ಸಿರಿಗೇರಿ: ಇಲ್ಲಿನ ಗ್ರಾಪಂ ಕಚೇರಿಯಲ್ಲಿ ಸೋಮವಾರ ಬೆಳಗ್ಗೆ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ನಿಂದ ನರೇಗಾ ಸೇರಿದಂತೆ ಮತ್ತಿತರ ಕಡತಗಳು ಸುಟ್ಟಿವೆ.
ಎಂದಿನಂತೆ ಸಿಬ್ಬಂದಿ ಬಾಗಿಲು ತೆರದಾಗ ಬೆಂಕಿ ಅನಾಹುತ ನಡೆದಿರುವುದು ಬೆಳಕಿಗೆ ಬಂದಿದೆ. ಪಿಡಿಒ ರಾಜೇಶ್ವರಿ ಮಾತನಾಡಿ, ಶಾರ್ಟ್ ಸರ್ಕ್ಯೂಟ್ನಿಂದ ಆಗಿರಬಹುದು. ಈ ಹಿಂದೆಯೂ ಎರಡ್ಮೂರು ಸಲ ಇದೇ ರೀತಿ ಆಗಿತ್ತು. 2020-21, 22ನೇ ಸಾಲಿನ ಕಾಮಗಾರಿ ಕಡತಗಳು, ಸಾಮಾಜಿಕ ಲೆಕ್ಕ ಪರಿಶೋಧಕಕ್ಕೆ ಒಳಪಡಿಸಿರುವ ದಾಖಲೆ, ಸ್ಥಳೀಯ ಕಾಮಗಾರಿ ಫೋಟೋಗಳು, ಅಳತೆ ಪುಸ್ತಕಗಳು ಸುಟ್ಟಿವೆ ಎಂದು ತಿಳಿಸಿದರು. ತಾಪಂ ಇಒ ಶಿವಪ್ಪ ಸುಬೇದಾರ್, ವ್ಯವಸ್ಥಾಪಕ ಅಲ್ಲಾಭಕ್ಷಿ, ನರೇಗಾ ತಾಂತ್ರಿಕ ಸಹಾಯಕಿ ಯಶೋದಾ ಭೇಟಿ ನೀಡಿ ಪರಿಶೀಲಿಸಿದರು.