ಮುಂಬೈ: ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಲಿಮಿಟೆಡ್ (Servotech Power Systems Ltd.) ಕಂಪನಿಯು ಅಂದಾಜು 1500 DC ವೇಗದ EV ಚಾರ್ಜರ್‌ಗಳಿಗೆ ಆರ್ಡರ್ ಪಡೆದುಕೊಂಡಿದೆ. ಈ ಆರ್ಡರ್ ಮೌಲ್ಯವು 102 ಕೋಟಿ ರೂಪಾಯಿಗಳಾಗಿದೆ. 60 kW ಮತ್ತು 120 kWಯ ಎರಡು ಚಾರ್ಜರ್ ರೂಪಾಂತರಗಳನ್ನು ಒಳಗೊಂಡಿದೆ.
ಈ ಹಿನ್ನೆಲೆಯಲ್ಲಿ ಈ ಕಂಪನಿಯ ಷೇರುಗಳ ಬೆಲೆ ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರದಂದು 5% ರಷ್ಟು ಏರಿಕೆ ಕಂಡು ಅಪ್ಪರ್ ಸರ್ಕ್ಯೂಟ್ ಹಿಟ್ ಆದವು.
ಶುಕ್ರವಾರ ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರುಗಲ ಬೆಲೆ 97.80 ರೂಪಾಯಿ ತಲುಪಿತ್ತು. 6 ಫೆಬ್ರವರಿ 2024 ರಂದು ಈ ಷೇರುಗಳ ಬೆಲೆ 52 ವಾರಗಳ ಗರಿಷ್ಠ ಮಟ್ಟವಾದ ರೂ 108.70 ಕ್ಕೆ ತಲುಪಿತ್ತು. ಮಾರ್ಚ್ 2023 ರಲ್ಲಿ ಈ ಷೇರಿನ 52 ವಾರಗಳ ಕನಿಷ್ಠ ಬೆಲೆ 16.48 ರೂ. ಮುಟ್ಟಿತ್ತು.
.
ಈ ಕಂಪನಿಯು ಸರ್ಕಾರಿ ತೈಲ ಕಂಪನಿಯಾದ ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ಅಂದರೆ HPCL ನಿಂದ ದೊಡ್ಡ ಪ್ರಮಾಣದ ಆರ್ಡರ್ ಸ್ವೀಕರಿಸಿದೆ. ಇದರ ಅಡಿಯಲ್ಲಿ, ಅಂದಾಜು 1500 DC ವೇಗದ EV ಚಾರ್ಜರ್‌ಗಳಿಗೆ ಆರ್ಡರ್ ಪಡೆದುಕೊಂಡಿದೆ. ಈ ಆರ್ಡರ್ ಮೌಲ್ಯವು 102 ಕೋಟಿ ರೂಪಾಯಿ. ಈ ಆದೇಶವು ದೇಶಾದ್ಯಂತ DC EV ಚಾರ್ಜರ್‌ಗಳ ತಯಾರಿಕೆ, ಪೂರೈಕೆ ಮತ್ತು ಸ್ಥಾಪನೆಯನ್ನು ಒಳಗೊಂಡಿದೆ. ಇದಲ್ಲದೆ, ಸರ್ವೋಟೆಕ್ ಉಳಿದ ಚಾರ್ಜರ್‌ಗಳನ್ನು ತಯಾರಿಸುತ್ತದೆ ಮತ್ತು ಅವುಗಳನ್ನು EV ಚಾರ್ಜರ್ OEM ಗಳಿಗೆ ಪೂರೈಸುತ್ತದೆ.
HPCL ನ ಆದೇಶದ ಕುರಿತು ಮಾತನಾಡಿದ ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಲಿಮಿಟೆಡ್‌ನ ನಿರ್ದೇಶಕಿ ಸಾರಿಕಾ ಭಾಟಿಯಾ, “ಭಾರತದ ಇ-ಮೊಬಿಲಿಟಿ ಕ್ರಾಂತಿಯ ಭಾಗವಾಗಲು ನಮಗೆ ಗೌರವವಿದೆ. HPCL ಜತೆಗೆ, ಈ ರೂಪಾಂತರವನ್ನು ಚಾಲನೆ ಮಾಡಲು ಮತ್ತು ವೇಗಗೊಳಿಸಲು ನಾವು ಬದ್ಧರಾಗಿದ್ದೇವೆ” ಎಂದು ಹೇಳಿದರು.
3 ಸೆಪ್ಟೆಂಬರ್ 2021 ರಂದು ರೂ 2.52 ರ ಮಟ್ಟದಿಂದ 3728 ಪ್ರತಿಶತದಷ್ಟು ಬಂಪರ್ ರಿಟರ್ನ್ ನೀಡುವ ಮೂಲಕ ಸರ್ವೋಟೆಕ್ ಪವರ್ ಸಿಸ್ಟಮ್‌ನ ಷೇರುಗಳು ಹೂಡಿಕೆದಾರರನ್ನು ಶ್ರೀಮಂತರನ್ನಾಗಿ ಮಾಡಿದೆ. ಸರ್ವೋಟೆಕ್ ಪವರ್‌ನ ಷೇರುಗಳು ಕಳೆದ ಒಂದು ವರ್ಷದಲ್ಲಿ ರೂ 19.10 ರ ಮಟ್ಟದಿಂದ ಹೂಡಿಕೆದಾರರಿಗೆ ಶೇಕಡಾ 388 ರಷ್ಟು ಬಂಪರ್ ಆದಾಯವನ್ನು ನೀಡಿವೆ.