ಬಾಲಿವುಡ್ ನಟ ಸಲ್ಮಾನ್ ಖಾನ್, ನಟನೆ ಜತೆಗೆ ಹಲವು ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಹೊಸ ಹೊಸ ಕಲಾವಿದರನ್ನು, ತಮ್ಮ ಕುಟುಂಬದ ಕೆಲವರನ್ನು ಬಾಲಿವುಡ್ಗೆ ಪರಿಚಯಿಸಿದ್ದಾರೆ. ಹೀಗಿರುವಾಗಲೇ ರೊಮ್ಯಾನಿಯಾ ಬೆಡಗಿ, ಸಲ್ಮಾನ್ ಖಾನ್ ಪ್ರೇಯಸಿ ಎಂದೇ ಕರೆಸಿಕೊಳ್ಳುವ ಲುಲಿಯಾ ವೆಂಚರ್ ಚಿತ್ರವನ್ನು ಸ್ವತಃ ಸಲ್ಮಾನ್ ಖಾನ್ ನಿರ್ಮಾಣ ಮಾಡಲಿದ್ದಾರೆ ಎಂಬ ಸುದ್ದಿ ಸದ್ಯ ಬಾಲಿವುಡ್ನಲ್ಲಿ ಹರಿದಾಡುತ್ತಿದೆ.
ಇದನ್ನೂ ಓದಿ: ತೆರೆಮೇಲೆ ಮತ್ತೆ ಮುನ್ನಾಭಾಯಿ, ಸರ್ಕಿಟ್ ಮೋಡಿ!?
ಸಲ್ಮಾನ್ ಖಾನ್ ಬಂಡವಾಳ ಹೂಡುವುದಕ್ಕೆ ಮುಖ್ಯ ಕಾರಣ, ಲೂಲಿಯಾ ನಟಿಸಬೇಕಿದ್ದ ಸಿನಿಮಾವೊಂದು ಸ್ಥಗಿತಗೊಂಡಿದ್ದು. ಹೌದು. ಕಳೆದ ಎರಡು ವರ್ಷಗಳ ಹಿಂದೆಯೇ ಪ್ರೇಮ್ ಸೋನಿ ನಿರ್ದೇಶನದಲ್ಲಿ ಶೀರ್ಷಿಕೆ ಅಂತಿಮವಾಗದ ಚಿತ್ರದಲ್ಲಿ ಲೂಲಿಯಾ ನಾಯಕಿಯಾಗಿ ಆಯ್ಕೆಯಾಗಿದ್ದರು. ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿದ್ದ ಆ ಸಿನಿಮಾ ಮೂಲಕ ಬಾಲಿವುಡ್ಗೆ ಪದಾರ್ಪಣೆ ಮಾಡುವ ಖುಷಿಯಲ್ಲಿದ್ದರು ಲೂಲಿಯಾ. ಆ ಚಿತ್ರದ ಒಂದಷ್ಟು ಭಾಗದ ಚಿತ್ರೀಕರಣವೂ ಆಗಿತ್ತು. ಆದರೆ, ಇದೀಗ ಆ ಸಿನಿಮಾ ನಿಂತಿದೆ. ಹಾಗಾಗಿ ಪ್ರೇಯಸಿ ಸಲುವಾಗಿ ಸ್ವತಃ ಸಲ್ಮಾನ್ ಖಾನ್, ಹೊಸ ಚಿತ್ರವೊಂದನ್ನು ನಿರ್ಮಾಣ ಮಾಡಲಿದ್ದಾರಂತೆ.
ಇದನ್ನೂ ಓದಿ: ಶಿವಣ್ಣ ಮತ್ತು ದರ್ಶನ್ ಪಾಲಿಗೆ ಇಂದು ಮರೆಯಲಾಗದ ದಿನ!
ಸದ್ಯ ಫಾರ್ಮ್ ಹೌಸ್ನಲ್ಲಿ ಜಾಕ್ಲೀನ್ ಮತ್ತು ಲುಲಿಯಾ ವೆಂಚರ್ ಜತೆಗೆ ಕಾಲಕಳೆಯುತ್ತಿರುವ ಸಲ್ಮಾನ್ ಖಾನ್, ಲಾಕ್ಡೌನ್ ತೆರವಾಗುವುದನ್ನೇ ಕಾಯುತ್ತಿದ್ದಾರೆ. ಲಾಕ್ಡೌನ್ ಮುಗಿಯುತ್ತಿದ್ದಂತೆ, ಸಿನಿಮಾ ಕೆಲಸಗಳಿಗೆ ಚಾಲನೆ ಸಿಗುತ್ತಿದ್ದಂತೆ ಲೂಲಿಯಾಗೋಸ್ಕರ ಹೊಸ ಸಿನಿಮಾ ಘೋಷಣೆ ಮಾಡಲಿದ್ದಾರಂತೆ. ಹಾಗಾದರೆ ಆ ಚಿತ್ರದಲ್ಲಿ ಸಲ್ಮಾನ್ ಇರ್ತಾರಾ? ಸದ್ಯಕ್ಕೆ ಅದಿನ್ನೂ ನಿಗೂಢ! (ಏಜೆನ್ಸೀಸ್)