ರೈಲು ನಿಲ್ದಾಣದಲ್ಲಿ ಭೋಜ್‌ಪುರಿ ಹಾಡಿಗೆ ಯುವತಿ ನೃತ್ಯ: ಜವಾಬ್ದಾರಿ ಇಲ್ಲವೇ ಎಂದಿದ್ದೇಕೆ ನೆಟ್ಟಿಗರು?

2 Min Read
ರೈಲು ನಿಲ್ದಾಣದಲ್ಲಿ ಭೋಜ್‌ಪುರಿ ಹಾಡಿಗೆ ಯುವತಿ ನೃತ್ಯ: ಜವಾಬ್ದಾರಿ ಇಲ್ಲವೇ ಎಂದಿದ್ದೇಕೆ ನೆಟ್ಟಿಗರು?

ನವದೆಹಲಿ: ಸೋಷಿಯಲ್ ಮೀಡಿಯಾ ಸ್ಟಾರ್‌ಡಮ್ ಯುಗದಲ್ಲಿ, ಹಲವರು ಖ್ಯಾತಿ ಪಡೆಯಲು ಮತ್ತು ಜಾಗತಿಕವಾಗಿ ಪ್ರಚಾರ ಗಿಟ್ಟಿಸಿಕೊಳ್ಳಲು ಸಿಕ್ಕ ಅವಕಾಶ ಬಳಸಿಕೊಳ್ಳುತ್ತಿದ್ದಾರೆ. ಹೀಗೆ ಮಾಡಿದ ತಮ್ಮ ವಿಶಿಷ್ಟ ಮತ್ತು ಆಕರ್ಷಕ ವೀಡಿಯೊಗಳನ್ನು ಪ್ರದರ್ಶಿಸುವ ಪ್ರವೃತ್ತಿಯು ಪ್ರಚಲಿತವಾಗಿದೆ. ಆದಾಗ್ಯೂ, ಈ ಪ್ರವೃತ್ತಿಯಲ್ಲಿನ ಇತ್ತೀಚಿನ ಬದಲಾವಣೆಯು ಕಂಟೆಂಟ್ ರಚನೆಕಾರರು ಸಾರ್ವಜನಿಕ ಸ್ಥಳಗಳನ್ನು ಪೂರ್ವಸಿದ್ಧತೆಯಿಲ್ಲದ ನೃತ್ಯ ಪ್ರದರ್ಶನ ಸೇರಿ ತಮ್ಮ ಸ್ಟಂಟ್​ಗಳಿಗೆ ಬಳಸಿಕೊಳ್ಳುವ ಮೂಲಕ ಸಾರ್ವಜನಿಕರಿಗೆ ಅಡ್ಡಿಪಡಿಸುವುದು ಕಂಡುಬರುತ್ತಿದೆ. ಇದಕ್ಕೆ ತಾಜಾ ಉದಾಹರಣೆ ಕಂಟೆಂಟ್​ ಕ್ರಿಯೇಟರ್​ ಸಹೇಲಿ ರುದ್ರ ಕಿಕ್ಕಿರಿದ ರೈಲ್ವೆ ನಿಲ್ದಾಣದಲ್ಲಿ ರೋಮಾಂಚಕ ನೃತ್ಯ ಮಾಡಿ ಗಮನ ಸೆಳೆದರು. ಈಕೆಯ ವೀಡಿಯೋ ನೋಡಿ ನೆಟ್ಟಿಗರಲ್ಲಿ ಕೆಲವರು ಆತ್ಮವಿಶ್ವಾಸ ಮತ್ತು ಪ್ರತಿಭೆಯನ್ನು ಹೊಗಳಿದರೆ, ಇನ್ನು ಕೆಲವರು ಈ ಕೃತ್ಯವನ್ನು ಪ್ರಚಾರದ ಸ್ಟಂಟ್ ಎಂದು ಟೀಕಿಸಿದ್ದಾರೆ.

ಇದನ್ನೂ ಓದಿ: ರಾಜ್ಯದಲ್ಲಿ ಚಳಿ ಮಧ್ಯೆ 4 ದಿನ ಮಳೆ..ಯಾವ ಜಿಲ್ಲೆಗಳಲ್ಲಿ ಅಧಿಕ ವರ್ಷಧಾರೆಯಾಗಲಿದೆ?
ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ್ಗೆ ನೃತ್ಯ ವೀಡಿಯೊಗಳನ್ನು ಹಂಚಿಕೊಳ್ಳಲು ಹೆಸರುವಾಸಿಯಾಗಿರುವ ಸಹೇಲಿ ರುದ್ರ ಈ ಬಾರಿ ಜನಜಂಗುಳಿಯಿಂದ ಕೂಡಿದ ಗದ್ದಲದ ರೈಲು ನಿಲ್ದಾಣದಲ್ಲಿ ಭೋಜ್‌ಪುರಿ ನೃತ್ಯ ಪ್ರದರ್ಶಿಸಿದ್ದು, ವೈರಲ್​ ಆಗಿದೆ. ಇದು ಆಕೆಯ ನೃತ್ಯಕ್ಕೆ ಬೆರಗಾಗಿ ಆಗಿದ್ದಲ್ಲ, ಬೇಜಯಾಬ್ದಾರಿಯಿಂದ ಮಾಡಿದ ಈ ಮಹಾ ಕಾರ್ಯಕ್ಕೆ. ಟ್ರೆಂಡಿಂಗ್ ಆಗಿರುವ ಭೋಜ್‌ಪುರಿ ಹಾಡಿನ ‘ಅಪ್ನೆ ಲವರ್ ಕೋ ಧೋಖಾ ದೋ.’ ಹಾಡಿನ ಬೀಟ್‌ಗಳಿಗೆ ಸಹೇಲಿ ನೃತ್ಯ ಮಾಡುತ್ತಿರುವ ವುದನ್ನು ವೀಡಿಯೋದಲ್ಲಿ ಸೆರೆಹಿಡಿದು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದೆ.

