ಐಸ್ ಕ್ರೀಮ್ ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ. ಇದರ ಟೇಸ್ಟ್ಗೆ ಪ್ರತಿಯೊಬ್ಬರು ಸೋಲುತ್ತಾರೆ. ಐಸ್ ಕ್ರೀಮ್ ಸವಿಯುವಾಗ ಬೇಸರದ ಸಂಗತಿ ಏನೆಂದರೆ, ಅದು ಬೇಗ ಮೆಲ್ಟ್ ಆಗಿಬಿಡುತ್ತದೆ. ಇದರಿಂದ ಕಿರಿಕಿರಿ ಅನುಭವಿಸಬೇಕಾಗುತ್ತದೆ. ಆದಾಗ್ಯೂ, ಸೂರ್ಯೋದಯದ ನಾಡು ಜಪಾನ್‌ನಲ್ಲಿ ಬೇಸಿಗೆಯ ಶಾಖದಲ್ಲಿಯೂ ಕರಗದ ಐಸ್ ಕ್ರೀಮ್ ಇದೆ. ಈ ಐಸ್ ಕ್ರೀಮ್ನ ಹೆಸರು “ಕನಜವಾ”.
ಕನಜವಾ ಐಸ್ ಕ್ರೀಂನಲ್ಲಿ ಪಾಲಿಫಿನಾಲ್ (ಪಾಲಿಫಿನಾಲ್ಗಳು ಅನೇಕ ಸಸ್ಯಗಳಲ್ಲಿ ನೈಸರ್ಗಿಕವಾಗಿ ಕಂಡುಬರುವ ಸಂಯುಕ್ತಗಳ ಒಂದು ದೊಡ್ಡ ಗುಂಪು) ಎಂಬ ಬೈಂಡಿಂಗ್ ಏಜೆಂಟ್ ಇರುತ್ತದೆ. ಈ ಪಾಲಿಫಿನಾಲ್ ಐಸ್ ಕ್ರೀಮ್ ತ್ವರಿತವಾಗಿ ಕರಗದಂತೆ ಸಹಾಯ ಮಾಡುತ್ತದೆ ಮತ್ತು ಐಸ್ ಕ್ರೀಮ್ ಆಕಾರವನ್ನು ಗಂಟೆಗಳವರೆಗೆ ಹಿಡಿದಿಟ್ಟುಕೊಳ್ಳುತ್ತದೆ. ಈ ಆವಿಷ್ಕಾರದ ಹಿಂದೆ ಜಪಾನ್ನ ಬಯೋಥೆರಪಿ ಅಭಿವೃದ್ಧಿ ಕೇಂದ್ರದ ಕೈಚಳಕವಿದೆ.
ಈ ಐಸ್ ಕ್ರೀಮ್ ಸಂಪೂರ್ಣವಾಗಿ ಆಕಸ್ಮಿಕವಾಗಿ ತಯಾರಿಸಲ್ಪಟ್ಟಿದೆ ಎಂದು ಬಯೋಥೆರಪಿ ಅಭಿವೃದ್ಧಿ ಕೇಂದ್ರ ತಿಳಿಸಿದೆ. ಸ್ಟ್ರಾಬೆರಿಯಿಂದ ಹೊರತೆಗೆಯಲಾದ ಪಾಲಿಫಿನಾಲ್ ದ್ರವವು ಐಸ್ ಕ್ರೀಮ್ ತಯಾರಿಕೆಯ ಸಮಯದಲ್ಲಿ ಐಸ್ ಕ್ರೀಮ್ ಅನ್ನು ದಪ್ಪವಾಗಿಸುವುದು ಕಂಡುಬಂದಿದೆ. ಈ ಐಸ್ ಕ್ರೀಮ್ಗಳು ಕರಗದೆ ಮೂರು ಗಂಟೆಗಳವರೆಗೆ ಇರುತ್ತದೆ ಎಂದು ಹೇಳಲಾಗುತ್ತದೆ.
ಇದೇ ಸಂದರ್ಭದಲ್ಲಿ ಬೇಸಿಗೆಯ ಶಾಖದಲ್ಲಿ ಬೇಗ ಕರಗದ ಇನ್ನೊಂದು ರೀತಿಯ ಐಸ್ ಕ್ರೀಮ್ ಕಳೆದ ವರ್ಷ ಮಧ್ಯ ಜಪಾನಿನ ನಗರಗಳಲ್ಲಿ ಮಾರಾಟವಾಯಿತು. ‘ಒಟ್ಟೇಗಿ ಐಸ್ ಕ್ರೀಮ್’ ತಯಾರಿಕೆಯ ಸಮಯದಲ್ಲಿ ಕೊನೆಯ ಹಂತದಲ್ಲಿ ಅಕ್ಕಿ ಹಿಟ್ಟನ್ನು ಸೇರಿಸಲಾಗುತ್ತದೆ. ಇದು ಶಾಖದಿಂದ ಐಸ್ ಕ್ರೀಮ್ ಕರಗುವುದನ್ನು ತಡೆಯುತ್ತದೆ. (ಏಜೆನ್ಸೀಸ್)
ಅದನ್ನು ದಪ್ಪ ಮಾಡಿಕೊಳ್ಳಲು ಹೇಳುತ್ತಿದ್ದರು! ಸಿನಿ ಇಂಡಸ್ಟ್ರಿಯ ಕರಾಳತೆ ಬಿಚ್ಚಿಟ್ಟ ನಟಿ ಸಮೀರಾ ರೆಡ್ಡಿ
ಈ ಒಂದು ಗಿಫ್ಟ್ ಕೊಟ್ಟರೆ ನಾನು ನಿಮ್ಮವಳು! ಅಭಿಮಾನಿಗಳಿಗೆ ಬಂಪರ್ ಆಫರ್ ಕೊಟ್ಟ ಅನುಪಮಾ