ನವದೆಹಲಿ: ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದ 55 ವರ್ಷದ ವ್ಯಕ್ತಿಯ ಕೇಸೀಗ ಅಪ್ರಾಪ್ತರ ವಿಚಾರಣೆ ನಡೆಯಲಿರುವ ಬಾಲ ನ್ಯಾಯಮಂದಿರಲ್ಲಿ ನಡೆಯಲಿದೆ. ಜೀವಾವಧಿ ಶಿಕ್ಷೆಯಿಂದ ಈ ಆರೋಪಿಯನ್ನು ಬಿಡುಗಡೆಗೊಳಿಸಿರುವ ಸುಪ್ರೀಂಕೋರ್ಟ್, ವಿಚಾರಣೆಯನ್ನು ಬಾಲನ್ಯಾಯಮಂದಿರಕ್ಕೆ ಒಪ್ಪಿಸಿದೆ!
ಉತ್ತರ ಪ್ರದೇಶದ ಅಲಹಾಬಾದ್ನ ನಿವಾಸಿಯೊಬ್ಬನ ವಿಚಿತ್ರ ಕೇಸಿದು. ಸುಪ್ರೀಂಕೋರ್ಟ್ ಈ ರೀತಿಯ ಅಪರೂಪದ ತೀರ್ಪು ಕೊಟ್ಟಿರುವ ಹಿಂದಿದೆ ಕುತೂಹಲದ ಕಾರಣ.
ಅದೇನೆಂದರೆ ಇದೀಗ 55 ವರ್ಷ ವಯಸ್ಸಾಗಿರುವ ಈ ವ್ಯಕ್ತಿ ಅಪ್ರಾಪ್ತನಾಗಿದ್ದ ವೇಳೆ ಕೊಲೆ ಮಾಡಿರುವ ಆರೋಪ ಎದುರಿಸುತ್ತಿದ್ದಾನೆ! ಅಂದರೆ ಸುಮಾರು ನಾಲ್ಕು ದಶಕಗಳ ಹಿಂದಿನ ಕೇಸಿದು. ಕೆಳಹಂತದ ಕೋರ್ಟ್ನಿಂದ ಸುಪ್ರೀಂಕೋರ್ಟ್ವರೆಗೆ ಈ ಪ್ರಕರಣದ ವಿಚಾರಣೆ ಬರುವವರೆಗೆ ನಲವತ್ತು ವರ್ಷ ಕಳೆದಿದೆ. ಘಟನೆ ನಡೆದಾಗ ಈತ ಅಪ್ರಾಪ್ತನಾಗಿದ್ದ ಎಂದು ತಿಳಿಯಲು ನಾಲ್ಕು ದಶಕ ಹಿಡಿದಿದೆ!
1981ರಲ್ಲಿ ಈ ಕೊಲೆ ಪ್ರಕರಣ ನಡೆದಿದೆ. ಆಗ ಈ ವ್ಯಕ್ತಿಗೆ 18 ವರ್ಷ ವಯಸ್ಸಿಗಿಂತ ಕಡಿಮೆ ವಯಸ್ಸು ಇತ್ತು. ಕೃಷಿ ಭೂಮಿ ವಿವಾದಕ್ಕೆ ಸಂಬಂಧಿಸಿದಂತೆ ಕೊಲೆ ಮಾಡಿರುವ ಆರೋಪ ಈತನ ಮೇಲಿದೆ. ಆ ಸಂದರ್ಭದಲ್ಲಿ ಈತನೇ ಕೊಲೆ ಮಾಡಿರುವುದು ಸಾಬೀತಾಗಿದ್ದ ಹಿನ್ನೆಲೆಯಲ್ಲಿ ಜೀವಾವಧಿ ಶಿಕ್ಷೆ ವಿಧಿಸಲಾಗಿತ್ತು.
