ನವದೆಹಲಿ: ಹೆಲಿಕಾಫ್ಟರ್ ಶಾಟ್ ಎಂದಾಗ ತಕ್ಷಣ ನಮ್ಮ ತಲೆಗೆ ಬರುವುದು ಕೂಲ್ ಕ್ಯಾಪ್ಟನ್ ಖ್ಯಾತಿಯ ಎಂ.ಎಸ್. ಧೋನಿ. ಕ್ರಿಕೆಟ್ ಲೋಕದ ಪವರ್ಫುಲ್ ಹೊಡೆತ ಧೋನಿಯವರ ಟ್ರೇಡ್ ಮಾರ್ಕ್ ಆಗಿಬಿಟ್ಟಿದೆ.
ಕ್ರಿಕೆಟ್ ಜಗತ್ತಿನ ಅನೇಕರು ಆಗಾಗ ಇದರ ಪ್ರಯತ್ನ ಮಾಡುತ್ತಿರುತ್ತಾರೆ. ಇದೀಗ ಅಫ್ಘಾನಿಸ್ತಾನದ ಆಟಗಾರ ರಶೀದ್ ಖಾನ್ ಅವರು ಸಹ ಹೆಲಿಕಾಪ್ಟರ್ ಶಾಟ್ ಪ್ರಯತ್ನ ಮಾಡಿದ್ದು, ವಿಡಿಯೋ ವೈರಲ್ ಆಗಿದೆ.
ಇದನ್ನೂ ಓದಿ: ಕರೊನಾ ಪರೀಕ್ಷೆ ಬಳಿಕ ತನ್ನ ನಂಬರ್ ಬದಲು ಡಿಸಿ ನಂಬರ್ ಕೊಟ್ಟ ಭೂಪ: ಮುಂದೇನಾಯ್ತು ನೀವೇ ನೋಡಿ!
ಮಹಾಮಾರಿ ಕರೊನಾ ವೈರಸ್ನಿಂದ ಸ್ಥಗಿತವಾಗಿದ್ದ ಕ್ರಿಕೆಟ್ ಚಟುವಟಿಕೆಗಳು ಮತ್ತೆ ಗರಿ ಬಿಚ್ಚಿಕೊಳ್ಳುತ್ತಿವೆ. ಐಪಿಎಲ್ಗೂ ದಿನಾಂಕ ನಿಗದಿಯಾಗಿದೆ. ಇದರ ನಡುವೆ ಸನ್ ರೈಸರ್ಸ್ ಹೈದರಾಬಾದ್ ತಂಡವು ರಶೀದ್ ಅವರ ಹೆಲಿಕಾಪ್ಟರ್ ಹೊಡೆತದ ವಿಡಿಯೋವನ್ನು ಶೇರ್ ಮಾಡಿಕೊಂಡಿದೆ.
ವಿಡಿಯೋದಲ್ಲಿ ಸಾಂಪ್ರದಾಯಿಕ ಉಡುಗೆ ತೊಟ್ಟಿರುವ ರಶೀದ್, ಟೆನ್ನಿಸ್ ಬಾಲ್ನಲ್ಲಿ ಹೆಲಿಕಾಪ್ಟರ್ ಶಾಟ್ ಹೊಡೆದಿದ್ದಾರೆ. ಈ ವಿಡಿಯೋ ವೈರಲ್ ಆಗಿದ್ದು, ಈಗಾಗಲೇ 34 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಣೆ ಮಾಡಿದ್ದಾರೆ.
ಅಂದಹಾಗೆ ಎಸ್ಆರ್ಎಚ್ ತಂಡದ ಪ್ರಮುಖ ಆಟಗಾರರಾಗಿರುವ ರಶೀದ್ ಈವರೆಗೂ 46 ಪಂದ್ಯಗಳನ್ನಾಡಿ 6.55 ಎಕಾನಮಿಯಲ್ಲಿ 55 ವಿಕೆಟ್ ಗಳಿಸಿದ್ದಾರೆ. 2017ರಿಂದ ಐಪಿಎಲ್ನಲ್ಲಿ ರಶೀದ್ ತೊಡಗಿಕೊಂಡಿದ್ದಾರೆ. (ಏಜೆನ್ಸೀಸ್)