ಮುಂಬೈ: ಷೇರುಪೇಟೆ ಸೂಚ್ಯಂಕಗಳಾದ ಬಿಎಸ್ಇ ಸೆನ್ಸೆಕ್ಸ್ ಮತ್ತು ಎನ್ಎಸ್ಇ ನಿಫ್ಟಿಗಳು ಮಂಗಳವಾರ ಆರಂಭಿಕ ವಹಿವಾಟಿನಲ್ಲಿ ಲಾಭಾಂಶ ದಾಖಲಿಸಿವೆ. ಸೆನ್ಸೆಕ್ಸ್ 120ಕ್ಕೂ ಹೆಚ್ಚು ಅಂಶ ಏರಿಕೆ ದಾಖಲಿಸಿದರೆ, ನಿಫ್ಟಿ 13,000 ದ ಗಡಿ ದಾಟಿದೆ. ಉತ್ತಮ ಜಿಡಿಪಿ ಡೇಟಾ ನಿರೀಕ್ಷೆ ಮತ್ತು ವಿದೇಶಿ ಬಂಡವಾಳದ ಒಳಹರಿವಿನ ಪ್ರಮಾಣ ಹೆಚ್ಚಾದ ಕಾರಣ ಈ ಏರಿಕೆ ಕಂಡುಬಂದಿದೆ.
ಮಂಗಳವಾರ ಆರಂಭಿಕ ವಹಿವಾಟಿನಲ್ಲಿ ಸೆನ್ಸೆಕ್ಸ್ 126.62 ಅಂಶ ಏರಿದ್ದು 44,276.34 ಅಂಶದಲ್ಲಿ ವಹಿವಾಟು ನಡೆಸಿದೆ. ಇದೇ ವೇಳೆ, ನಿಫ್ಟಿ 32.45 ಅಂಶ ಏರಿ 13,001.40 ಅಂಶದಲ್ಲಿ ವಹಿವಾಟು ಮುಂದುವರಿಸಿದೆ. ಸೆನ್ಸೆಕ್ಸ್ನಲ್ಲಿ ಅಲ್ಟ್ರಾಟೆಕ್ ಸಿಮೆಂಟ್ ಷೇರು ಶೇಕಡ 2.5 ಏರಿಕೆಯೊಂದಿಗೆ ವಹಿವಾಟು ಮುಂದುವರಿಸಿದರೆ, ಇನ್ಫೋಸಿಸ್, ಸನ್ಫಾರ್ಮಾ, ಬಜಾಜ್ ಆಟೋ, ಎಚ್ಡಿಎಫ್ಸಿ ಷೇರುಗಳು ಲಾಭಾಂಶದಲ್ಲಿ ವಹಿವಾಟು ನಡೆಸಿವೆ.
ಇದನ್ನೂ ಓದಿ: ಕ್ರಾಂತಿಕಾರಿ ಬದಲಾವಣೆಗೆ ಸರ್ಕಾರ ಸನ್ನದ್ಧ: ಶಿಕ್ಷಣ ನೀತಿಯಲ್ಲಿ ಸಮಾನತೆ ಉತ್ತೇಜನ
ಇನ್ನೊಂದೆಡೆ, ಒಎನ್ಜಿಸಿ, ಎಂಆ್ಯಂಡ್ಎಂ, ನೆಸ್ಟ್ಲೆ ಇಂಡಿಯ, ಏಕ್ಸಿಸ್ ಬ್ಯಾಂಕ್ ಮತ್ತು ಎಚ್ಡಿಎಫ್ಸಿ ಷೇರು ನಷ್ಟ ಅನುಭವಿಸಿವೆ. ನಿನ್ನೆಯ ವಹಿವಾಟಿನಲ್ಲಿ ಸೆನ್ಸೆಕ್ಸ್ 110.2 ಅಂಶ ಇಳಿಕೆಯೊಂದಿಗೆ 44,149.72ರಲ್ಲಿ ಹಾಗೂ ನಿಫ್ಟಿ 18.05 ಅಂಶ ಇಳಿಕೆಯೊಂದಿಗೆ 12,9689.95 ಅಂಶದಲ್ಲಿ ದಿನದ ವಹಿವಾಟು ಮುಗಿಸಿದ್ದವು. (ಏಜೆನ್ಸೀಸ್)
ಪುರುಷರೆಲ್ಲರೂ ಧರ್ಮ, ಉದ್ಯೋಗ, ಆದಾಯ ಘೋಷಿಸಿ ಮದುವೆ ಮಾತುಕತೆ ಮುಂದುವರಿಸಿ – ಅಸ್ಸಾಂ ಸಚಿವ