ನವದೆಹಲಿ : ಇಂದು ಆಕಾಶದೆಡೆಗೆ ನಿಮ್ಮ ದೃಷ್ಟಿ ಹರಿಸುವುದಕ್ಕೆ ಒಳ್ಳೆಯ ಸಮಯ. ಟೆಲಿಸ್ಕೋಪ್ ಇರುವವರಿಗೆ ವಿಸ್ಮಯಪೂರ್ಣ ಅನುಭವಕ್ಕೆ ಅವಕಾಶ. ಭೂಮಿ ಮತ್ತು ಶನಿಗ್ರಹದ ನಡುವಿನ ಅಂತರ ಇಂದು ಕಡಿಮೆಯಾಗಲಿದೆ. ಒಂದು ವರ್ಷ 13 ದಿನಗಳ ನಂತರ ಈ ಪ್ರಕ್ರಿಯೆ ಕಂಡುಬರುತ್ತಿದೆ.
ಭಾರತದಲ್ಲಿ ಇಂದು ಬೆಳಿಗ್ಗೆ 11.30 ಕ್ಕೆ ರಿಂಗ್ಗಳನ್ನುಳ್ಳ ಬೃಹತ್ ಶನಿಗ್ರಹವು ಆಕಾಶದಲ್ಲಿ ಹತ್ತಿರಕ್ಕೆ ಕಾಣುವುದು. ಇದೇ ಸಮಯಕ್ಕೆ ರಾತ್ರಿಯಾಗಿರುವ ದೇಶಗಳಲ್ಲಿ ಶನಿಗ್ರಹವು ಆಕಾಶದಲ್ಲಿ ಹೆಚ್ಚು ಹೊಳಪು ತೋರುವುದನ್ನು ನೋಡಬಹುದು. ಈ ತಿಂಗಳು ಪೂರ್ತಿ ಈ ಪ್ರಕ್ರಿಯೆ ಕಂಡುಬರಲಿದೆ ಎನ್ನಲಾಗಿದೆ.
ಇದನ್ನೂ ಓದಿ: Breaking: ಹಾಕಿಯಲ್ಲಿ ದಾಖಲೆ ಬರೆದ ಭಾರತದ ವನಿತೆಯರು: 41 ವರ್ಷಗಳ ಬಳಿಕ ಐತಿಹಾಸಿಕ ಸಾಧನೆ
ಅಪೊಸಿಷನ್ ಎಂದು ಕರೆಯಲಾಗುವ ಈ ಪ್ರಕ್ರಿಯೆಯಲ್ಲಿ ಭೂಮಿ ಮತ್ತು ಶನಿ ನಡುವೆ 120 ಕೋಟಿ ಕಿಲೋಮೀಟರ್ ಅಂತರ ಇರಲಿದೆ. ಇದು ಸಾಮಾನ್ಯಕ್ಕಿಂತ 50 ಕೋಟಿ ಕಿಮೀ ಕಡಿಮೆ ಅಂತರವಾಗಿದೆ ಎಂದು ಖಗೋಳಶಾಸ್ತ್ರಜ್ಞರಾದ ಡಾ.ಸುವೇಂದು ಪಟ್ನಾಯಕ್ ಹೇಳಿದ್ದಾರೆ. ಇದೇ ರೀತಿಯ ಪ್ರಕ್ರಿಯೆ ಮತ್ತೆ 2022 ರ ಆಗಸ್ಟ್ 14 ರಂದು ನಡೆಯಲಿದೆ ಎಂದಿದ್ದಾರೆ. (ಏಜೆನ್ಸೀಸ್)
VIDEO | ಒಲಿಂಪಿಕ್ಸ್ನಲ್ಲಿ ಕಮಲ್ಪ್ರೀತ್ ಕೌರ್ರ ಡಿಸ್ಕಸ್ ಥ್ರೋ!