ಢಾಕಾ: ನಾಯಕ ಕುಸಲ್ ಪೆರೇರಾ (120 ರನ್, 122 ಎಸೆತ, 11 ಬೌಂಡರಿ, 1 ಸಿಕ್ಸರ್) ಭರ್ಜರಿ ಶತಕ ಮತ್ತು ವೇಗಿ ದುಶ್ಮಂಥ ಚಮೀರ (16ಕ್ಕೆ 5) ಮಾರಕ ಬೌಲಿಂಗ್ ದಾಳಿಯ ನೆರವಿನಿಂದ ಶ್ರೀಲಂಕಾ ತಂಡ 3ನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶ ತಂಡವನ್ನು 97 ರನ್ಗಳಿಂದ ಸೋಲಿಸಿದೆ. ಈ ಮೂಲಕ ಲಂಕಾ ಸರಣಿ ಸೋಲಿನ ಅಂತರವನ್ನು 1&2ಕ್ಕೆ ಇಳಿಸಿಕೊಂಡು ವೈಟ್ವಾಷ್ನಿಂದ ಪಾರಾಯಿತು. ಜತೆಗೆ ಐಸಿಸಿ ಏಕದಿನ ವಿಶ್ವಕಪ್ ಸೂಪರ್ ಲೀಗ್ನಲ್ಲಿ ಅಂಕ ಮತ್ತು ಗೆಲುವಿನ ಖಾತೆ ತೆರೆಯುವಲ್ಲಿ ಯಶಸ್ವಿಯಾಯಿತು.
ಶೇರ್ ಬಾಂಗ್ಲಾ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಲಂಕಾ, 6 ವಿಕೆಟ್ಗೆ 286 ರನ್ ಪೇರಿಸಿತು. ಪ್ರತಿಯಾಗಿ ಬಾಂಗ್ಲಾದೇಶ ತಂಡ 42.3 ಓವರ್ಗಳಲ್ಲಿ 189 ರನ್ಗೆ ಆಲೌಟ್ ಆಯಿತು. ಪಂದ್ಯದಲ್ಲಿ ಶ್ರೀಲಂಕಾ ಪರ ಮೂವರು ಆಟಗಾರರು (ಬಿನುರಾ ಪೆರ್ನಾಂಡೊ, ಚಮಿಕಾ ಕರುಣರತ್ನೆ ಮತ್ತು ರಮೇಶ್ ಮೆಂಡಿಸ್) ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದರು.
ಇದನ್ನೂ ಓದಿ: ಐಪಿಎಲ್ನಿಂದ ಹೊರ ನಡೆಯುವ ಮುನ್ನ 8-9 ದಿನ ನಿದ್ದೆ ಮಾಡಿರಲಿಲ್ಲ ಅಶ್ವಿನ್!
ಶ್ರೀಲಂಕಾ: 6 ವಿಕೆಟ್ಗೆ 286 (ಗುಣತಿಲಕ 39, ಕುಸಲ್ ಪೆರೇರಾ 120, ಧನಂಜಯ ಡಿಸಿಲ್ವ 55, ಟಸ್ಕಿನ್ ಅಹ್ಮದ್ 46ಕ್ಕೆ 4), ಬಾಂಗ್ಲಾದೇಶ: 42.3 ಓವರ್ಗಳಲ್ಲಿ 189 (ತಮೀಮ್ 17, ಶಕೀಬ್ 4, ಮುಶ್ಫಿಕರ್ ರಹೀಂ 28, ಮೊಸದೆಕ್ ಹುಸೇನ್ 51, ಮಹಮದುಲ್ಲಾ 53, ದುಶ್ಮಂಥ ಚಮೀರ 16ಕ್ಕೆ 5, ಹಸರಂಗ 47ಕ್ಕೆ 2, ರಮೇಶ್ ಮೆಂಡಿಸ್ 40ಕ್ಕೆ 2).
Sri Lanka claim their first @cricketworldcup Super League points 👏
Dushmantha Chameera’s 5/16 helps them defeat Bangladesh by 97 runs.
But the hosts have taken the series 2-1.#BANvSL | https://t.co/irFZbUpgki pic.twitter.com/bPo3AHO7BX
— ICC (@ICC) May 28, 2021
ಹಾಟ್ ಫೋಟೋಗಳ ಮೂಲಕ ಭರ್ಜರಿ ಸೌಂಡ್ ಮಾಡುತ್ತಿದ್ದಾರೆ ವಿಂಡೀಸ್ ಕ್ರಿಕೆಟಿಗನ ಪತ್ನಿ…