ಮುಂಬೈ: ನಟಿ ತಾಪ್ಸಿ ಪನ್ನುಗೆ ಬಾಯ್ಫ್ರೆಂಡ್ ಇರುವ ವಿಚಾರ ಎಲ್ಲರಿಗೂ ಗೊತ್ತಿರುವುದೇ. ಮಾಜಿ ಬ್ಯಾಡ್ಮಿಂಟನ್ ಆಟಗಾರ ಮಥಿಯಾಸ್ ಬೋ ಜತೆ ಕೆಲ ಕಾಲದಿಂದ ಡೇಟ್ ಮಾಡುತ್ತಿರುವ ನಟಿ ಇಂದು ತನ್ನ ಬಾಯ್ಫ್ರೆಂಡ್ನ 41ನೇ ಜನ್ಮದಿನವನ್ನು ಆಚರಿಸಿದ್ದಾರೆ.
ಸ್ವತಃ ಮಥಿಯಾಸ್ ಅವರೇ ತಮ್ಮ ಬರ್ತ್ಡೇ ಪೋಸ್ಟ್ ಹಾಕಿದ್ದಾರೆ. ಅತ್ಯಂತ ಸರಳವಾಗಿ ಲಂಚ್ ಪಾರ್ಟಿ ಮಾಡಿರುವುದು ಕಂಡುಬಂದಿದೆ. ಅದರಲ್ಲಿ ತಾಪ್ಸಿ ಪನ್ನು ಮತ್ತು ಆಕೆಯ ತಂಗಿಯೂ ಭಾಗವಹಿಸಿರುವನ್ನು ನೀವು ಫೋಟೋದಲ್ಲಿ ಗಮನಿಸಬಹುದು. ಸ್ಟ್ರಿಪ್ಸ್ ಇರುವ ಡ್ರೆಸ್ ಅನ್ನು ತಾಪ್ಸಿ ಹಾಕಿದ್ದಾರೆ, ಮಥಿಯಾಸ್ ಕ್ಯಾಶುಯಲ್ ಶರ್ಟ್ ಹಾಕಿಕೊಂಡಿದ್ದಾರೆ. ಬರ್ತ್ ಡೇ ಲಂಚ್ ಇನ್ ದಿ ಬೆಸ್ಟ್ ಕಂಪನಿ ಎನ್ನುವ ಕ್ಯಾಪ್ಶನ್ ಕೊಟ್ಟು ಫೋಟೋ ಹಂಚಿಕೊಂಡಿದ್ದಾರೆ. ತಾಪ್ಸಿ ಅವರು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಸ್ಟೇಟಸ್ ಮೂಲಕ ಮಥಿಯಾಸ್ಗೆ ಶುಭ ಕೋರಿದ್ದಾರೆ.
ತಾಪ್ಸಿ ಮತ್ತು ಮಥಿಯಾಸ್ ಡೇಟ್ ಮಾಡುತ್ತಿರುವ ವಿಚಾರ 2020ರ ಅಕ್ಟೋಬರ್ನಲ್ಲಿ ಬಯಲಾಗಿತ್ತು. ಅವರಿಬ್ಬರು ಮಾಲ್ಡೀವ್ಸ್ನಲ್ಲಿ ಹಾಲಿಡೇ ಎಂಜಾಯ್ ಮಾಡುತ್ತಿರುವ ಫೋಟೋವನ್ನು ಮಥಿಯಾಸ್ ಹಂಚಿಕೊಂಡಿದ್ದರು. ಅದಕ್ಕೂ ಮೊದಲು ಆಗಸ್ಟ್ನಲ್ಲಿ ತಾಪ್ಸಿ ಬರ್ತ್ ಡೇ ದಿನ ತಾವಿಬ್ಬರು ಜತೆಗಿರುವ ಫೋಟೋ ಹಂಚಿಕೊಂಡಿದ್ದ ಅವರು ಗರ್ಲ್ಫ್ರೆಂಡ್ಗೆ ಶುಭ ಹಾರೈಸಿದ್ದರು. (ಏಜೆನ್ಸೀಸ್)
ಹೇರ್ವಾಶ್ ಮಾಡಿಸಿಕೊಳ್ಳುವಾಗ ಮಾತಾಡ್ತೀರಾ? ಹಾಗಾದರೆ ಒಮ್ಮೆ ಈ ವಿಡಿಯೋ ನೋಡಿ..
ಉತ್ತರಾಖಂಡದಲ್ಲೂ ಉಚಿತ ವಿದ್ಯುತ್ ಭರವಸೆ ನೀಡಿದ ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್