ಮುಂಬೈ: ಸೋಲಾರ್ ಕಂಪನಿ ಷೇರುಗಳಿಗೆ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಬೇಡಿಕೆ ಬರುತ್ತಿದೆ. 1 ಕೋಟಿ ಮನೆಗಳ ಮೇಲ್ಛಾವಣಿಗಳಲ್ಲಿ ಸೌರ ವಿದ್ಯುತ್ ಉತ್ಪಾದಿಸುವ ಪ್ರಧಾನ ಮಂತ್ರಿ ಸೂರ್ಯೋದಯ ಯೋಜನೆಯನ್ನು ಬಜೆಟ್ನಲ್ಲಿ ಕೇಂದ್ರ ಸರ್ಕಾರ ಪ್ರಕಟಿಸಿದ ಹಿನ್ನೆಲೆಯಲ್ಲಿ ಸೋಲಾರ್ ಕಂಪನಿ ಷೇರುಗಳು ಏರುಗತಿ ಪ್ರವೃತ್ತಿಯಲ್ಲಿವೆ.
ಇದೇ ರೀತಿ ಸೋಲಾರ್ ಎನರ್ಜಿ ಕಂಪನಿಯಾದ ಎಸ್ಜೆವಿಎನ್ ಲಿಮಿಟೆಡ್ (SJVN Ltd) ಷೇರುಗಳು ಗುರುವಾರ ಸಾಕಷ್ಟು ಗಮನಸೆಳೆದವು. ಗುರುವಾರದ ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರುಗಳ ಬೆಲೆ ಶೇಕಡಾ 10 ಕ್ಕಿಂತ ಹೆಚ್ಚು ಏರಿಕೆ ಕಂಡಿತು. ನಂತರ ಸ್ಟಾಕ್ ಬೆಲೆಯಲ್ಲಿ ಸ್ವಲ್ಪ ಇಳಿಕೆ ಕಂಡುಬಂದಿತು.
ಸೂರ್ಯೋದಯ ಯೋಜನೆ ಮಾತ್ರವಲ್ಲದೆ, ಈ ಕಂಪನಿಯು ದೊಡ್ಡ ಆರ್ಡರ್ ಪಡೆದುಕೊಂಡಿರುವುದು ಈ ಏರಿಕೆಗೆ ಕಾರಣವಾಯಿತು. ಗುಜರಾತ್ ಎನರ್ಜಿ ಡೆವಲಪ್ಮೆಂಟ್ ಏಜೆನ್ಸಿಯಿಂದ ಈ ಕಂಪನಿಯು ಆರ್ಡರ್ ಪಡೆದುಕೊಂಡಿದೆ.
ಈ ಕಂಪನಿಯು ಸೌರಶಕ್ತಿ ಉತ್ಪನ್ನಗಳ ತಯಾರಿಕೆಗಾಗಿ 1100 ಕೋಟಿ ರೂಪಾಯಿ ಮೌಲ್ಯದ ಕಾಮಗಾರಿ ಆದೇಶ ಸ್ವೀಕರಿಸಿದೆ. ಒಪ್ಪಂದದ ದಿನಾಂಕದ ನಂತರ 18 ತಿಂಗಳ ಅವಧಿಯಲ್ಲಿ ಯೋಜನೆಯು ಪ್ರಾರಂಭವಾಗುತ್ತದೆ. ಈ ಕುರಿತ ಒಪ್ಪಂದಕ್ಕೆ ಸೌರಶಕ್ತಿ ಕಂಪನಿ SJVN ಲಿಮಿಟೆಡ್ (SJVN ಲಿಮಿಟೆಡ್ ಷೇರು ಬೆಲೆ) ಮತ್ತು ಗುಜರಾತ್ ಎನರ್ಜಿ ಡೆವಲಪ್ಮೆಂಟ್ ಏಜೆನ್ಸಿ ಅಂದರೆ JUVNL ನಡುವೆ 25 ವರ್ಷಗಳ ಅವಧಿಗೆ ಸಹಿ ಮಾಡಲಾಗಿದೆ.
ಈ ಯೋಜನೆ ಜಾರಿಯಾದ ನಂತರ 5,79,976 ಟನ್ಗಳಷ್ಟು ಇಂಗಾಲದ ಹೊರಸೂಸುವಿಕೆಯಲ್ಲಿ ಇಳಿಕೆಯಾಗಲಿದೆ. ಇದು ಸರ್ಕಾರದ ಇಂಗಾಲದ ಹೊರಸೂಸುವಿಕೆ ಯೋಜನೆಗೆ ಸಹಾಯಕವಾಗಲಿದೆ.
ಎಸ್ಜೆವಿಎನ್ ಕಂಪನಿಯು ಸೌರ, ಗಾಳಿ, ಜಲವಿದ್ಯುತ್ ಉತ್ಪಾದನೆ, ಸಲಹಾ ಮತ್ತು ಪ್ರಸರಣ ಕುರಿತ ವ್ಯಾಪಾರದಲ್ಲಿ ತೊಡಗಿದೆ. ಈ ಕಂಪನಿಯು ಹೈಡ್ರೋ ಪವರ್, ಥರ್ಮಲ್ ಪವರ್, ಪವರ್ ಟ್ರಾನ್ಸ್ಮಿಷನ್, ಪವನ ಶಕ್ತಿ, ಪವರ್ ಟ್ರೇಡಿಂಗ್ ಮತ್ತು ಕನ್ಸಲ್ಟೆನ್ಸಿಯಲ್ಲಿ ತೊಡಗಿಸಿಕೊಂಡಿದೆ.
ಗುರುವಾರ ಈ ಕಂಪನಿಯ ಸ್ಟಾಕ್ ಬೆಲೆ 2.62% ಹೆಚ್ಚಳದ ನಂತರ ರೂ 150.75 ತಲುಪಿತು. ಐದು ದಿನಗಳ ಹಿಂದೆ ಫೆಬ್ರವರಿ 2 ರಂದು ಈ ಸ್ಟಾಕ್ ಬೆಲೆ 130.35 ರೂ. ಇತ್ತು. ಈಗ 15.65% ಹೆಚ್ಚಳದ ನಂತರ ರೂ 150.75 ತಲುಪಿತು.
ಒಂದು ತಿಂಗಳ ಅವಧಿಯಲ್ಲಿ, ಈ ಸ್ಟಾಕ್ ಹೂಡಿಕೆದಾರರಿಗೆ ಪ್ರಚಂಡ ಆದಾಯವನ್ನು ಗಳಿಸಿತು. ಒಂದು ತಿಂಗಳ ಹಿಂದೆ ಜನವರಿ 9 ರಂದು, ಈ ಸ್ಟಾಕ್ ಬೆಲೆ ರೂ 94.10 ರಷ್ಟಿತ್ತು, ಅಲ್ಲಿಂದ ಇಲ್ಲಿಯವರೆಗೆ 60.20% ನಷ್ಟು ಹೆಚ್ಚಳವನ್ನು ದಾಖಲಿಸಿದೆ.
ಆರ್ಬಿಐ ಬಡ್ಡಿ ದರ ನೀತಿಗೆ ನೀರಸ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆಯಲ್ಲಿ ಕರಡಿಯ ಕುಣಿತ
ಎಂಜಿನ್ ತಯಾರಿಕೆ ಕಂಪನಿ ಷೇರು ಒಂದೇ ದಿನದಲ್ಲಿ 10% ಏರಿಕೆ: 11 ತಜ್ಞರು ಖರೀದಿಗೆ ಸಲಹೆ ನೀಡಿದ್ದೇಕೆ?