ಪ್ರತಿ ಶುಕ್ರವಾರ ಲಸಿಕೆ ಕಾರ್ಯಕ್ರಮ

ತಾವರಗೇರಾ: ಪಟ್ಟಣದ ಜಮಾತ್-ಎ-ಇಸ್ಲಾಮಿ ಹಿಂದ್ ಘಟಕದಿಂದ ಮಸೀದ್-ಏ-ಅಕ್ಸಾದಲ್ಲಿ ಶನಿವಾರ ಕೋವಿಡ್-19 ಲಸಿಕೆ ಅಭಿಯಾನ ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ಸಂಘಟನೆ ಅಧ್ಯಕ್ಷ ಮೈನುದ್ದೀನ್ ಮನಿಯಾರ್ ಮಾತನಾಡಿ, ಮಹಾಮಾರಿ ಕರೊನಾ ಹಿಮ್ಮೆಟ್ಟಿಸಲು ಎಲ್ಲರೂ ಲಸಿಕೆ ಹಾಕಿಕೊಳ್ಳಬೇಕು. ಪ್ರತಿ ಶುಕ್ರವಾರ ಮಸೀದ್-ಎ-ಅಕ್ಸಾದ ಆವರಣದಲ್ಲಿ ಮಧ್ಯಾಹ್ನ 2ರಿಂದ 4ರವರೆಗೆ ಲಸಿಕೆ ಹಾಕಲಾಗುವುದು. ಜನರು ಆಧಾರ್ ಕಾರ್ಡ್ ಜತೆಗೆ ಬರಬೇಮಕು ಎಂದರು. ಸಮುದಾಯ ಆರೋಗ್ಯ ಕೇಂದ್ರದ ಆನಂದ, ಸಂಘಟನೆಯ ಅಮೀನ್ ಸಾಬ, ಮುಜಾಹಿದ್ ಪಾಷಾ, ಮಹಿಬೂಬ್ ಬಂದಗಿ, ರಫಿವುಲ್ಲಾ ಹಾಫೀಜ್, ಸಲಿಂ ಮನಿಯಾರ, ಎಂ.ಡಿ.ರಫೀ ಇದ್ದರು.