ಮುಂಬೈ: ಬಾಲಿವುಡ್ ನಟ ಆಮೀರ್ ಖಾನ್ ಪುತ್ರಿ ಇರಾ ಖಾನ್ ಟ್ರೋಲಿಗರ ಫೇವರಿಟ್ ಅಂತಾ ಕಾಣ್ಸುತ್ತೆ! ಏಕೆಂದರೆ, ಸದಾ ಒಂದಿಲ್ಲೊಂದು ವಿಚಾರಕ್ಕೆ ಟ್ರೋಲ್ ಆಗುತ್ತಲೇ ಇರುತ್ತಾರೆ. ಈ ಹಿಂದೆ ಬಿಕಿನಿ ಧರಿಸಿ ಬರ್ತಡೇ ಆಚರಿಸುವ ಮೂಲಕ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದರು. ಇದೀಗ ನಿಶ್ಚಿತಾರ್ಥದ ವೇಳೆ ಧರಿಸಿದ್ದ ಉಡುಗೆಯಿಂದ ಇರಾ ಮತ್ತೊಮ್ಮೆ ಟ್ರೋಲ್ ಆಗಿದ್ದಾರೆ.
ಕಳೆದ ಸೆಪ್ಟೆಂಬರ್ನಲ್ಲಿ ಸೈಕ್ಲಿಂಗ್ ಸ್ಪರ್ಧೆ ಸಮಯದಲ್ಲಿ ಬಾಯ್ಫ್ರೆಂಡ್ ನುಪುರ್ ಶಿಖರೆ, ಇರಾ ಅವರಿಗೆ ಉಂಗುರ ನೀಡಿ ಮದುವೆ ಪ್ರಪೋಸ್ ಮಾಡಿದ್ದರು. ಇದಕ್ಕೆ ಇರಾ ಕೂಡ ಒಪ್ಪಿಗೆ ನೀಡಿದ್ದರು. ಈ ವಿಡಿಯೋ ಸಹ ಟ್ರೋಲ್ ಆಗಿತ್ತು. ಇದೀಗ ಇಬ್ಬರು ಅಧಿಕೃತವಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಈ ವೇಳೆ ಧರಿಸಿದ ಕೆಂಪು ಬಣ್ಣದ ಗೌನ್ನಿಂದಾಗಿ ಇರಾ ಮತ್ತೊಮ್ಮೆ ಟ್ರೋಲಿಗರ ದಾಳಕ್ಕೆ ಸಿಲುಕಿದ್ದಾರೆ.
ಶುಕ್ರವಾರ (ನ.18) ರಾತ್ರಿ ಇರಾ ಮತ್ತು ನುಪುರ್ ಅಧಿಕೃತವಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಮುಂಬೈನಲ್ಲಿ ಭಾವಿ ದಂಪತಿಗಳ ನಿಶ್ಚಿತಾರ್ಥ ಸಮಾರಂಭವನ್ನು ನಡೆಸಿದ್ದು ಆಮೀರ್ ಖಾನ್, ಮಾಜಿ ಪತ್ನಿ ಕಿರಣ್ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು, ಗಣ್ಯರು ಸೇರಿದ್ದರು.
ನಿಶ್ಚಿತಾರ್ಥದ ದಿನದಂದು ಇರಾ ಖಾನ್ ಕೆಂಪು ಬಣ್ಣದ ಗೌನ್ ತೊಟ್ಟಿದ್ದರು. ನುಪುರ್ ಅವರು ಕಪ್ಪು ಬಣ್ಣದ ಕೋಟ್ ಧರಿಸಿದ್ದರು. ಇರಾ ಖಾನ್ ಧರಿಸಿದ್ದ ಡ್ರೆಸ್ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದಾರೆ. ಆಕೆ ಧರಿಸಿದ್ದ ಬಟ್ಟೆಯಿಂದ ಮುಜುಗರ ಅನುಭಿವಿಸಿದಂತೆ ಕಾಣುತ್ತಿದೆ. ಇಂತಹ ಒಳ್ಳೆಯ ಸಂದರ್ಭದಲ್ಲೂ ಇಂತಹ ಅಶ್ಲೀಲ ಉಡುಗೆಯನ್ನು ಯಾಕೆ ತೊಡಬೇಕು ಎಂದು ಕಾಮೆಂಟ್ನಲ್ಲಿ ಪ್ರಶ್ನೆ ಮಾಡಿದ್ದಾರೆ.
ಬರ್ತಡೇಯಲ್ಲಿ ಧರಿಸಿದ್ದ ಹಾಗೇ ನಿಶ್ಚಿತಾರ್ಥಕ್ಕೂ ಬಿಕಿನಿ ಧರಿಸಬೇಕಿತ್ತು. ಇಷ್ಟೊಂದು ಅಶ್ಲೀಲವಾಗಿ ಡ್ರೆಸ್ ಮಾಡಿಕೊಂಡು ಮುಜುಗರ ಅನುಭವಿಸುವುದು ಎಂಥಾ ಕರ್ಮ. ಇಂತಹ ಸಮಯದಲ್ಲೂ ಮೈತುಂಬಾ ಬಟ್ಟೆ ಧರಿಸಬೇಕು ಅಂತಾ ಅನಿಸುವುದಿಲ್ಲವೇ ಅಂತೆಲ್ಲಾ ಕಾಮೆಂಟ್ ಮಾಡುವ ಮೂಲಕ ಕಾಲೆಳೆದಿದ್ದಾರೆ. (ಏಜೆನ್ಸೀಸ್)
ಬಾಯ್ಫ್ರೆಂಡ್ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡ ಆಮೀರ್ ಖಾನ್ ಮಗಳು…
ನೇಮಕ, ಮುಂಬಡ್ತಿ ಬಂದ್: ಪ್ರಕ್ರಿಯೆಗಳಿಗೆ ತಾತ್ಕಾಲಿಕ ಬ್ರೇಕ್; ಹೊಸ ಮೀಸಲಾತಿ ಕಾರಣ
ಕಾಲೇಜೊಂದರ ಕಾರ್ಯಕ್ರಮದಲ್ಲಿ ಪಾಕಿಸ್ತಾನಕ್ಕೆ ಜೈಕಾರ ಹಾಕಿದ ವಿದ್ಯಾರ್ಥಿಗಳು..!