ಬೆಂಗಳೂರು: ಪವರ್ಸ್ಟಾರ್ ಪುನೀತ್ ರಾಜಕುಮಾರ್ ಮತ್ತು ಸೈನಿಕರಿಗೆ ಅರ್ಪಿಸಿರುವ ವರ್ಲ್ಡ್ ಇಂಟರ್ನ್ಯಾಷನಲ್ ಫ್ಯಾಷನ್ ಶೋನಲ್ಲಿ ರಾಜಧಾನಿ ಬೆಂಗಳೂರಿನ ಆರು ರೂಪದರ್ಶಿಗಳು ಪ್ರಶಸ್ತಿ ಗಳಿಸಿದ್ದಾರೆ.
ಯಶ್ ಇಂಟರ್ನ್ಯಾಷನಲ್ ಫ್ಯಾಷನ್ ವೀಕ್ ಆಯೋಜಿಸಿದ್ದ ಈ ಫ್ಯಾಷನ್ ಶೋ ಇತ್ತೀಚೆಗೆ ಗೋವಾದಲ್ಲಿ ನಡೆದಿದ್ದು, ಈ ಬ್ಯೂಟಿ ಪೇಜೆಂಟ್ನಲ್ಲಿ 72 ರೂಪದರ್ಶಿಯರು ರ‌್ಯಾಂಪ್ ಮೇಲೆ ಹೆಜ್ಜೆ ಹಾಕಿದರು.
ಕರ್ನಾಟಕ ಮಾತ್ರವಲ್ಲದೆ ತಮಿಳುನಾಡು, ಆಂಧ್ರಪ್ರದೇಶ, ಅಸ್ಸಾಂ, ಬಿಹಾರ್, ಮೇಘಾಲಯ, ಪುಣೆ ಸೇರಿದಂತೆ 10 ರಾಜ್ಯಗಳಿಂದ ರೂಪದರ್ಶಿಗಳು ಭಾಗಿಯಾಗಿದ್ದರು.
ಬೆಂಗಳೂರಿನ ಆಸಿಫ್ ಮಿಸ್ಟರ್ ವಿಭಾಗದಲ್ಲಿ, ಶ್ರಾವ್ಯ ಮಿಸ್ ವಿಭಾಗದಲ್ಲಿ, ಮಿಸೆಸ್ನಲ್ಲಿ ರಶ್ಮಿ ಹೆಗಡೆ, ಪುರುಷರ ವಿಭಾಗದಲ್ಲಿ ಜೀಶನ್, ಪ್ರಿನ್ಸ್ನಲ್ಲಿ ಮೋಕ್ಷ್, ಪ್ರಿನ್ಸೆಸ್ ವಿಭಾಗದಲ್ಲಿ ಅನನ್ಯಾ ವರ್ಲ್ಡ್ ಇಂಟರ್ನ್ಯಾಷನಲ್ ಪ್ರಶಸ್ತಿ ಗಳಿಸಿದರು. ಗೆದ್ದ ಎಲ್ಲರಿಗೂ ಚಿನ್ನದ ಪದಕ ಪ್ರದಾನ ಮಾಡಲಾಯಿತು.
ಈ ಕಾರ್ಯಕ್ರಮವನ್ನು ವಿಶೇಷವಾಗಿ ಸೈನಿಕರು ಹಾಗೂ ಪುನೀತ್ ರಾಜಕುಮಾರ್ ಅವರಿಗೆ ಅರ್ಪಣೆ ಮಾಡಲಾಗಿತ್ತು. ಅಲ್ಲದೆ ಪುನೀತ್ ಚಿತ್ರದ ಹಾಡಿಗೆ ನೂರಕ್ಕೂ ಹೆಚ್ಚು ಜನ ಹೆಜ್ಜೆ ಹಾಕಿ, ವೇದಿಕೆಗೆ ಕಳೆ ತಂದರು.