ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ಮನುಷ್ಯನ ಜೀವಿತಾವಧಿ ಕುಗ್ಗುತ್ತಿದೆ. ಈ ಹಿಂದೆ 100 ವರ್ಷ ಬದುಕುತ್ತಿದ್ದ ಮನುಷ್ಯ ಈಗ 60 ವರ್ಷ ಬದುಕುತ್ತಿದ್ದಾನೆ. ಅಂದರೆ 40 ವರ್ಷಗಳ ಜೀವಿತಾವಧಿ ಕಡಿಮೆಯಾಗಿದೆ. ಇದನ್ನು ಹೆಚ್ಚಿಸುವ ಸಲುವಾಗಿ ವಿಜ್ಞಾನಿಗಳು ಸಂಶೋಧನೆ ನಡೆಸಿದ್ದು, ಇದೀಗ ಅಂಥ ಔಷಧವನ್ನು ಸಿದ್ಧಪಡಿಸುವ ಹಂತ ತಲುಪಿದ್ದಾರೆ.
ಅಮೆರಿಕದ ದಕ್ಷಿಣ ಕ್ಯಾಲಿಫೋರ್ನಿಯಾದ ಯುಎಸ್ಸಿ ಡಾರ್ನ್ಸೈಫ್ ಕಾಲೇಜ್ ಆಫ್ ಲೆಟರ್ಸ್, ಆರ್ಟ್ಸ್ ಆ್ಯಂಡ್ ಸೈನ್ಸಸ್ನ ಸಂಶೋಧಕರು ಪ್ರಯೋಗಾಲಯದಲ್ಲಿ ವಿವಿಧ ಜೀವಿಗಳ ಮೇಲೆ ಈ ಔಷಧವನ್ನು ಪ್ರಯೋಗಿಸಿದ್ದು, ಅವುಗಳ ಜೀವಿತಾವಧಿ ಹಿಗ್ಗಿದೆ. ಅವುಗಳಂತೆ ಮನುಷ್ಯರ ಜೀವಿತಾವಧಿಯನ್ನು ಈ ಔಷಧ ಹಿಗ್ಗಿಸುತ್ತದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಪತಿಯ ಅಗಲಿಕೆ ಬೆನ್ನಲ್ಲೇ ಪೋಷಕರು ಮಾಡಿದ ನಿರ್ಧಾರಕ್ಕೆ ಬೇಸತ್ತು ಗೃಹಿಣಿ ನೇಣಿಗೆ ಶರಣು
ಜರ್ನಲ್ ಆಫ್ ಜೀರಾಂಟಾಲಜಿ: ಬಯೋಲಾಜಿಕಲ್ ಸೈನ್ಸ್ಸ್ ಎಂಬ ಜರ್ನಲ್ನಲ್ಲಿ ಜು.10ರಂದು ಪ್ರಕಟವಾಗಿರುವ ಅಧ್ಯಯನ ವರದಿಯ ಪ್ರಕಾರ, ನೊರಜು ಡ್ರಾಸೋಫಿಲಾಕ್ಕೆ ಮೈಫ್ಪ್ರಿಸ್ಟೋನ್ ಎಂಬ ಔಷಧವನ್ನು ನೀಡಿದಾಗ ಹೆಣ್ಣು ನೊರಜುಗಳ ಜೀವಿತಾವಧಿ ಹೆಚ್ಚಾಗಿದ್ದು ಕಂಡುಬಂದಿರುವುದಾಗಿ ಹೇಳಿದ್ದಾರೆ.
ಗಂಡು ಮತ್ತು ಹೆಣ್ಣು ನೊರಜು ಕೂಡಿಕೊಂಡಾಗ ಗಂಡು ನೊರಜಿನಿಂದ ಹೆಣ್ಣು ನೊರಜಿಗೆ ಸೆಕ್ಸ್ ಪೆಪ್ಟೈಡ್ ಎಂಬ ಅಂಶವೂ ದಾಟಿಕೊಳ್ಳುತ್ತದೆ. ಈ ಸೆಕ್ಸ್ ಪೆಪ್ಟೈಡ್ನಿಂದಾಗಿ ಹೆಣ್ಣು ನೊರಜಿನಲ್ಲಿ ಉರಿಯೂತ ಕಾಣಿಸಿಕೊಂಡು ಅದು ಅಸ್ವಸ್ಥಗೊಳ್ಳುತ್ತದೆ. ಜತೆಗೆ ಅದರ ಜೀವಿತಾವಧಿ ಕ್ಷೀಣಿಸುತ್ತದೆ.
ಗಂಡಿನೊಂದಿಗೆ ಕೂಡಿಕೊಂಡ ಬಳಿಕ ಹೆಣ್ಣು ನೊರಜಿಗೆ ಮೈಫ್ಪ್ರಿಸ್ಟೋನ್ ಔಷಧ ಕೊಟ್ಟಾಗ ಸೆಕ್ಸ್ ಪೆಪ್ಟೈಡ್ನಿಂದ ಆಗುವ ಪರಿಣಾಮಗಳು ಕಡಿಮೆಯಾಗಿ, ಅದರ ಜೀವಿತಾವಧಿ ಹಿಗ್ಗಿದ್ದನ್ನು ಹಾಗೂ ಈ ಔಷಧ ಪಡೆಯದ ಹೆಣ್ಣು ನೊರಜುಗಳು ಬೇಗನೆ ಸತ್ತಿದ್ದನ್ನು ಗಮನಿಸಿರುವುದಾಗಿ ವಿಜ್ಞಾನಿಗಳು ಹೇಳಿದ್ದಾರೆ.
ಮೈಫ್ಪ್ರಿಸ್ಟೋನ್ ಔಷಧವನ್ನು ವೈದ್ಯರು ಆರಂಭಿಕ ಹಂತದ ಗರ್ಭಪಾತ ಮಾಡಲು ಬಳಸುತ್ತಾರೆ. ಜತೆಗೆ ಕ್ಯಾನ್ಸರ್ ಮತ್ತು ಕಷಿಂಗ್ ಕಾಯಿಲೆ (ಔಷಧ ಸೇವನೆಯಿಂದಾಗಿ ಮುಖ ದುಂಡಗಾಗುವುದು ಹಾಗೂ ಹೊಟ್ಟೆ ಉಬ್ಬುವುದು) ಚಿಕಿತ್ಸೆಗೂ ಇದನ್ನು ಬಳಸಲಾಗುತ್ತದೆ.
ಈ ಔಷಧವು ವಂಶಾಭಿವೃದ್ಧಿ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಜತೆಗೆ ರೋಗನಿರೋಧಕ ಶಕ್ತಿಯ ಪ್ರತಿಕ್ರಿಯಾತ್ಮಕ ಪ್ರಕ್ರಿಯೆಯನ್ನು ಪ್ರಭಾವಿಸುತ್ತದೆ. ಇದರ ಜತೆಗೆ ಮನುಷ್ಯರ ಜೀವಿತಾವಧಿಯನ್ನು ಹಿಗ್ಗಿಸುವ ಗುಣ ಇದರಲ್ಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಯಾಮಾರಿಬಿಟ್ಟೆನಪ್ಪಾ… ಕಣ್ಣು ಕಿತ್ತರೂ ನಿದ್ದೆ ಬರ್ತಿಲ್ಲ: ಜಗ್ಗೇಶ್‌ ನೋವಿನ ನುಡಿ