ನವದೆಹಲಿ: ನ್ಯಾಷನಲ್ ಪೆನ್ಶನ್ ಸ್ಕೀಮ್(ಎನ್ಪಿಎಸ್)ನಲ್ಲಿ ಸಿಸ್ಟಮ್ಯಾಟಿಕ್ ಇನ್ವೆಸ್ಟ್ಮೆಂಟ್ ಪ್ಲ್ಯಾನ್ (ಎಸ್ಐಪಿ) ಮೂಲಕ ಹೂಡಿಕೆ ಮಾಡುವ ಅವಕಾಶ ಶೀಘ್ರವೇ ಎನ್ಪಿಎಸ್ ಚಂದಾದಾರರಿಗೆ ಸಿಗಲಿದೆ. ಮ್ಯೂಚುವಲ್ ಫಂಡ್ಗಳಲ್ಲಿನ ಎಸ್ಐಪಿ ಮಾದರಿಯಲ್ಲೇ ಎನ್ಪಿಎಸ್ನಲ್ಲಿ ಮಾಡುವ ಎಸ್ಐಪಿ ಕೆಲಸ ಮಾಡಲಿದೆ. ಎಸ್ಐಪಿ ಎಂದರೆ, ಹೂಡಿಕೆದಾರರು ತಮ್ಮ ಬ್ಯಾಂಕ್ನ ಖಾತೆಯಿಂದ ನಿಗದಿತ ಮೊತ್ತವನ್ನು ನಿಯತವಾದ ದಿನಾಂಕದಂದು ನಿಗದಿತ ಯೋಜನೆಯಲ್ಲಿ ಹೂಡಿಕೆಗೆ ಬಳಸಿಕೊಳ್ಳುವುದಕ್ಕೆ ಬ್ಯಾಂಕ್ಗೆ ಅನುಮತಿ ನೀಡುವಂಥದ್ದು.
ಎನ್ಎಸ್ಡಿಎಲ್ ಇ-ಗವರ್ನೆನ್ಸ್ನ ಎಕ್ಸಿಕ್ಯೂಟಿವ್ ವೈಸ್ ಪ್ರೆಸಿಡೆಂಟ್ ಅಮಿತ್ ಸಿನ್ಹಾ ಈ ಯೋಜನೆಯ ಸುಳಿವು ನೀಡಿದ್ದು, ಎನ್ಪಿಎಸ್ ಚಂದಾದಾರರಿಗೆ ಎಸ್ಐಪಿ ಮಾದರಿಯನ್ನು ಪರಿಚಯಿಸುವ ಬಗ್ಗೆ ನಾವು ಗಂಭೀರವಾಗಿ ಕೆಲಸ ಮಾಡುತ್ತಿದ್ದೇವೆ. ಇದರಿಂದ ಎನ್ಪಿಎಸ್ನಲ್ಲಿ ಚಂದಾದಾರರೂ ಎಸ್ಐಪಿ ಮೂಲಕ ಹೂಡಿಕೆ ಮಾಡುವ ಅವಕಾಶ ಸಿಕ್ಕಂತಾಗುತ್ತದೆ ಎಂದು ಹೇಳಿಕೊಂಡಿದ್ದಾರೆ. ಈ ನಡುವೆ, ಎಸ್ಐಪಿ ಸೇವೆ ಲಭ್ಯವಾಗುವ ದಿನಾಂಕದ ಮಾಹಿತಿ ಬಹಿರಂಗಗೊಳಿಸದ ಸಿನ್ಹಾ, ಎನ್ಪಿಎಸ್ ಚಂದಾದಾರರಿಗೆ ಎಸ್ಐಪಿ ಮೂಲಕ ಹೂಡಿಕೆ ಮಾಡುವ ಸೌಲಭ್ಯ ಇನ್ನು ಕೆಲವೇ ತಿಂಗಳಲ್ಲಿ ಲಭ್ಯವಾಗಲಿದೆ ಎಂದಷ್ಟೇ ಹೇಳಿದ್ದಾರೆ.
