ಮುಂಬೈ: ಬಾಲಿವುಡ್ನ ಸ್ಟಾರ್ನಟರ ಪೈಕಿ ಶಾರುಖ್ ಖಾನ್ ಒಂದು ಕಾಲದಲ್ಲಿ ಮುಂಚೂಣಿಯಲ್ಲಿದ್ದರು. ಅವರು ಮುಟ್ಟಿದ್ದೆಲ್ಲ ಚಿನ್ನವಾಗುತ್ತಿತ್ತು. ಅವರು ಅಭಿನಯಿಸುತ್ತಿದ್ದ ಚಿತ್ರಗಳೆಲ್ಲವೂ ಹಿಟ್ ಆಗುತ್ತಿತ್ತು. ಆದರೆ, ಸಮಯ ಒಂದೇ ತರಹ ಇರಲ್ಲ ನೋಡಿ. ಗೆಲುವಿನ ಜತೆಗೆ ಸೋಲನ್ನು ಸಹ ನೋಡಬೇಕು. ಹೀಗೆ ಸಾಕಷ್ಟು ಸೋಲನ್ನು ಕಂಡಿರುವ ಶಾರುಖ್ ಒಂದು ಯಶಸ್ಸನ್ನು ನೋಡಿ ಎಷ್ಟು ದಿನವಾಯಿತು ಗೊತ್ತಾ?
ಇದನ್ನೂ ಓದಿ: ಪತ್ತೇದಾರಿಯಾದ ವಿಜಯ್ ದೇವರಕೊಂಡ; ವಿ12 ಚಿತ್ರದ ಪೋಸ್ಟರ್ ಬಿಡುಗಡೆ
ಶಾರುಖ್ ಖಾನ್ ಪೂರ್ಣಪ್ರಮಾಣದ ನಾಯಕನಾಗಿ ಅಭಿನಯಿಸಿರುವ ಚಿತ್ರವೊಂದು ಬಿಡುಗಡೆಯಾಗಿಯೇ 1700 ದಿನಗಳು ಕಳೆದಿವೆಯಂತೆ. ಅಂದರೆ, ನಾಲ್ಕೂವರೆ ವರ್ಷಗಳ ಹಿಂದೆ ಅವರ ಅಭಿನಯದ ‘ಜೀರೋ’ ಬಿಡುಗಡೆಯಾಗಿತ್ತು. ಬಾಕ್ಸ್ ಆಫೀಸ್ ಕಲೆಕ್ಷನ್ ವಿಚಾರದಲ್ಲೂ ಜೀರೋ ಆಯಿತು. ಅದಾದ ಮೇಲೆಯೇ ಶಾರುಖ್ ತಮ್ಮ ವೃತ್ತಿಯ ಬಗ್ಗೆ ಗಂಭೀರವಾಗಿ ಯೋಚಿಸುವುದಕ್ಕೆ ಶುರು ಮಾಡಿದ್ದು. ಒಂದು ಗ್ಯಾಪ್ ತೆಗೆದುಕೊಂಡು ತಮ್ಮ ವೃತ್ತಿಜೀವನದ ಬಗ್ಗೆ ಅವಲೋಕನ ಮಾಡಿಕೊಂಡು ಪುನಃ ಬಣ್ಣ ಹಚ್ಚುವುದಕ್ಕೆ ಮುಂದಾಗಿದ್ದು.
ಹಾಗೆ ನೋಡಿದರೆ, ‘ಜೀರೋ’ ಚಿತ್ರ ಒಂದು ನೆಪ ಅಷ್ಟೇ. ಶಾರುಖ್ ಗೆಲುವೊಂದನ್ನು ನೋಡದೆ 3015 ದಿನಗಳಾವಿಯಂತೆ. ವರ್ಷಗಳ ಲೆಕ್ಕ ಹಾಕುವುದಾದರೆ, ಎಂಟು ವರ್ಷಗಳಾಗುತ್ತವೆ. ಶಾರುಖ್ ಎಂಟು ವರ್ಷಗಳಿಂದ ಒಂದೇ ಒಂದು ಯಶಸ್ಸನ್ನೂ ನೋಡಿಲ್ಲ. ಅವರ ಕೊನೆಯ ಹಿಟ್ ಚಿತ್ರ ಎಂದರೆ, ಅದು ಫರ್ಹಾ ಖಾನ್ ಅಭಿನಯದ ‘ಹ್ಯಾಪಿ ನ್ಯೂ ಇಯರ್’. ಶಾರುಖ್, ಅಭಿಷೇಕ್ ಬಚ್ಚನ್, ಸೋನು ಸೂದ್ ಅಭಿನಯದ ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ದುಡ್ಡು ಮಾಡಿತ್ತು. ಆ ನಂತರ ಶಾರುಖ್ ನಟಿಸಿದ ಯಾವ ಚಿತ್ರವೂ ಗೆದ್ದಿಲ್ಲ.
ಇದನ್ನೂ ಓದಿ: ತುಳುವಿಗೂ ಎಂಟ್ರಿ ಕೊಟ್ಟ ಮಂಗ್ಲಿ … ‘ಬಿರ್ದ್‌ದ ಕಂಬಳ’ ಚಿತ್ರಕ್ಕೆ ಗಾಯನ
ಈಗ ಶಾರುಖ್ ಅಭಿನಯದ ‘ಪಠಾಣ್’ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಈ ಚಿತ್ರವು ತನ್ನ ವೃತ್ತಿಜೀವನವನ್ನು ರಿವೈವ್ ಮಾಡುತ್ತಾರೆ ಎಂಬ ನಂಬಿಕೆಯಲ್ಲಿ ಕಿಂಗ್ ಖಾನ್ ಇದ್ದಾರೆ. ಇದೊಂದು ಔಟ್ ಅಂಡ್ ಔಟ್ ಕಮರ್ಷಿಯಲ್ ಚಿತ್ರವಾಗಿದ್ದು, ಶಾರುಖ್ ಇದರಲ್ಲಿ ಸ್ಪೈ ಆಗಿ ಕಾಣಿಸಿಕೊಂಡಿದ್ದಾರೆ. ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ, ಡಿಂಪಲ್ ಕಪಾಡಿಯಾ ಮುಂತಾದವರು ಅಭಿನಯಿಸಿರುವ ಈ ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶಿಸಿದ್ದಾರೆ.