ಲಖನೌ: ನಿಜವಾದ ಪ್ರೀತಿಯು ಜಾತಿ, ಧರ್ಮ, ಬಣ್ಣ, ಭಾಷೆ ಹಾಗೂ ಗಡಿ ಎಲ್ಲವನ್ನು ಮೀರಿದ್ದು ಎಂಬುದಕ್ಕೆ ಈ ಒಂದು ಲವ್ಸ್ಟೋರಿ ತಾಜಾ ನಿದರ್ಶನವಾಗಿದೆ. ಫೇಸ್ಬುಕ್ನಲ್ಲಿ ಫ್ರೆಂಡ್ ಆದ ಉತ್ತರ ಪ್ರದೇಶ ಮೂಲದ ವ್ಯಕ್ತಿಯನ್ನು ಮದುವೆಯಾಗಲು ಸ್ವೀಡನ್ ದೇಶದ ಮಹಿಳೆ ವಿಮಾನವೇರಿ ಭಾರತಕ್ಕೆ ಹಾರಿ ಬಂದ ಅಪರೂಪದ ಪ್ರಸಂಗ ಬೆಳಕಿಗೆ ಬಂದಿದೆ.
ಸ್ವೀಡನ್ ದೇಶದ ಮಹಿಳೆ ಕ್ರಿಸ್ಟನ್ ಲಿಬರ್ಟ್ ಉತ್ತರ ಪ್ರದೇಶದ ಪವನ್ ಕುಮಾರ್ ಎಂಬಾತನನ್ನು ಮದುವೆಯಾಗಿದ್ದಾಳೆ. ಇಬ್ಬರು ಫೇಸ್ಬುಕ್ ಮೂಲಕ ಪರಿಚಿತರಾಗಿದ್ದರು. ಎತಾಹದಲ್ಲಿರುವ ಶಾಲೆಯಲ್ಲಿ ಹಿಂದು ಸಂಪ್ರದಾಯದಂತೆ ಶುಕ್ರವಾರ ಇಬ್ಬರು ವಿವಾಹವಾಗಿದ್ದಾರೆ.
ಎಎನ್ಐ ಹಂಚಿಕೊಂಡ ಮದುವೆಯ ವಿಡಿಯೋದಲ್ಲಿ ಕ್ರಿಸ್ಟನ್ ಲೀಬರ್ಟ್, ಭಾರತೀಯ ಮದುವೆಯ ಡ್ರೆಸ್ ಧರಿಸಿ, ವರಮಾಲಾ ಸಮಾರಂಭದಲ್ಲಿ ವರನ ಕುತ್ತಿಗೆಗೆ ಹಾರವನ್ನು ಹಾಕಿದರು. ಇಬ್ಬರು 2012ರಲ್ಲಿ ಫೇಸ್ಬುಕ್ನಲ್ಲಿ ಪರಿಚಿತರಾದರು. ಡೆಹ್ರಾಡೂನ್ನಲ್ಲಿ ಪವನ್ ಬಿ.ಟೆಕ್ ಪೂರ್ಣಗೊಳಿಸಿದ್ದು, ಸಂಸ್ಥೆಯೊಂದರಲ್ಲಿ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದಾರೆ.
ಇಬ್ಬರು ಮದುವೆಗೆ ಪವನ್ ಕುಟುಂಬ ಯಾವುದೇ ವಿರೋಧ ವ್ಯಕ್ತಪಡಿಸಲಿಲ್ಲ. ಮಕ್ಕಳ ಸಂತೋಷದಲ್ಲಿ ನಮ್ಮ ಸಂತೋಷ ಅಡಗಿದೆ ಎಂದು ವರನ ತಂದೆ ಗೀತಮ್ ಸಿಂಗ್ ಹೇಳಿದರು. ಈ ಮದುವೆಗೆ ನಾವು ಸಂಪೂರ್ಣವಾಗಿ ಒಪ್ಪುತ್ತೇವೆ ಎಂದರು. (ಏಜೆನ್ಸೀಸ್)
PHOTOS| ಅಮೆರಿಕ ಯುವಕನನ್ನು ವರಿಸಿದ ಆಂಧ್ರ ಯುವತಿ: ಅಪರೂಪದ ಮದ್ವೆಗೆ ಸಾಕ್ಷಿಯಾದ ತಿರುಪತಿ
ಅಪರೂಪದ ಲವ್ ಸ್ಟೋರಿ… ಹಿಂದು ಸಂಪ್ರದಾಯದಂತೆ ಆಂಧ್ರ ಯುವಕನ ಕೈಹಿಡಿದ ಟರ್ಕೀಶ್ ಲೇಡಿ!
ಶ್ವಾನದಿಂದ ಶುರುವಾದ ಲವ್ಸ್ಟೋರಿ: ಇದು ಇಂಗ್ಲಿಷ್ ಲೇಡಿ-ಕೇರಳ ಯುವಕನ ಅಪರೂಪದ ಪ್ರೇಮ ಕತೆ!