ಇದನ್ನೂ ಓದಿ:ಇನ್ನು ಮುಂದೆ ಶನಿವಾರ, ಭಾನುವಾರ ಎರಡೂ ದಿನ ಲಾಕ್ಡೌನ್: ಗೋವಿಂದ ಕಾರಜೋಳ
ಚಿಲ್ಲರೆ ಹೂಡಿಕೆದಾರರ ಪಾಲಿಗೆ ವ್ಯವಸ್ಥಿತ ಹೂಡಿಕೆ ಯೋಜನೆ ಅಥವಾ ಎಸ್ಐಪಿ ಸೌಲಭ್ಯ ಮಹತ್ವದ್ದಾಗಿದೆ. ಅನೇಕ ಜನ ಈಗ ಫೋನ್, ವಿದ್ಯುತ್ ಬಿಲ್ಗಳನ್ನು ಆಟೋ ಡೆಬಿಟ್ ಸೌಲಭ್ಯ ಬಳಸಿಕೊಂಡು ಪಾವತಿಸುತ್ತಿದ್ದಾರೆ. ಅದರಂತೆಯೇ ಎನ್ಪಿಎಸ್ನಲ್ಲೂ ಚಂದಾದಾರರು ಎಸ್ಐಪಿ ಸೌಲಭ್ಯ ಬಳಸಿಕೊಂಡು ಹೂಡಿಕೆ ಮಾಡುವುದಕ್ಕೆ ಅವಕಾಶ ಮಾಡಿಕೊಡುವ ಚಿಂತನೆಯಲ್ಲಿ ನಾವಿದ್ದೇವೆ ಎಂದು ಸಿನ್ಹಾ ವಿವರಿಸಿದ್ದಾರೆ.
ಕೆಲವು ದಿನಗಳ ಹಿಂದಷ್ಟೇ ಎನ್ಪಿಎಸ್ ಟೈರ್-II ಖಾತೆಯು ಆದಾಯ ತೆರಿಗೆಯ ಸೆಕ್ಷನ್ 80 ಸಿ ಪ್ರಕಾರ ತೆರಿಗೆ ಕಡಿತದಿಂದ ವಿನಾಯಿತಿ ಹೊಂದಿರುವುದಾಗಿ ಸರ್ಕಾರ ಘೋಷಿಸಿತ್ತು. ಎನ್ಪಿಎಸ್ ಟೈರ್-II ಯೋಜನೆಗೆ ಲಾಕ್ ಇನ್ ಅವಧಿ ಇಲ್ಲ. ಆದರೆ, ಸರ್ಕಾರಿ ಉದ್ಯೋಗಿಗಳು ತೆರಿಗೆ ವಿನಾಯಿತಿ ಪಡೆಯುವುದಾದರೆ ಅಂಥವುಗಳಿಗೆ ಮೂರು ವರ್ಷದ ಲಾಕ್ ಇನ್ ಅವಧಿ ಲಾಗೂ ಆಗುತ್ತದೆ. ಖಾಸಗಿ ವಲಯದವರ ಎನ್ಪಿಎಸ್ ಟೈರ್-II ಯೋಜನೆಗೆ ಯಾವುದೇ ವಿನಾಯಿತಿಯೂ ಇಲ್ಲ, ಲಾಕ್ ಇನ್ ಅವಧಿಯೂ ಇಲ್ಲ. (ಏಜೆನ್ಸೀಸ್)
ಬ್ಯಾಂಕ್ನಲ್ಲಿ ಉದ್ಯೋಗ ಸಿಗಲಿಲ್ಲ ಎಂಬ ಕಾರಣಕ್ಕೆ ಈ ಯುವಕ ಮಾಡಿದ್ದೇನು ಗೊತ್ತಾ? ಮ್ಯಾನೇಜರ್ ಫುಲ್ ಶಾಕ್