ನವದೆಹಲಿ: ಎಲ್ಲಾದರೂ ವಾಹನದಲ್ಲಿ ಹೋಗುವಾಗ ಎದುರಿಗೆ ಹುಲಿ ಬಂದರೆ ಅದರಲ್ಲಿಯೂ ಮೂರು ಮೂರು ಹುಲಿ ಒಟ್ಟಿಗೇ ಬಂದರೆ ಹೇಗಿರುತ್ತೆ? ನೆನೆಸಿಕೊಂಡರೇ ಭಯ ಆಗುತ್ತಲ್ವಾ? ಆದರೆ ಇಲ್ಲೊಂದು ಅಂಥದ್ದೇ ಘಟನೆ ನಡೆದಿದ್ದು, ಅದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆದರೆ ಈ ಹುಲಿಗಳು ಥಟ್ ಎಂದು ಎದುರಿಗೆ ಬರಲಿಲ್ಲ. ಬದಲಿಗೆ ಟೂರಿಸ್ಟ್ ವ್ಯಾನ್ನಲ್ಲಿ ಪ್ರವಾಸಿಗರು ಹೋಗುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಟೂರಿಸ್ಟ್ ವಾಹನವಾಗಲೀ, ಯಾವುದೇ ವಾಹನ ಆಗಲಿ ಹತ್ತಿರ ಹುಲಿಗಳು ಬಂದರೆ ಜೀವವೇ ಬಾಯಲ್ಲಿ ಬಂತಂತೆ ಆಗುವುದು ನಿಜವಲ್ಲವೇ?
ಇಂಥ ವಿಡಿಯೋವನ್ನು ಐಎಫ್ಎಸ್ ಅಧಿಕಾರಿ ಸುಶಾಂತ್ ನಂದ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇಂಥ ಹಲವಾರು ವಿಡಿಯೋಗಳನ್ನು ಇವರು ಆಗಾಗ್ಗೆ ಶೇರ್ ಮಾಡುತ್ತಲೇ ಇರುತ್ತಾರೆ. ಇದೀಗ ಈ ವಿಡಿಯೋದಲ್ಲಿ ಅರಣ್ಯದ ಮಧ್ಯೆ ವ್ಯಾನ್ ನಿಂತಂತೆಯೇ ಮೂರು ದೈತ್ಯಾಕಾರದ ಹುಲಿಗಳು ಒಂದಾದ ಮೇಲೊಂದು ಬಂದು ವಾಹನವನ್ನು ಸುತ್ತುವರೆಯುವುದನ್ನು ನೋಡಬಹುದು. ಮಾತ್ರವಲ್ಲದೇ ವಾಹನವನ್ನು ಹತ್ತಿ ಪ್ರವಾಸಿಗರನ್ನು ನೋಡುತ್ತಿದೆ. ನೋಡುಗರಿಗೆ ಇದು ಒಂದು ರೀತಿಯಲ್ಲಿ ರೋಮಾಂಚನ ಎನಿಸಿದರೂ ವಾಹನದ ಒಳಗೆ ಇರುವವರ ಗತಿ ಹೇಗಿರಬಹುದು? ಇದೇನೂ ಹೇಳಬೇಕಾಗಿಲ್ಲ ಅಲ್ವಾ?
ಈ ವಿಡಿಯೋ ನೀವೂ ನೋಡಿ:
Buffet lunch pic.twitter.com/61gjheO8GC
— Susanta Nanda IFS (@susantananda3) July 10, 2021
ಬ್ಯಾಂಕ್ನಲ್ಲಿ ಉದ್ಯೋಗಕ್ಕೆ ಕಾಯುತ್ತಿರುವಿರಾ? ಐಬಿಪಿಎಸ್ನಿಂದ 5,830 ಕ್ಲರ್ಕ್ ಹುದ್ದೆಗೆ ಅರ್ಜಿ ಆಹ್ವಾನ
ಇದು ಹಿಂದೂ-ಮುಸ್ಲಿಂ ದುರಂತ ಲವ್ ಸ್ಟೋರಿ: ಹಸೆಮಣೆ ಏರಲು ಸಿದ್ಧವಾದವರಿಗೆ ಕೊಳ್ಳಿ ಇಟ್ಟ ‘ಲವ್ ಜಿಹಾದ್’
VIDEO: ಗೆಳೆಯನ ಜತೆಗೆ ಆಮೀರ್ಖಾನ್ ಪುತ್ರಿ ಕಳೆದ ಮೋಜಿನ ಕ್ಷಣಗಳ ವಿಡಿಯೋ ವೈರಲ್