ಹೈದರಾಬಾದ್: ಮಲೆಯಾಳಂನ ಸೂಪರ್ ಹಿಟ್ ಕ್ರೈಂ ಥ್ರಿಲ್ಲರ್ ಸಿನಿಮಾ ದೃಶ್ಯಂ ಬಗ್ಗೆ ಖ್ಯಾತ ನಿರ್ದೇಶಕ ಎಸ್ಎಸ್ ರಾಜಮೌಳಿ ಅವರು ಭಾರೀ ಮೆಚ್ಚುಗೆ ಸೂಚಿಸಿದ್ದಾರೆ. ದೃಶ್ಯಂ ಹಾಗೂ ದೃಶ್ಯಂ 2 ನಿರ್ದೇಶಕ ಜೀತು ಜೋಸೆಪ್ ಅವರಿಗೆ ವೈಯಕ್ತಿಕ ಸಂದೇಶ ಕಳಿಸಿರುವ ರಾಜಮೌಳಿ ಅವರು, ಜೀತು ಅವರನ್ನು ಕೊಂಡಾಡಿದ್ದಾರೆ.
”ಹಾಯ್ ಜೀತು, ನಾನು ರಾಜಮೌಳಿ, ನಿರ್ದೇಶಕ, ಐದು ದಿನದ ಹಿಂದೆ ದೃಶ್ಯಂ 2 ನೋಡಿದೆ. ಚಿತ್ರದ ನಿರ್ದೇಶನ, ಸ್ಕ್ರೀನ್ ಪ್ಲೇ, ನಟನೆ, ಎಡಿಟಿಂಗ್ ಎಲ್ಲವೂ ಅದ್ಭುತ. ಇದೊಂದು ಮಾಸ್ಟರ್ಪೀಸ್, ದೃಶ್ಯಂ ಮೊದಲನೇ ಭಾಗಕ್ಕೆ ಎಲ್ಲಿಯೂ ದಕ್ಕೆ ಆಗದಂತೆ ದೃಶ್ಯಂ 2 ರಲ್ಲಿ ನಿರೂಪಣೆ ಮಾಡಿದ್ದು ನಿಮ್ಮ ಹೆಗ್ಗಳಿಕೆ. ಮುಂದೆ ಇಂತಹ ಇನ್ನಷ್ಟು ಮಾಸ್ಟರ್ಪೀಸ್ಗಳು ನಿಮ್ಮಿಂದ ನಾವು ನೋಡುವಂತಾಗಲಿ” ಎಂದು ರಾಜಮೌಳಿ ಅವರು ಮೆಚ್ಚುಗೆ ಸೂಚಿಸಿದ್ದಾರೆ.
ಇದರಿಂದ ತೀವ್ರ ಸಂತೋಷಗೊಂಡಿರುವ ಜೀತ ಜೋಸೆಪ್ ಧನ್ಯವಾದ ಸೂಚಿಸಿ, ರಾಜಮೌಳಿ ಸರ್ ನೀವು ನನ್ನ ದಿನವನ್ನು ಸ್ಮರಣೀಯವಾಗಿಸಿದಿರಿ ಎಂದು ಧನ್ಯವಾದ ಹೇಳಿದ್ದಾರೆ.
ಸೂಪರ್ಸ್ಟಾರ್ ಮೋಹನ್ಲಾಲ್ ಮೀನಾ ನಟನೆಯ ದೃಶ್ಯಂ 2 ಫೆ 19 ರಂದು ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆಯಾಗಿ ಸಾಕಷ್ಟು ಜನ ಮನ್ನಣೆ ಗಳಿಸಿದೆ.