಂಗ್ಟನ್ ಸ್ಟೇಟ್ನ ಕಡಲ ಕಿನಾರೆಯ ಸಣ್ಣ ಬಂಡೆಗಳ ನಡುವೆ ಬಿದ್ದಿದ್ದ ದೊಡ್ಡದಾದ ಸೂಟ್ಕೇಸ್ ಅನ್ನು ನೋಡಿದ ಯುವತಿಯರಿಬ್ಬರು ಅದನ್ನು ತೆರೆಯಲು ಮುಂದಾಗಿ, ತಡವಾಗಿ ಅದರಲ್ಲಿದ್ದ ವಸ್ತುವಿನ ಬಗ್ಗೆ ತಿಳಿದು ಬೆಚ್ಚಿಬಿದ್ದಿರುವ ಘಟನೆ ನಡೆದಿದೆ. ಇದಕ್ಕೆ ಸಂಬಂಧಿಸಿದ ಟಿಕ್ಟಾಕ್ ವಿಡಿಯೋ ಸಹ ವೈರಲ್ ಆಗಿದೆ.
ವಾಷಿಂಗ್ಟನ್ನ ದುವಾಮಿಶ್ ಹೆಡ್ ಪಶ್ಚಿಮ ಸಿಯಾಟಲ್‌ನ ಉತ್ತರ ಭಾಗದಲ್ಲಿ ಶುಕ್ರವಾರ ಈ ಘಟನೆ ನಡೆದಿದ್ದು, ಇಬ್ಬರು ಯುವತಿಯರು ಸೂಟ್ಕೇಸ್ ಕಂಡ ಬೆನ್ನಲ್ಲೇ ತೆರಯಲು ಯತ್ನಿಸಿ, ಅದರಿಂದ ಬಂದ ದುರ್ವಾಸನೆ ಕಂಡು ಅಧಿಕಾರಿಗಳಿಗೆ ಮಾಹಿತಿ ಮುಟ್ಟಿಸುತ್ತಾರೆ. ಇದನ್ನೂ ಓದಿ: ಕರೊನಾಗೆ ಹೆದರಿ ಬಸ್ನಲ್ಲೇ ನೇಣುಬಿಗಿದುಕೊಂಡು ಪೊಲೀಸ್ ಕಾನ್ಸ್ಟೇಬಲ್ ಆತ್ಮಹತ್ಯೆ
ಮೊದಲು ಈ ಬಗ್ಗೆ ಮಾತನಾಡಿರುವ ಯುವತಿಯರು ನಾವು ಕಪ್ಪು ಸೂಟ್ಕೇಸ್ ಅನ್ನು ನೋಡಿದೆವು. ಅದರಲ್ಲಿ ಹಣ ಇರಬಹುದು, ನಮ್ಮ ಭವಿಷ್ಯವೇ ಬದಲಾಗುಬಹುದು ಎಂದು ಜೋಕ್ಸ್ ಮಾಡುತ್ತಿದ್ದೆವು. ಆದರೆ, ಅದರಿಂದ ಹೊರಬರುತ್ತಿದ್ದ ವಾಸನೆ ತುಂಬಾ ಕೆಟ್ಟದಾಗಿತ್ತು ಎಂದಿದ್ದಾರೆ. ಅಲ್ಲದೆ, ಬಹುಶಃ ಸ್ಯಾನಿಟೈಸರ್ ಇರಬಹುದು ಎಂದು ತಿಳಿದುಕೊಂಡಿದ್ದರಂತೆ.
ಸ್ಥಳೀಯ ಪೊಲೀಸರು ಘಟನೆ ಬಗ್ಗೆ ಮಾತನಾಡಿ, ಅನುಮಾನಸ್ಪಾದ ಬ್ಯಾಗ್ ಇದೆ ಎಂಬ ವಿಚಾರ ದೂರವಾಣಿ ಕರೆ ಮೂಲಕ ತಿಳಿದು ಸ್ಥಳಕ್ಕೆ ಧಾವಿಸಿದೆವು. ಈ ವೇಳೆ ಸಮುದ್ರದ ತಟದದಲ್ಲಿ ಬ್ಯಾಗ್ ಒಂದು ಪತ್ತೆಯಾಯಿತು. ಅದನ್ನು ತೆರೆದು ನೋಡಿದಾಗ ಅದರಲ್ಲಿ ಮಾನವನ ಅವಶೇಷಗಳು ಇರುವುದು ಪತ್ತೆಯಾಯಿತು ಎಂದು ತಿಳಿಸಿದ್ದಾರೆ.
ಅವಶೇಷಗಳನ್ನು ಪಶ್ಚಿಮ ಸಿಯಾಟಲ್‌ನ ಕಿಂಗ್ ಕೌಂಟಿ ಮೆಡಿಕಲ್ ಪರೀಕ್ಷಕರ ಕಚೇರಿಗೆ ಕೊಂಡೊಯ್ಯಲಾಯಿತು. ಸದ್ಯ ಪರೀಕ್ಷಕರು ಮಾನವನ ಅವಶೇಷಗಳು ಯಾರದು ಹಾಗೂ ಸಾವಿಗೆ ಕಾರಣ ಏನೆಂಬದನ್ನು ಪತ್ತೆಹಚ್ಚುತ್ತಿದ್ದಾರೆ ಎಂದು ಪೊಲೀಸರು ಹೇಳಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ. ಇದನ್ನೂ ಓದಿ: ಸಚಿವ ಸುಧಾಕರ್ ತಂದೆಗೆ ಕರೊನಾ ಸೋಂಕು ಬೆನ್ನಲ್ಲೇ ಪತ್ನಿ, ಮಗಳಿಗೂ ಮಹಾಮಾರಿ ಕಂಟಕ
ಸೂಟ್ಕೇಸ್ನಲ್ಲಿ ಮಾನವನ ಅವಶೇಷಗಳಿದ್ದವು ಎಂಬುದನ್ನು ತಡವಾಗಿ ತಿಳಿದ ಯುವತಿಯರು ಅಕ್ಷರಶಃ ಬೆಚ್ಚಿಬಿದ್ದಿದ್ದಾರೆ. ಸೂಟ್ಕೇಸ್ನಲ್ಲಿ ಹಣವಿರಬಹುದು, ನಮ್ಮ ಭವಿಷ್ಯವೇ ಬದಲಾಗಬಹುದು ಅಂದುಕೊಂಡಿದ್ದ ಯುವತಿಯರಿಗೆ ನಿಜ ಮಾಹಿತಿ ತಿಳಿದು ಶಾಕ್ಗೆ ಒಳಗಾಗಿದ್ದಾರೆ. ಇತ್ತ ಸೂಟ್ಕೇಸ್ ಪತ್ತೆಯಾದ ವಿಡಿಯೋವನ್ನು ಟಿಕ್ಟಾಕ್ನಲ್ಲಿ ಪೋಸ್ಟ್ ಮಾಡಿದ್ದು ಭಾರಿ ವೈರಲ್ ಆಗಿದೆ. (ಏಜೆನ್ಸೀಸ್)
@ughhenrySomething traumatic happened that changed my life checkkkk 😐🥺 @natthecvt ##fyp ##viral ##crime ##murder ##randonautica ##randonauting ##scary ##washington♬ Creepy, scary, horror, synth, tension – Sound Production Gin