ಇದನ್ನೂ ಓದಿ: ಬೆಂಗಳೂರು ತಲುಪಬೇಕೆನ್ನುವಷ್ಟರಲ್ಲಿ ವಿಮಾನದಲ್ಲೇ ಡೆಲಿವರಿ: ವಿಡಿಯೋ ವೈರಲ್
ಈ ಶಿಕ್ಷೆಯನ್ನು ಈತ ಮೇಲಿನ ಕೋರ್ಟ್ಗಳಲ್ಲಿ ಪ್ರಶ್ನಿಸುತ್ತಲೇ ಬಂದ. ಕೊನೆಗೂ ಅದೇ ಕಾಯಂ ಆಗಿತ್ತು. ಅಲಹಾಬಾದ್ ಹೈಕೋರ್ಟ್ ಕೂಡ ಶಿಕ್ಷೆಯನ್ನು ಎತ್ತಿಹಿಡಿದಿದೆ. ಆದರೆ ಇದೀಗ ಸುಪ್ರೀಂಕೋರ್ಟ್ಗೆ ಈ ಪ್ರಕರಣದ ವಿಚಾರಣೆ ಬಂತು. ಅಲ್ಲಿಗೆ ಘಟನೆ ನಡೆದು 40 ವರ್ಷ ಕಳೆದಿದೆ.
ಇದೀಗ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್, ದಾಖಲೆಗಳನ್ನು ಪರಿಶೀಲಿಸಿ, ಘಟನೆ ನಡೆದ ದಿನ ಅಂದರೆ 1981ರಲ್ಲಿ ಈ ವ್ಯಕ್ತಿ ಅಪ್ರಾಪ್ತನಾಗಿದ್ದ ಎಂದಿದೆ. 1965ರಲ್ಲಿ ಹುಟ್ಟಿರುವ ಈತ ಘಟನೆ ನಡೆದಾಗ 16 ವರ್ಷದ ಆಸುಪಾಸಿನಲ್ಲಿ ಇದ್ದ ಎಂದ ಕೋರ್ಟ್, ಈ ಹಿನ್ನೆಲೆಯಲ್ಲಿ ಜೀವಾವಧಿ ಶಿಕ್ಷೆಯಿಂದ ಆತನನ್ನು ಮುಕ್ತಗೊಳಿಸಲಾಗಿದೆ.
ಪ್ರಕರಣವನ್ನು ಬಾಲ ನ್ಯಾಯಮಂದಿರಕ್ಕೆ ವರ್ಗಾಯಿಸಲಾಗಿದ್ದು, ಅಪ್ರಾಪ್ತರಿಗೆ ಇರುವ ಕಾನೂನಿನ ಅನ್ವಯ ವಿಚಾರಣೆ ನಡೆಸುವಂತೆ ಕೋರ್ಟ್ ನಿರ್ದೇಶಿಸಿದೆ. ಮುಂದಿನ ಏಳು ದಿನಗಳಲ್ಲಿ ಈತನನ್ನು ಉತ್ತರ ಪ್ರದೇಶದ ಬಹ್ರೇಚ್‌ನಲ್ಲಿರುವ ಬಾಲ ನ್ಯಾಯಮಂದಿರದ ಮುಂದೆ ಹಾಜರುಪಡಿಸುವಂತೆ ನ್ಯಾಯಾಲಯ ಆದೇಶಿಸಿದೆ.
2000 ರ ಬಾಲಾರೋಪಿ ನ್ಯಾಯ ಕಾಯ್ದೆಯ ಸೆಕ್ಷನ್ 15 ರ ಅಡಿಯಲ್ಲಿ, ಅಪರಾಧ ಸಾಬೀತಾದರೆ ತಪ್ಪಿತಸ್ಥನನ್ನು ಸುಧಾರಣಾ ಕೇಂದ್ರದಲ್ಲಿ ಗರಿಷ್ಠ ಮೂರು ವರ್ಷಗಳವರೆಗೆ ಇರಿಸಬಹುದು.
ನನಗೆ ಐವರು ಗಂಡಂದಿರು, ಮೂವರು ಅಪ್ಪಂದಿರು: ನಮ್ಮಲ್ಲಿದು ಕಾಮನ್, ಅಚ್ಚರಿಯ ಮಾಹಿತಿ ಬಿಚ್ಚಿಟ್ಟಿದ್ದಾಳೆ ಯುವತಿ…
ಹಾಥರಸ್ ಘಟನೆ ನೆಪದಲ್ಲಿ ಹರಿದುಬಂತು ₹100 ಕೋಟಿ: ಇ.ಡಿಗೆ ದೊರೆತಿದೆ ಭಯಾನಕ ಸಾಕ್ಷ್ಯ!
ಅಧಿಕಾರ ನಮ್ಮ ಕೈಯಲ್ಲಿದ್ದಿದ್ರೆ 15 ನಿಮಿಷದಲ್ಲೇ ಚೀನಿ ಸೈನಿಕರು ಕಾಲ್ಕೀಳುತ್ತಿದ್ದರು!