ಉತ್ತರಪ್ರದೇಶ: ಗುಪ್ತಾಂಗಕ್ಕೆ ಹಾವು ಕಚ್ಚಿದೆ ಎಂದು ವ್ಯಕ್ತಿಯೊಬ್ಬರು ವ್ಯದ್ಯಕೀಯ ಕಾಲೇಜಿಗೆ ದಾಖಲಾಗಿರುವ ವಿಚಿತ್ರ ಘಟನೆ ಉತ್ತರಪ್ರದೇಶದ ಹರ್ದೋಮ್‌ನಲ್ಲಿ ನಡೆದಿದೆ.
ಯುವಕನ ಪ್ರಕಾರ ಹಾವು ಹೊಟ್ಟೆಗೆ ನುಗ್ಗಿದ್ದು ಹೀಗೆ!
ಸೋಮವಾರ ರಾತ್ರಿ ಯುವಕನೊಬ್ಬ ಮೆಡಿಕಲ್ ಕಾಲೇಜಿನ ತುರ್ತು ಚಿಕಿತ್ಸಾ ಕೊಠಡಿಗೆ ತೆರಳಿ ಕರ್ತವ್ಯ ನಿರತ ವೈದ್ಯರಿಗೆ ಮಲ ವಿಸರ್ಜನೆ ಮಾಡುತ್ತಿದ್ದಾಗ ತನ್ನ ಖಾಸಗಿ ಅಂಗಕ್ಕೆ ಹಾವು ಕಚ್ಚಿದ್ದು, ನಂತರ ಹೊಟ್ಟೆಗೆ ನುಗ್ಗಿದೆ ಎಂದು ತಿಳಿಸಿದರು.
ಆದರೆ, ವೈದ್ಯರು ಕೂಲಂಕುಷವಾಗಿ ವ್ಯದ್ಯಕೀಯ ಪರೀಕ್ಷೆ ನಡೆಸಿದ ಬಳಿಕ ಹಾವು ಕಚ್ಚಿಲ್ಲ ಎಂಬುದು ಪತ್ತೆಯಾಗಿದೆ. ಮರುದಿನ ಬೆಳಿಗ್ಗೆ ಅವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು. ವ್ಯಕ್ತಿಯನ್ನು ಹರ್ದೋಯಿ ನಿವಾಸಿ 25 ವರ್ಷದ ಮಹೇಂದ್ರ ಎಂದು ಗುರುತಿಸಲಾಗಿದೆ.
ಮಹೇಂದ್ರ ಅವರ ಕುಟುಂಬವು ಸೋಮವಾರ ರಾತ್ರಿ 8:15 ಕ್ಕೆ ಹರ್ದೋಯ್‌ನ ವೈದ್ಯಕೀಯ ಕಾಲೇಜು ತುರ್ತುಸ್ಥಿತಿಗೆ ಆಗಮಿಸಿದೆ. ಕೊಟ್ಟಾಲಿ ಪ್ರದೇಶದ ಬನಿಯಾನಿ ಪುರ್ವಾ ಗ್ರಾಮದ ನಿವಾಸಿ ಮಹೇಂದ್ರ ದೇಹತ್, ಮಲ ವಿಸರ್ಜನೆಗಾಗಿ ಮೈದಾನಕ್ಕೆ ಹೋಗಿದ್ದರು. ಈ ಸಂದರ್ಭ ವಿಷಕಾರಿ ಸರ್ಪವು ಅವರಿಗೆ ಕಚ್ಚಿದ್ದು ನಂತರ ಹೊಟ್ಟೆಯನ್ನು ಪ್ರವೇಶಿಸಿದೆ ಎಂದು ಹೇಳಿದ್ದಾರೆ.
ಈತ ನಶೆಯಲ್ಲಿದ್ದನಂತೆ!
ಹೊಟ್ಟೆ ನೋವಿನಿಂದ ನರಳುತ್ತಿದ್ದ ಯುವಕ ತುರ್ತು ಚಿಕಿತ್ಸಾ ವಿಭಾಗದ ವೈದ್ಯರ ಬಳಿಯೂ ಇದೇ ವಿಷಯವನ್ನು ಹೇಳಿದ್ದಾನೆ. ವೈದ್ಯರು ಆತನ ದೇಹದ ಎಲ್ಲಾ ಭಾಗಗಳನ್ನು ಪರೀಕ್ಷಿಸಿದರು, ಆದರೆ ಅವರಿಗೆ ಯಾವುದೇ ಹಾವು ಕಂಡುಬಂದಿಲ್ಲ. ಆದರೆ, ಸಂತ್ರಸ್ತನಿಗೆ ಚಿಕಿತ್ಸೆ ನೀಡಿ ನೋವುನಿವಾರಕ ಮಾತ್ರೆಗಳನ್ನು ನೀಡಲಾಗಿದೆ.
ಮೆಡಿಕಲ್ ಕಾಲೇಜಿನ ತುರ್ತು ಚಿಕಿತ್ಸಾ ಕೊಠಡಿಯಲ್ಲಿ ಕೆಲಸ ಮಾಡುತ್ತಿದ್ದ ಡಾ. ಶೇರ್ ಸಿಂಗ್, ಯುವಕನಿಗೆ ಅಮಲು ಪದಾರ್ಥಗಳ ಚಟ ಇರುವುದು ಕಂಡುಬಂದಿದ್ದು, ಅಮಲು ಪದಾರ್ಥಗಳನ್ನು ಬಳಸಿದಾಗ ಆಗಾಗ ಹೊಟ್ಟೆನೋವು ಕಾಣಿಸಿಕೊಳ್ಳುತ್ತದೆ ಎಂದು ಹೇಳಿದ್ದಾರೆ. ಕುಡಿದ ಅಮಲಿನಲ್ಲಿ ಆತ ತನ್ನ ಕುಟುಂಬ ಸದಸ್ಯರೊಂದಿಗೆ ಈ ರೀತಿ ಮಾತನಾಡುತ್ತಿದ್ದರು.
ಕುಟುಂಬಸ್ಥರು ಭಯದಿಂದ ಆಸ್ಪತ್ರೆಗೆ ಧಾವಿಸಿ ಚಿಕಿತ್ಸೆ ಕೊಡಿಸಿದ್ದಾರೆ. ಮರುದಿನ ಬೆಳಿಗ್ಗೆ ಅವರ CT ಸ್ಕ್ಯಾನ್ ನಡೆಸಲಾಯಿತು ಮತ್ತು ಸಾಮಾನ್ಯವಾಗಿದೆ. ಹೊರಗೆ ತನಿಖೆ ನಡೆಸುವಂತೆ ಸೂಚಿಸಿದ ಬಳಿಕ ಮನೆಯವರು ಕರೆದುಕೊಂಡು ಹೋಗಿದ್ದಾರೆ. ಕುಡಿದ ಅಮಲಿನಲ್ಲಿ ಯುವಕ ಈ ರೀತಿ ವರ್ತಿಸುತ್ತಿದ್ದಾನೆ ಎಂದು ವಿವರಿಸಿದರು. ವ್ಯಕ್ತಿಯ ಗಾಯವು ಮಲವಿಸರ್ಜನೆ ಮಾಡುವಾಗ ಮರದ ತುಂಡಿನಿಂದ ಬಡಿದಿದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)