ಬೆಂಗಳೂರು: ನಗರದ ಡೆಲಿವರಿ ಹುಡಗನಿಗೆ ಕರೊನಾ ವೈರಸ್ ಸೋಂಕು ತಗುಲಿದ್ದು ಆತ ಸೂಪರ್ಸ್ಪ್ರೆಡರ್ ಆಗಿ ಹೊರಹೊಮ್ಮುವ ಸಾಧ್ಯತೆ ಇದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಆತಂಕ ವ್ಯಕ್ತಪಡಿಸಿದೆ.
ಬುಧವಾರ ನಗರದಲ್ಲಿ ಪತ್ತೆಯಾದ ಇಬ್ಬರು ಸೋಂಕಿತರಲ್ಲಿ ಓರ್ವ 25 ವರ್ಷದ ಮಂಗಮ್ಮನಪಾಳ್ಯದ ಡೆಲಿವರಿ ಬಾಯ್ ಆಗಿದ್ದು ಈತ ಹೆಚ್ಚು ಮಂದಿಗೆ ಸೋಂಕು ಹರಡಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.
ಈ ಹುಡುಗ ಸೋಂಕಿನ ಮೂಲ ಆತನ ತಂದೆಯಾಗಿದ್ದಾರೆ. ಇವರು ಹೊಂಗಸಂದ್ರ ಕ್ಲಸ್ಟರ್ನಲ್ಲಿದ್ದ ಸೋಂಕಿತನ ಜತೆ ಸಂಪರ್ಕ ಹೊಂದಿದ್ದರು. ಹೀಗಾಗಿ ಅವರ ಕುಟುಂಬದ ಮೂವರಿಗೆ ಸೋಂಕು ತಗುಲಿದೆ.
ಇದನ್ನೂ ಓದಿ ಎಚ್ಚರಿಕೆಯಿಂದ ಇರಿ – ಮೊಟ್ಟೆಗಳನ್ನು ನೋಡಿ ಬೆಚ್ಚಿ ಬಿದ್ದ ಜುವೆಲ್ಲರಿ ಶಾಪ್ ಮಾಲೀಕ !
ಡೆಲಿವರಿ ಹುಡುಗ ಭೇಟಿ ನೀಡಿದ ಸ್ಥಳ ಹಾಗೂ ಆತ ಭೇಟಿ ನೀಡಿದ ಮನೆಗಳ ಪಟ್ಟಿಯನ್ನು ಆರೋಗ್ಯ ಇಲಾಖೆ ಅಧಿಕಾರಿಗಳು ತಯಾರಿಸುತ್ತಿದ್ದಾರೆ. ಈ ಹುಡುಗನ ಬಗ್ಗೆ ಮಾಹಿತಿ ನೀಡಿ ಆತನ ಸಂಪರ್ಕಕ್ಕೆ ಬಂದವರು ಮಾಹಿತಿ ನೀಡುವಂತೆ ಆರೋಗ್ಯ ಇಲಾಖೆ ಅಧಿಕಾರಿಗಳು ಕೋರಿದ್ದಾರೆ.
ರಾಜ್ಯದಲ್ಲಿ ಮತ್ತೊಂದು ಆತಂಕದ ವಿಚಾರ ಎಂದರೆ ಬಾದಾಮಿಯ ಗರ್ಭಿಣಿ ಮಹಿಳೆಗೆ ಸೋಂಕು ತಗುಲಿದ್ದು, 12 ಮಂದಿಗೆ ಸೋಂಕು ಹರಡಿದ್ದಾರೆ.
ಇದನ್ನೂ ಓದಿ ಸಾರಿಗೆ ಸಿಬ್ಬಂದಿ ಆತಂಕ ಪಡುವ ಅಗತ್ಯವಿಲ್ಲ; ಸಚಿವ ಲಕ್ಷ್ಮಣ್ ಸವದಿ ಕೊಟ್ಟಿದ್ದಾರೊಂದು ಗುಡ್ ನ್ಯೂಸ್