ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
‘ಗೊಂಬೆಗಳ ಲವ್’, ‘ದಾದಾ ಈಸ್ ಬ್ಯಾಕ್’ ಚಿತ್ರಗಳ ನಾಯಕ ಅರುಣ್ ಕುಮಾರ್ ಚೊಚ್ಚಲ ಬಾರಿಗೆ ಆ್ಯಕ್ಷನ್-ಕಟ್ ಹೇಳುತ್ತಿರುವ ಸಿನಿಮಾ ‘ನೆಲ್ಸನ್’. ವಿನೋದ್ ಪ್ರಭಾಕರ್ ಈ ಚಿತ್ರದ ನಾಯಕನಾಗಿದ್ದು, ಕೆಲ ದಿನಗಳ ಹಿಂದಷ್ಟೆ ಟೈಟಲ್ ಮತ್ತು ಅವರ ಸ್ಟ್ ಲುಕ್ ಟೀಸರ್ ಬಿಡುಗಡೆ ಮಾಡಲಾಗಿತ್ತು. ಇದೀಗ ಚಿತ್ರಕ್ಕೆ ನಾಯಕಿಯ ಆಯ್ಕೆಯಾಗಿದೆ.
ಇದನ್ನೂ ಓದಿ : ಪುತ್ರಿ ಶ್ವೇತಾಗೆ ಬಂಗಲೆ ಗಿಫ್ಟ್ ಕೊಟ್ಟ್ ಬಿಗ್ ಬಿ!; ‘ಪ್ರತೀಕ್ಷಾ’ ನಿವಾಸದ ಬೆಲೆ ಎಷ್ಟು ಕೋಟಿ?
ಕನ್ನಡದ ‘ಖಾಸಗಿ ಪುಟಗಳು’, ಹಿಂದಿಯ ‘ದಿ ವೈ’ ಚಿತ್ರಗಳಲ್ಲಿ ನಟಿಸಿರುವ ಕರಾವಳಿ ಹುಡುಗಿ ಶ್ವೇತಾ, ಸದ್ಯ ‘ಹೆಜ್ಜಾರು’ ಚಿತ್ರದ ರಿಲೀಸ್‌ಗೆ ಎದುರು ನೋಡುತ್ತಿದ್ದಾರೆ. ಅದರ ನಡುವೆ ಇದೀಗ ‘ನೆಲ್ಸನ್’ಗೂ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಲಂಗ-ದಾವಣಿಯುಟ್ಟು ಹಳ್ಳಿ ಹುಡುಗಿ ಲಕ್‌ನಲ್ಲಿ ಶ್ವೇತಾ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ : VIDEO | BBKS10: ಒಂದು ವಾರಕ್ಕೆ ಇಶಾನಿ ಪಡೆದ ಸಂಭಾವನೆ ಎಷ್ಟು?; ಇಲ್ಲಿದೆ ಕೇಳಿ ಅಸಲಿ ಸಂಗತಿ!
ಇದು 1960ರಿಂದ 90ರ ದಶಕದವರೆಗೆ ಚಾಮರಾಜನಗರದಲ್ಲಿ ನಡೆಯುವ ನೈಜ ಘಟನೆಯಾಧಾರಿತ ಚಿತ್ರವಾಗಿದ್ದು, ಗ್ಯಾಂಗ್‌ಸ್ಟರ್ ಕಥಾಹಂದರ ಹೊಂದಿದೆ. ಈ ಚಿತ್ರದಲ್ಲಿ ವಿನೋದ್ ಪ್ರಭಾಕರ್ ಹಿಂದೆಂದೂ ಕಾಣದ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರಕ್ಕೆ ‘ರಕ್ತದಲ್ಲಿ ನೆಂದ ದೇವರಕಾಡು’ ಎಂಬ ಅಡಿಬರಹವಿದೆ. ಚಿತ್ರಕ್ಕೆ ಪ್ರಜ್ವಲ್ ಗೌಡ ಛಾಯಾಗ್ರಹಣ, ಭರತ್ ಬಿ.ಜಿ. ಸಂಗೀತ, ವಿಜಯ್ ರಾಜ್ ಸಂಕಲನ ಹಾಗೂ ಹರಿ ಸಂಭಾಷಣೆ ಇರಲಿದೆ.