ದಪ್ಪ ಇದ್ದೀನಿ ಎಂದು ಪತಿ ಮುಟ್ಟುತ್ತಿಲ್ಲ... ಡಿವೋರ್ಸ್‌ ಕೊಡು ಎಂದು ಹಿಂಸಿಸುತ್ತಿದ್ದಾರೆ, ಏನು ಮಾಡಲಿ?

ಉತ್ತರ: ಹೆಂಡತಿ ಅಥವಾ ಗಂಡ ದಪ್ಪ ಅಥವಾ ಸಣ್ಣ ಎನ್ನುವ ಕಾರಣಕ್ಕೆ ಯಾವ ನ್ಯಾಯಾಲಯವೂ ವಿಚ್ಛೇದನವನ್ನು ಕೊಡುವುದಿಲ್ಲ. ನಿಮ್ಮಿಂದ ನಿಮ್ಮ ಪತಿಗೆ ಆಗಿರುವ ಕ್ರೂರತೆ ಏನು ಎನ್ನುವುದನ್ನು ನಿಮ್ಮ ಪತಿ ಸಾಬೀತು ಪಡಿಸಿದಾಗ ಮಾತ್ರ ವಿಚ್ಛೇದನ ಸಿಗಬಹುದು.

ನೀವು ಹೆದರಬೇಡಿ. ತಕ್ಷಣವೇ ನೀವು ನಿಮ್ಮ ತಾಲ್ಲೂಕಿನ ಮಧ್ಯಸ್ಥಿಕೆ ಕೇಂದ್ರಕ್ಕೆ ಒಂದು ಅರ್ಜಿ ಕೊಡಿ. ನಿಮಗೂ ನಿಮ್ಮ ಪತಿಗೂ ಇರುವ ದಾಂಪತ್ಯ ಜೀವನದ ಭಿನ್ನಾಭಿಪ್ರಾಯವನ್ನು ಸರಿಪಡಿಸಿಕೊಡಿ ಎಂದು ಕೇಳಿಕೊಳ್ಳಿ. ಕೇಂದ್ರದವರು ನಿಮ್ಮ ಇಬ್ಬರನ್ನೂ, ಮತ್ತು ನಿಮ್ಮ ಪತಿಯ ಹಾಗೂ ನಿಮ್ಮ ಸಂಬಂಧಿಕರನ್ನೂ ಕರೆಯಿಸಿ ಮಧ್ಯಸ್ಥಿಕೆಗಾರರ ಮೂಲಕ ಮಾತಾಡಿ ನೋಡುತ್ತಾರೆ.

ಅಲ್ಲಿ ರಾಜಿ ಸೂತ್ರಕ್ಕೆ ಬರಬಹುದು. ಅಲ್ಲಿ ನಿಮ್ಮ ಪತಿ ಒಪ್ಪದಿದ್ದರೆ ನೀವು ಜೀವನಾಂಶಕ್ಕೆ ಪ್ರಕರಣ ದಾಖಲಿಸಿ. ನಿಮ್ಮ ಪತಿ ವಿಚ್ಛೇದನಕ್ಕೆ ಕೇಸು ಹಾಕಿದರೆ ಅದನ್ನು ಧೈರ್ಯವಾಗಿ ಎದುರಿಸಿ.

ಕಾನೂನಿಗೆ ಸಂಬಂಧಿಸಿದ ಇತರ ಪ್ರಶ್ನೋತ್ತರಗಳಿಗಾಗಿ ಈ ಲಿಂಕ್​ ಕ್ಲಿಕ್ಕಿಸಿ

https://www.vijayavani.net/category/%e0%b2%a8%e0%b3%8d%e0%b2%af%e0%b2%be%e0%b2%af%e0%b2%a6%e0%b3%87%e0%b2%b5%e0%b2%a4%e0%b3%86/

https://www.vijayavani.net/s-nyayadevate-ammana-asthi-tegedukondu/

https://www.vijayavani.net/s-nyayadevate-bereyavara-eduru-matra/

https://www.vijayavani.net/s-nyayadevate-patniya-mobilenalli-priyakarana/