ವೀಡಿಯೋದಲ್ಲಿ ಸಹೇಲಿ ಸುತ್ತಲಿನ ಗದ್ದಲಕ್ಕೆ ಹಿಂಜರಿಯುವುದಿಲ್ಲ, ಜನರಿಂದ ತುಂಬಿದ ರೈಲು ನಿಲ್ದಾಣದ ಮಧ್ಯೆ ನಗುವಿನೊಂದಿಗೆ ನೃತ್ಯ ಪ್ರದರ್ಶಿಸುತ್ತಾಳೆ. ಈ ಕ್ಲಿಪ್ ಈಗ ವೈರಲ್ ಆಗಿದ್ದು, 13,000 ಕ್ಕೂ ಹೆಚ್ಚು ಇಷ್ಟಗಳನ್ನು ಸಂಗ್ರಹಿಸಿದೆ, ಸಂಖ್ಯೆಗಳು ಏರುತ್ತಲೇ ಇವೆ. ಹಲವರು ಆಕೆಯ ನೃತ್ಯ ಕೌಶಲ್ಯ ಮತ್ತು ಪ್ರತಿಭೆಯನ್ನು ಶ್ಲಾಘಿಸಿದರೆ, ಬಹುತೇಕರು ಸಾರ್ವಜನಿಕ ಸ್ಥಳದಲ್ಲಿ ಇಂತಹ ವರ್ತನೆ ತೋರಿದ್ದಕ್ಕೆ ಟೀಕಿಸಿದ್ದಾರೆ ಮತ್ತು ಟ್ರೋಲ್ ಮಾಡಿದ್ದಾರೆ. ಕೆಲವರು ಇದನ್ನು ಪ್ರಚಾರದ ಸ್ಟಂಟ್, ಅಸಾಂಪ್ರದಾಯಿಕ ವಿಧಾನಗಳ ಮೂಲಕ ಜನರ ಗಮನ ಸೆಳೆಯುತ್ತಿದ್ದಾಳೆ ಎಂದು ಆರೋಪಿಸಿದ್ದಾರೆ.

See also  ಮಾಲಿನ್ಯದಿಂದ ಭಾರತದಲ್ಲೇ ಅತಿ ಹೆಚ್ಚು ಸಾವು

ಕಾಮೆಂಟ್‌ಗಳ ನಡುವೆ, ಇನ್‌ಸ್ಟಾಗ್ರಾಮ್ ಬಳಕೆದಾರರು ಈಕೆಯ ಆತ್ಮ ವಿಶ್ವಾಸದ ವರ್ತನೆಯನ್ನು ಹೈಲೈಟ್ ಮಾಡಿದ್ದಾರೆ, ಇಷ್ಟು ಆತ್ಮವಿಶ್ವಾಸ ನನಗೆ ಜೀವನದಲ್ಲಿ ಬೇಕು ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರ, ಸಾರ್ವಜನಿಕ ಸ್ಥಳಗಳಲ್ಲಿ ಜವಾಬ್ದಾರಿ ತೋರಬೇಕು, ಅದೇ ರೀತಿ ಮನೆಯಲ್ಲೂ ಸಹ, ನನ್ನ ತಾಯಿ ನನ್ನ ಕೋಣೆಗೆ ಪ್ರವೇಶಿಸಿದಾಗ ನಾನು ನನ್ನ ನೃತ್ಯವನ್ನು ಇಲ್ಲಿ ನಿಲ್ಲಿಸುತ್ತೇನೆ ಎಂದು ಕಾಮೆಂಟ್ ಮಾಡಿದ್ದಾರೆ. ಒಬ್ಬ ವ್ಯಕ್ತಿಯು “ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್ ಕಿ ಭವಿಷ್ಯದ ವಿಜೇತೆ” ಎಂದು ವ್ಯಂಗ್ಯವಾಡಿದ್ದಾರೆ.

ಹೊಸ ಅವತಾರವೆತ್ತುವ ಕರೋನಾ ವೈರಸ್​ ವಿರುದ್ಧ ಹೋರಾಡಲು ಮುಂಜಾಗ್ರತೆ ಮದ್ದಲ್ಲವೇ?

Share This Article