ನವದೆಹಲಿ: ಏಕದಿನ ಮಾದರಿಯ ಪಂದ್ಯದ ಇತಿಹಾಸದಲ್ಲೇ ತಮಿಳುನಾಡು (Tamil Nadu) ಕ್ರಿಕೆಟ್ (Cricket) ತಂಡ ಹೊಸ ಇತಿಹಾಸ ಬರೆದಿದೆ. ಐವತ್ತು ಓವರ್‌ಗಳ ಪಂದ್ಯ (One Day Match)ದಲ್ಲಿ 500 ರನ್ ಗಳಿಸಿದ ವಿಶ್ವದ ಮೊದಲ ವೃತ್ತಿಪರ ತಂಡವೆಂಬ ಹೆಗ್ಗಳಿಕೆ ಪಾತ್ರವಾಗಿದೆ.
ಅರುಣಾಚಲ ಪ್ರದೇಶ (Arunachal Pradesh)ದ ವಿರುದ್ಧ ಇಂದು ನಡೆದ ವಿಜಯ್ ಹಜಾರೆ ಟ್ರೋಫಿ (Vijay Hazare Trophy) ಟೂರ್ನಿಯ ಪಂದ್ಯದಲ್ಲಿ ತಮಿಳುನಾಡು ತಂಡ ಐತಿಹಾಸಿಕ ಸಾಧನೆ ಮಾಡಿದೆ. ಮೊದಲು ಬ್ಯಾಟಿಂಗ್ ಮಾಡಿದ ತಮಿಳುನಾಡು ತಂಡ ಎರಡು ವಿಕೆಟ್ ನಷ್ಟಕ್ಕೆ 506 ರನ್ ಗಳಿಸಿತು. ಆರಂಭಿಕ ಆಟಗಾರ ಬಿ ಸಾಯಿ ಸುದರ್ಶನ್ (Sai Sudharsan) 2 ಸಿಕ್ಟರ್ ಮತ್ತು 19 ಬೌಂಡರಿಯನ್ನೊಳಂಡ 102 ಎಸೆತಗಳಲ್ಲಿ 154 ರನ್ ಕಲೆಹಾಕಿದರು.
ಇನ್ನೊಬ್ಬ ಆರಂಭಿಕ ಆಟಗಾರ ಎನ್. ಜಗದೀಶನ್ (N Jagadeesan) 141 ಎಸೆತಗಳಲ್ಲಿ 15 ಸಿಕ್ಸರ್ ಮತ್ತು 25 ಬೌಂಡರಿ ಒಳಗೊಂಡಂತೆ ಬರೋಬ್ಬರಿ 277 ರನ್ ಕಲೆ ಹಾಕಿದರು. ಉಳಿದ ಇಬ್ಬರು ಬ್ಯಾಟ್ಸ್ಮನ್ಗಳಾದ ಬಿ. ಅಪರಾಜಿತ್ ಮತ್ತು ಬಿ. ಇಂದ್ರಜಿತ್ ತಲಾ 31 ರನ್ ಕಲೆಹಾಕಿದರು.
ತಮಿಳುನಾಡು ತಂಡದ ಆರಂಭಿಕ ಆಟಗಾರರ ಅಬ್ಬರದ ಬ್ಯಾಟಿಂಗ್ಗೆ ಅರುಣಾಚಲ ಪ್ರದೇಶ ತಂಡ ಬಳಲಿ ಬೆಂಡಾಯಿತು. ವಿಕೆಟ್ ಬೀಳಿಸುವಲ್ಲಿ ಸಂಪೂರ್ಣ ವಿಫಲವಾಯಿತು. 8 ಬೌಲರ್ಗಳನ್ನು ಬದಲಾಯಿಸಿದರು ತಮಿಳುನಾಡು ತಂಡದ ಆರಂಭಿಕ ಜೋಡಿಯ ವಿಕೆಟ್ ಮುರಿಯುವಲ್ಲಿ ಸೋತರು. ಇದೀಗ ಅರುಣಾಚಲ ಪ್ರದೇಶ ತಂಡ ಗೆಲುವಿಗಾಗಿ 507 ರನ್ಗಳ ಬೃಹತ್ ಗುರಿ ಬೆನ್ನತ್ತ ಬೇಕಾಗಿದೆ. ಪ್ರತಿ ಓವರ್ಗೆ 10 ರನ್ ಗಳಿಸಲೇಬೇಕಿದೆ.
ಅಂದಹಾಗೆ ಈ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣ (M Chinnaswamy Stadium) ದಲ್ಲಿ ನಡೆಯುತ್ತಿದೆ. 500 ರನ್ ಗಡಿದಾಟಿ ವಿಶ್ವದ ಮೊದಲ ತಂಡ ಎಂಬ ಖ್ಯಾತಿಗೆ ತಮಿಳುನಾಡು ತಂಡ ಭಾಜನವಾಗಿದೆ. ಸದ್ಯ ಇದುವರೆಗಿನ ಅತ್ಯಧಿಕ ರನ್ 498 ಆಗಿತ್ತು. 2022ರಲ್ಲೇ ಇಂಗ್ಲೆಂಡ್ ತಂಡ ನೆದರ್ಲೆಂಡ್ ವಿರುದ್ಧ 498 ರನ್ ಗಳಿಸಿತ್ತು. 2007ರಲ್ಲಿ ಸರ್ರೆ ತಂಡ ಗ್ಲೌಸೆಸ್ಟರ್‌ಶೈರ್ ವಿರುದ್ಧ 496 ರನ್ ಕಲೆ ಹಾಕಿತ್ತು. 2018ರಲ್ಲಿ ಇಂಗ್ಲೆಂಡ್ ಆಸ್ಟ್ರೇಲಿಯಾ ವಿರುದ್ಧ 481 ರನ್ ಕಲೆಹಾಕಿತ್ತು. 2018ರಲ್ಲೇ ಭಾರತ ಲೀಸೆಸ್ಟರ್‌ಶೈರ್ ವಿರುದ್ಧ 458 ರನ್ ಗಳಿಸಿತ್ತು. ಇದೀಗ ಮೊದಲ ಬಾರಿಗೆ ಏಕದಿನ ಪಂದ್ಯದಲ್ಲಿ 500 ರನ್ ಗಡಿ ದಾಟಿದ ತಂಡವೆಂಬ ಹೆಗ್ಗಳಿಕೆಯನ್ನು ತಮಿಳುನಾಡು ತಂಡ ಪಡೆದುಕೊಂಡಿದೆ. (ಏಜೆನ್ಸೀಸ್)
ಕಣ್ಣಿಗೊಂದು ಸವಾಲು: ಸಾಧ್ಯವಾದ್ರೆ 10 ಸೆಕೆಂಡ್ನಲ್ಲಿ ಈ ಫೋಟೋದಲ್ಲಿರುವ ಬೆಕ್ಕನ್ನು ಗುರುತಿಸಿ…
ಎಲ್ಲವನ್ನೂ ಬೇರೆಯವರೇ ಮಾಡ್ತಾರೆ; ಕಲಾವಿದರಿಗೆ ಹೆಚ್ಚು ಕೆಲಸವಿಲ್ಲ ಎಂದ ಪ್ರಿಯಾಂಕಾ ಚೋಪ್ರಾ